جادلٍ كل الدروب المعشبه تنبت باثرها

37

-
ابو سعود دخل على اخوه ناظره بغصه باس راسه:الله يلعن الدنيا اللي بعدتني عنك سامحني يااخوي
انهلك ابو سعود من المنظر قاعد يعاتب نفسه من الداخل
-
عند ذيب وعذبة:
ذيب: قاعد يسترجع حبه وهيامه لـ عذبة اللي ماخذه كيانه فكر فيها وهي قدامه وجالسه على الكنب يتامل النعمه العظيمة الي اخذت  ذيب باكمله!
وده بس تكون حلاله وحرم ذيب ويقدر ياخذها
وتكون له لكنه وهو يفكر ويسرح في تأمله بعذبة غلبه النوم والارهاق عذبة: اللي كانت تحس بنظرات ذيب لها لكنها كانت تتجاهل وتمثل انها نايمه عشاان ما تعشقه زياده
شافته نام وطلعت بهدوء من الغرفه عشان تروح لـ نجد وتوقف معها
-
صلو على ابو نجد والكل منهار ابو نجد محبوب عند الجميع وكريم وفاعل خير الناس حزينه عليه بس اكثرهم حزن عياله
شال ذياب ابوه وحطه على كتوفه
وغيث ماسك يد ذياب وحززززين جداً
اما عند جه الحريم بالمسجد نجد منهاااره وهي تشوف ذياب رايح وابوه على كتوفه متوجه لـ السياره
تمنت انها ولد عشان تروح معه
ام صقر ماسكتها وتهديها وهي متقطع قلبها على حاله:ادعي له يابنتي ادعي له الله يثبته عند السوال البكي ما منه فايده
عذبه ودموعها م وقفت من يوم شافت نجد شدت على يدها بقوه:نجد ياروحي تصبري تصبري هاذا اللي كاتبه ربي
نجد بشهاق:ابووي ابوي حبيبي راح
ام صقر وقفت وقفتها معها:يلاه يايمه نمشي للبيت صقر ينتظر برا
وقفت نجد وهي مستنده على عذبه وعروب بسبب رجلها اللي م تقدر تمشي عليها قوه
ركبو مع صقر ومشى مع الموقع اللي مرسله مشعل عليه
-
وصلت البيت ولقت خالاتها موجودين طاحت باحضانهم تبكي ويهدونها وكان البيت مقتض بالحريم
-
دفنو ابو نجد وبدو الرجيل يخفون ومابقى عند راسه الا ذياب وغيث ومشعل واخويا ابو نجد م يبون يتركون ذياب لحاله
ذياب حط راسه على قبر ابوه:ياكسر ظهري يابو نجد ياكسر ظهري
واحد من اخويا ابو نجد:تصبر ياولدي وابوكم الحين م يبغا الا الدعاء منكم ويلاه لا تترك بيتكم بدون ولي امش وانا ابوك امش
مشعل:يلاه يا ذياب صقر يقول البيت امتلى بالرجال
وقف ذياب وهو ماسك يد غيث م تركها:الله يصبرني
-
م تحملت نجد الحريم اللي يعزونها ضااقت الدنيا فيها زياده
ناظرت عذبة:وديني غرفتي
وقفت عذبة واستندت عليها نجد ومشو للغرفه
دخلو الغرفه وجلست نجد على السرير وناظرت عذبة بحزن:شصار على ذيب
تنهدت وجلست جنبها:م يتذكر الا انا والدكتور يقول بيتذكر كلشي اذا جلس بين عايلته وانا شفته نام وطلعت لك علطول
نجد بعدت شعرها عن وجهها:يااربي وشذا اللي قاعد يصير لنا
-
بدت ايام العزاء والناس داخلين طالعين من بيت ابو نجد
كان شعور ذياب ونجد وغيث شعور غريب قد مرت عليهم مثل ذي الايام "ايام عزاء امهم" بس الشعور كان اقوى شعور انهم فقدو والدينهم اغلى م عندهم جنتهم ونارهم
-
انتهت ايام العزاء والبيت فضى من الناس ومافيه بصاله الا نجد وذياب وغيث وعروب وذيب وبدر اللي جاهلين هم عند مين ومن ذولا الناس وكل واحد في فراغ اقوى من الثاني
قطع الصمت ذياب:نجد رجلك تعورك ؟
نجد:لا مو مره عادي
ذياب ناظر ذيب وبدر:م تتذكرونا ؟
ذيب:من يوم م اخذتوني من المستشفى وانتم تكررون الكلم ذي وش السالفه
ذياب:بروح اجيب شي واجي
رح ذياب لـ غرفه ابوه وقف قدامها واخذ نفس يهدي نفس:لا تبكي قو قلبك وادخل
اول م دخل هلت عليه طيوف ابوه والذكريات تعدى كلشي وراح لـ الطاوله اللي عليها البوم الصور وكان جنبها ورقه بالضبط سحب الورقه وفتحها كانت وصيه ابوه اخذها واخذ البوم الصور ونزل تحت
-
جلس وناظرته نجد:وش الورقه اللي معك ؟
ذياب:وصيه ابوي يانجد لقيتها جنب الصور
ابتسمت نجد بحزن:كانه حاس انه بيموت الله يجعله بالجنه
ذياب:امين ، اقولها الحين ولا ناجلها
نجد ناظرت ذيب وبدر وغيث ورجعت نظرها لـ ذياب:قلها الحين ثم ورهم الصور يمكن يتذكرون شي
ذياب فتح الورقه:يلاه بسم الله ، يقول"السلام عليكم ابنائي وابنتي الغالين على قلبي اذا جت الورقه بين يدكم فـ انا اكون تحت التراب ، لا تصيرون نفسي انا واخوي لا تخلون الورث يخرب م بينكم لا تقاطعون بعض خلو قلوبكم على بعض وربو بعض وهالله هالله ياذيب وذياب في نجد وغيث وبدر انتبهو عليهم وانتبهو لـ انفسكم من هالدنيا
بنتي نجد قطعه من قلبي وصيتي لك لا تتطلقين من غسان هو ولد عمك خليك معه بيحطك بين عيون غسان كابر قدام عيني واعرف معدنه واذا سوا لك شي عندك الذيابه مو مخلينك
استودعتكم الله ياحبايب قلبي وانا ابي منكم الدعاء لا تبكون علي وتعبون عيونك ولا تقطعون قبري وقبر امكم من الجيات ولقانا بالجنه باذن الله "ابوكم "
-
نزل الورقه ذياب وهو معاد يشوف من الدموع اللي متجمعه بعيونه ناظر نجد اللي كانت نفسه ثابت ودموعه بس تنزل:يقول لا تبكون علي يانجد يقول ادعو لي لا تبكين نفذي وصيته يانجد
مسحت نجد دموعه بغصه:الله يرحمه
اخذ ذياب البوم الصور وقام جلس بين بدر وذيب ويفتح الصور ويوريهم ويقول احداث كل صوره
وقف ذيب وهو ماسك راسه:صدعت راسي زياده ابي انام وين الغرفه
نجد بضيق:فوق اول غرفه
راح ذيب وقال ذياب:هاه بدر تذكرت شي ؟
بدر يناظر نجد بتمعن واشر عليها:انا اعرف هاذي بس مدري من
وقفت نجد وهي تعرج وجلست جنبه:انا نجد اختك وامك وصديقتك وكلشيي تذكرتني
حط راسه على صدرها بدر وقال:ابي انام
باست راسه نجد:نام يروحي
ذياب ناظر عروب اللي قالت:ترا سويت لكم اكل لكم ايام م اكلتو زين