ပြိုင်ဘက်ကင်းသိုင်း၀ိဉာဥ်(ဟောင်ရှောင်လုံ) Book 1

916 - 920

ပြိုင်ဘက်ကင်းသိုင်းဝိညာဥ်

အပိုင်း ၉၁၆.....ဆယ်ထပ်မြောက်ကို ရှင်းလင်းခြင်း

အရေးကြီးဆုံး မှာ အထပ်တိုင်းရှိလျို့ဝှက်တံခါးအားဖွင့်လှစ်ရန်အတွက် စုဆောင်းရန်ဖြစ်သည်။

ထိုသော့ဆယ်ချောင်းကိုညနတ်ဆိုး နိုင်ငံတော်၏ မြို့တော်ဝန်များ၏ လက်ထဲတွင် ရှာဖွေတွေ့ရှိနိုင်ပေသည်။ ပြဿနာမှာကား နတ်ဆိုးနိုင်ငံတော်တွင် မြို့ပေါင်းတစ်သိန်း မဟုတ်လျှင်ပင် အနည်းဆုံး မြို့ပေါင်းတစ်သောင်း ရှိနေခြင်း ဖြစ်သည်။

ထို့ကြောင့် ရှောင်လုံ က သော့တစ်ချောင်းရှိသည့် မြို့တော်ဝန်ကို ဦးစွာရှာဖွေ၍ လုယူရန် ဆုံးဖြတ်လိုက်လေသည်။

ရှောင်လုံ၏ ခန္ဓာကိုယ် ကို အနက်ရောင် အလင်းများ ဖုံးလွှမ်းသွားပြီး သူ့၏ မျက်နှာနှင့် ခန္ဓာကိုယ် ပုံစံတို့ပြောင်းလဲသွားပေသည်။

အချိန်တိအတွင်းမှာပင် သူသည် နတ်ဆိုးတစ်ကောင်နှင့် အတိအကျ တူညီသွားပြီး လေထုကိုဖြတ်သန်းကာ အနီးဆုံး မြို့တော်ဆီသို့ ဦးတည်ပျံသန်းသွားလေသည်။

ခနကြာပြီးနောက် သူသည် နတ်ဆိုးမြို့တော်တစ်ခု၏ ဂိတ်တံခါးရှေ့၌ ရပ်လိုက်လေသည်။

မြို့တော်၏ နံရံများသည် ငရဲဆီမှ ရှားပါးလှသည့် ပစ္စည်းတစ်ခုဖြစ်သည့် မြေအောက်ကမ္ဘာ အံ့ဖွယ်ကျောက်တုံးဖြင့်တည်ဆောက်ထားခြင်းဖြစ်သည်။
ထိုရှားပါးလှသည့် ကျောက်တုံး များကို တစ်ခုပေါ်တစ်ခု ဆင့်ထပ်ထားလေပြီး နတ်ဆိုးချီများ ဖြာထွက်လာလေသည်။

မြို့တော်ထဲသို့ လှမ်းဝင်လိုက်ပြီးနောက် ရှောင်လုံသည် သူ့၏ ပတ်ပတ်လည်ရှိ သန့်စင် သိပ်သည်းလှသည့် နတ်ဆိုးချီကို ခံစားမိလိုက်လေသည်။

သူက ရှေ့သို့လျှောက်နေရင်း အနီးသို့ရောက်ရှိလာသော နတ်ဆိုးချီကို လျို့ဝှက်စွာ သန့်စင်ပစ်လိုက်ပြီး
စုပ်ယူလိုက်လေသည်။နတ်ဆိုးမြို့တော်ထဲ၌ နတ်ဆိုးများသည် သာမန်လူများကဲ့သို့ လမ်းပေါ်၌သွားလာနေကြသည်။ လမ်း၏ ဘေးနှစ်ဖက်လုံး၌ စျေးဆိုင်တန်းများရှိနေပေသည်။ လူသားမျိုးနွယ် ကဲ့သို့ပင် နတ်ဆိုးမျိုးနွယ်သည်လည်း မျိုးနွယ်စုများနှင့် ဖွဲ့စည်းထားလေသည်။ ထိုမျိုးနွယ်စုများမှာ ငရဲသွေးနတ်ဆိုးများ၊ မဟာတောင်ပံနတ်ဆိုးများ၊ မျက်လုံးစိမ်းနတ်ဆိုးများ၊
မိစ္ဆာ နတ်သူငယ်များစသည်ဖြင့် များစွာ ရှိပေသည်။ ထိုမျိုးနွယ်စုများအနက် မဟာတောင်ပံနတ်ဆိုးများနှင့် မျက်လုံးစိမ်းနတ်ဆိုးများသည် အတွေ့မြင်ရဆုံး မျိုးနွယ်စုများဖြစ်သည် ။