Chapter 71
" မ ... မဟုတ်ပါဘူး မဒမ် ... ကျွန်မ မရယ်ပါဘူး ..."
အတွေးထဲ လွင့်မျောနေသော ဝမ့်ဝမ်က ရှကျင်းဟောင် သူမနား ကပ်လာသည်ကို တွေ့လိုက်သဖြင့် အလိုလို နောက်ဆုတ်မိသွားသည်။
သို့သော် သူမ နောက်မဆုတ်မီမှာပင် ရှကျင်းဟောင်က ဆံပင်ဆောင့်ဆွဲလိုက် မျက်နှာကို နံရံနဲ့ ရိုက်လိုက်သည်။
အုန်း ...
အား ...
" မဒမ် ကျွန်မ မှားသွားပါတယ် ခွင့်လွှတ်ပေးပါ ..."
လှပပြီး အရောင်တောက်သောအခန်းထဲသို့ အသံတစ်ခု ဝင်လာသည်။
" မာမီ မာမီ ... ဘာလို့ အရမ်းဆူညံနေတာလဲ ..."
သူမ သေတော့မည်ဟု ထင်နေချိန်တွင် နတ်သမီးကဲ့သို့ အသံလေးတစ်သံက နားထဲရောက်လာသည်။
ထိုအသံကိုကြားသဖြင့် သူမ ကယ်တင်ခံလိုက်ရကြောင်း သိလိုက်သည်။
ထိုအသံကြောင့် မူလက ကြောက်မက်ဖွယ်ကောင်း၍ ရူးနှမ်းနေသော စိတ်ဝေဒနာရှင်ကဲ့သို့ အမျိုးသမီးက သိမ်မွေ့လှပသည့် လူတစ်ယောက် ပြန်ဖြစ်သွားသည်။
" အာ ... ဘာမှမဟုတ်ပါဘူး ... ဝမ့်ဝမ် ချော်လဲသွားလို့ ..."
ရှကျင်းဟောင်က အခန်းပြင်ဘက်တွင် မတ်တပ်ရပ်နေသည့် သူမသမီးကို နူးညံ့စွာ ပြန်ပြောလိုက်သည်။ ဝမ့်ဝမ် အခန်းတံခါးကိုဖွင့်ပြီး ထွက်မသွားမီအချိန်ထိ ရှကျင်းဟောင်က သူမကို စူးစူးရဲရဲ စိုက်ကြည့်နေသည်။
တံခါးပွင့်သွားသည်နှင့် ရှကျင်းဟောင် သူမ၏ နတ်သမီးကဲ့သို့ လှပ၍ချစ်စရာကောင်းသည့် သမီးလေးကို မြင်လိုက်ရသည့်အခါ သူမရင်ထဲမှ ဝေဒနာများ ချက်ချင်းပျောက်ကင်းသွားသည်။
ဒေါသ ... မနာလိုမှု ... အမုန်းတရား ...
အားလုံးပျောက်ကွယ်သွားသည်။
ထိုအချိန်တွင် သူမနှလုံးသားထဲ၌ ဤကလေးလေးနှင့်သာ ပြည့်နှက်နေသည်။
" ချီချီ မာမီလုပ်လို့ နိုးသွားတာလား ..."
ရှကျင်းဟောင် ဖုအန်းချီဆီသို့ သိမ်မွေ့စွာ လျှောက်လာပြီး သူမကိုချီလိုက်သည်။
YOU ARE READING
ဗီလိန်၏နူးညံ့သိမ်မွေ့သော မေမေ
RomanceDelicate Mother of a Villain Description ကမ္ဘာပျက်ကပ်ရက်များတွင် အလှတိုးခြင်းစွမ်းအားရှိသော ရှအန်းတစ်ယောက် သေဆုံးသွားခဲ့သည်။ သူမ မျက်လုံးဖွင့်လိုက်သည့်အချိန်၌ အမျိုးသမီးဇာတ်ဆောင် အနိုင်ကျင့်ခံရသည့် ဝတ္ထုတစ်ပုဒ်ထဲသို့ ရောက်ရှိနေသည်ကို တွေ့လိုက်ရသည်။ ...
