ဗီလိန်၏နူးညံ့သိမ်မွေ့သော မေမေ

Chapter 107

ကြာလာလေလေ အင်တာနက်ပေါ်တွင် ရှအန်းကို တိုက်ခိုက်သူ များလာလေလေ ဖြစ်သည်။

ရှအန်း၏ ‘အမေ’ပေါ်လာခြင်းနှင့် ရေတပ်၏ ထိန်းချုပ်ထားမှုကြောင့် ရှအန်းတွင် ပရိတ်သတ်ဘယ်လောက်ရှိရှိ၊ သူတို့ကို မတွန်းလှန်နိုင် ဖြစ်နေသည်။

ရှအန်းနှင့် စာချုပ်ချုပ်ရန် ဆွေးနွေးလိုသည့် အစီအစဉ်များနှင့် လူကြီးများသည် ရှအန်းနှင့် စာချုပ်မချုပ်ဖြစ်လိုက်သည့်အတွက် ဝမ်းသာနေကြသည်။

သို့မဟုတ်ပါက သူတို့ အရှုံးပေါ်နေလောက်ပြီ။

ဤသို့သောပိုစ့်များ လူကြည့်များနေစဉ် ရှအန်းသည် ဝေ့ပေါ်တွင် ပိုစ့်တင်လိုက်မည်ဟု မည်သူမျှ မထင်ထားခဲ့ပေ။

ထို့ပိုစ့်တွင် စာမပါဘဲ အသံဖိုင်သာ ပါသည်။

ထိုမှာ ပို၍ကောင်းပြီး ထိုအထဲတွင် ရေးထားသည်မှာ-

[ရှအန်းV: ကျွန်မအတွက် ပိုက်ဆံအကုန်ခံပြီး ကျွန်မကို တိုက်ခိုက်ဖို့ ရေတပ်ကို ခိုင်းတဲ့ ရှန်ကျင်းဆိုတဲ့ အမျိုးသမီးအတွက်... ပြီးတော့ အမှန်တရားကို မသိတဲ့ ပရိသတ်ကြီးအတွက်.. [အသံဖိုင်]]

ထိုအသံဖိုင်မှာ သူမနှင့် ဖုရှန်း ဖုန်းပြောထားသည့် မှတ်တမ်းဖြစ်သည်။ သူမ ဖုန်းခေါ်ရသည်မှာလည်း အသံဖမ်းဖို့သက်သက် ဖြစ်သည်။ ထို့အတွက် မဟုတ်ပါက သူမသည် ဖုရှန်းနှင့် အဆက်အသွယ်လုပ်ရန် စိတ်ကူးမည် မဟုတ်ပေ။

ထို့ကြောင့် သူမပြောသမျှ စကားလုံးတိုင်းသည် သူမကို နာမည်ဖျက်လိုသည့် သူများအတွက် အဖြေဖြစ်သည်။

ထိုပိုစ့်ကို တင်လိုက်သည်နှင့် တုံ့ပြန်မှုက ချက်ချင်းကြီးထွားသွားသည်။ မူလက ရှအန်းက ကြားလူဟုတ်မဟုတ် လူတိုင်းက ငြင်းခုန်နေကြသည်။ ရှအန်း နောက်ဆုံးတစ်ခေါက် ရှင်းပြပြီးတော့ သူမက ကြားလူမဟုတ်နိုင်ဟု လူတိုင်းက ထင်ခဲ့ကြသည်။

သို့သော် ယခု ရှအန်း၏ အမေဟု ဆိုသည့် သက်လတ်ပိုင်းအမျိုးသမီးက ရှအန်းက ကြားလူပါဟု ပြောသည်။ ရေတပ်၏ အင်တာနက်စစ်ဆင်ရေးနှင့် ပေါင်းစပ်လိုက်သည့်အခါ ရှအန်းက အပြစ်ကင်းသည်ဟု ထင်ကြသော်လည်း စိတ်ပြောင်းကုန်ကြသည်။