جادلٍ كل الدروب المعشبه تنبت باثرها

6

فزت على صوت مشعل وهو يناديها وطلعت تركض وهي تعدل شعرها:هلا هلا باخوي المزيييون
مشعل ضحك:هلا بختي اللي اشتقت لها خذاس منا النوم يالجازي
الجازي ضحكت:بعد اللي صار يحتاج انام سبوع احس اني تعبت بدون م اسوي شي
مشعل ابتسم ومد الكيس:امسكي شريت لس انتي واللي عندس
الجازي اخذت الكيس:يالله كثر خيرره ، بروح اصحيها رح ل غرفتك انت عشان تاخذ راحتها نجد
مشعل لف على جهه غرفته:تطردين اخويك ياجزو
الجازي ضحكت على تعابير وجهه ورجعت للغرفه تصحي نجد ،
-
الشرطه تحوم حول المحطه والاماكن اللي جنبها وماسكين العمال يحققون معهم بس طبعاً ينكرون انهم شافو بنت بالمحطه !
المحقق سيف وقف قدامهم:ياعم للان م لقيت اثر ل بنتك والعمال ينكرون انهم شافوها والكاميرات مسكرينها
ابو نجد وقف بغبنه:انت مو شرطي طلع لي بنتي طلعهاا نجد لا يصير لها شي طلبتك يالنشمي القاء لي النجد طاالبك
سيف بحزن على حالهم:ابشر يااعم والله م يرتاح لي جفن لين ترجع لك بنتك بس عطني مواصفاتها ووش كانت لابسه
ذياب عطى سيف المواصفات وكلشي ، سكر سيف الدفتر:تقدرون ترجعون الحين ياعمي باذن الله انا بكون ماسك القضيه لين القيها ارجع ل ديرتك
ابو نجد:مقدر مقدر ارجع ل النجد بدون نجد
سيف:جلستك كذا والله م منها فايده مغير تعب لك
ذيب: صادق الشرطي يبه خلنا نرجع وايشي يصير نروح المركز علطول
مشى ابو نجد بقل حيله ونزلت دمعه خايف على نجد م وده يرجع من بدون نجد بنته م وده يدخل بدون نجد بدونها .
سيف لف على الشرطي اللي معه وبامر قال:كل المحطات اللي قريبه من هنا تدرون فيها وكل العمال تحققون معهم وذولا بذات خذوهم القسم وحققو معهم
ركبو العمال السياره ومشو ل اقرب قسم من الديار القريبه
-
-
بعد م اكلو نجد والجازي لفت الجازي على نجد اللي تنحنحت وقالت:الجازي متى بتودوني ل الشرطه ؟
الجازي وقفت:ابشري بروح الحين ل مشعل اقوله
ابتسمت نجد وراحت الجازي ل غرفه مشعل دقت الباب ودخلت
جلست على السرير قدامه:مشعل
مشعل وعيونه على جواله:نعم
الجازي بهمس:متى نودي نجد ل الشرطه ؟
مشعل بنفس الهمس: الساعه 12 بعد م ينامون امي وابوي وعروب نروح ل اقرب قسم غير القسم حقنا
الجازي وقفت بحماس:الله اكشن يلاه بروح اقولها
ضحكت مشعل:قصري صوتك لحد يسمعك ،،