ပြိုင်ဘက်ကင်းသိုင်းဝိညဉ်
အပိုင်း ၁၇၆...... နိုင်ငံပေါင်းစုံသိုင်းပြိုင်ပွဲ (9)
ဒုတိယနေ့အတွက် သိုင်းယှဉ်ပြိုင်မှုတွေ ပြီးဆုံးချိန်မှာတော့ ရှောင်လုံလဲ ကျောင်းရှုတို့သုံးယောက်နဲ့အတူ သူတို့တည်းခိုနေသော အထီးကျန် တည်းခိုဆောင်သို့ ပြန်လာလိုက်သည် ။
ဒါပေမယ့် သူတို့တည်းခိုဆောင်အပေါက်ဝကို ဝင်တော့မယ့်အချိန်မှာပဲ ဆိုင်ပိုင်ရှင်က တည်းခိုဆောင်ထဲကနေ အလျင်အမြန် ပြေးထွက်လာပြီး ရှောင်လုံတို့လူစုကို အနဲငယ်ရှက်ရွံနေဟန်ဖြင့် ကြည့်ရင်း
"... သခင်လေး ဟောင်ရှောင်လုံ.... ကျွန်တော်တောင်းပန်ပါရစေ
သခင်လေးတို့ ဒီမှာဆက်နေလို့ မရတော့ပါဘူး... "
".... ဆက်နေလို့မရတော့ဘူး ဟူတ်လား... ?"
ရှောင်လုံက မျက်မှောင်ကြုတ်ရင်း မေးလိုက်သည် ။
တည်းခိုဆောင်ပိုင်ရှင်ကလဲ စိုးရွံဟန်ဖြင့် ခေါင်းကိုငုံလိုက်ပြီး ရှောင်လုံအရှေ့မှာ ဒူးထောက်ချလိုက်ကာ
"... သခင်လေး ဟောင်ရှောင်လုံ.... ကျွန်တော်..ကျွန်တော်တကယ်ကိုတောင်းပန်ပါတယ်... ကျွန်တော်သခင်လေးတို့ကိုဆက်ပြီးလက်ခံထားလို့မရတော့လို့ပါ... "
"... အကြင်နာမဲ့ သခင်လေးကြောင့်လား.. ?"
ရှောင်လုံက အေးစက်စက်အသံဖြင့် တည်းခိုဆောင်ပိုင်ရှင်ကိုကြည့်ကာ ကြားဖြတ်မေးလိုက်သည် ။
တည်းခိုဆောင်ပိုင်ရှင်က ရှောင်လုံပြောလိုက်တဲ့ နာမယ်ကိုလဲကြားရော ဟုတ်တယ်လဲ မပြော မဟုတ်ဘူးလဲမပြောပဲ ကျောက်ရုပ်ကြီးတရုပ်လိုဖြစ်သွားသည် ။ ဒါပေမယ့် ဆိတ်ဆိတ်နေခြင်းက ဝန်ခံခြင်းတမျိုးပဲ မဟူတ်ပါလား... ။
".... မင်းက အကြင်နာမဲ့ သခင်လေးကိုကြတော့ကြောက်တယ်
ငါတို့ကိုကြတော့ မစိုက်ဘူးဆိုတဲ့သဘောလား...?"
ဖေးဟိုက သူကိုယ်ထဲက အရှိန်အဝါတွေကိုထုတ်ပြရင်း ဒေါသတကြီးဖြင့်ပြောလိုက်ကာ
"... ကောင်းပြီလေ..အဲ့လိုဆိုမှတော့ မင်းအသက်ကိုအခုပဲ အဆုံးသတ်ပေးမယ်.... "
ဖေးဟိုက သူပြောတဲ့အတိုင်းလုပ်ဆောင်ဖို့ ပြင်ဆင်လိုက်သည် ။
ကျောင်းရှုရော ယူမင်းရော သူတို့နှစ်ယောက်လုံးမျက်နှာကလဲ အလွန်အမင်းဒေါသထွက်နေဟန်ဖြင့် အေးစက်မာကျောနေသည် ။ ဒါပေမယ့် ဖေးဟိုက တည်းခိုဆောင်ပိုင်ရှင်ကို သတ်တော့မယ့်အချိန်မှာ ရှောင်လုံက လက်ကာပြပြီး ဖေးဟိုကိုတားလိုက်၏ ။
YOU ARE READING
ပြိုင်ဘက်ကင်းသိုင်း၀ိဉာဥ်(ဟောင်ရှောင်လုံ) Book 1
Adventureပြိုင်ဘက်ကင်းသိုင်းဝိညဉ် သူရဲကောင်းတွေဟာ အချိန်တော်တော်များများမှာအထီးကျန်ဆန်ကျတယ်မလား ။ အထီးကျန်ခြင်းတွေကို ကြံကြံခိုင်ရင်ဆိုင်နိုင်မှလဲ ပြိုင်ဘက်ကင်းအဖြစ် သိုင်းလောကရဲ့ထိပ်ဆုံးမှာရပ်တည်နိုင်မှာပါ။ ကမ္ဘာမြေရှောင်လင်ကျောင်းရဲ့ ကျောင်းတော်သားတယော...
