ပြိုင်ဘက်ကင်းသိုင်းဝိညာဥ်
အပိုင်း ၉၇၁.....နတ်ဆိုးဘုရင်၏ နန်းတော်ကို ဖွင့်လှစ်ခြင်း
" ဟုတ်လား "
ရှောင်လုံက နှာခေါင်းရှုံ့လိုက်လေသည်။
မည်သူမှ မသိခင် သူ့၏ မျက်လုံးထဲမှ ခရမ်းရောင် သင်္ကေတတစ်ခု တောက်ပလာပြီး မော့ယီရှီး ၏ မျက်ခုံးနှစ်ခုကြားမှတဆင့် စိတ်ဝိညာဉ် ဆီသို့ ပျံသန်းဝင်ရောက်သွားလေသည်။
ရှေးဟောင်းနတ်ဆိုးကလန်ဘိုးဘေး သည် တောင့်တင်းသွားလေပြီး ခုခံရန်ပင် အခွင့်အရေး မရလိုက်ပေ။ သူ့၏ မှတ်ဉာဏ်များမှတဆင့် ရှောင်လုံသည် နတ်ဆိုးဘုရင်၏ နန်းတော်ထဲ၌ ရှေးဟောင်းနတ်ဆိုးဘုရင် ချန်ထားခဲ့သော အရာအကြောင်းကိုသာ ရှာဖွေလိုက်သည်။
ခဏကြာပြီးနောက် ရှောင်လုံသည် စိတ်ဝိညာဉ် ရှာဖွေခြင်းကို ရပ်တန့်လိုက်လေသည်။
' ကတိသစ္စာဂိုဏ်း ရဲ့ ရတနာသိုက်လား'
ကြည့်ရသည်မှာ ရှေးဟောင်းနတ်ဆိုးဘုရင်သည် ရှေးခေတ်ကာလက အင်အားကြီး ထိပ်တန်းအင်အားစု ဖြစ်သော ကတိသစ္စာဂိုဏ်း ၏ ရတနာသိုက်ကို ရရှိခဲ့ဟန်ရသည်။ နတ်ဆိုးဘုရင်၏ နန်းတော်ထဲ၌ ကတိသစ္စာဂိုဏ်း ၏ ရတနာသိုက် အပြင် ငရဲပင်လယ်ဆီမှ နတ်ဆိုးဘုရင် စုဆောင်းခဲ့သော ရတနာများစွာလည်းရှိပေသည်။
ထို ရတနာများစွာ ကြား၌ ရှားပါးလှသော နှစ်ဆယ်သန်း သက်တမ်းရှိ ဆေးပင်များ ဖြစ်သော သွေးဂျင်ဆင်းနှင့် သက်ရှိမှို တို့ ရှိပေသည်။
" မင်း...မင်းက ငါ့ရဲ့ စိတ်ဝိညာဉ် ကို ရှာဖွေလိုက်တာပေါ့ "
ထိုအချိန်၌ မော့ယီရှီး သည်အသိဝင်လာလေပြီး ရှောင်လုံကို ဒေါသတကြီး စိုက်ကြည့်လိုက်လေသည်။ သို့သော် သူက အလျှင်အမြန် လှောင်ပြုံးပြုံးလိုက်သည်။
" ဟောင်ရှောင်လုံ... မင်း မရဏလမ်း ကို လာရတဲ့အကြောင်းက ငါ့ရဲ့ ရှေးဟောင်းနတ်ဆိုး ကလန်က နတ်ဆိုးဘုရင် ရဲ့ နန်းတော်ကြောင့်မလား...မင်းက ငါ့ရဲ့ မှတ်ဉာဏ်တွေကို ဖတ်ပြီးသွားပြီဆိုတော့...ငါ့ရဲ့ ရှေးဟောင်းနတ်ဆိုးကလန် သွေးဆက်နဲ့ပဲ အမွေအနှစ်ကို ရရှိနိုင်တယ်ဆိုတာ မင်းသိထားသင့်တယ်...မင်းလို အပြင်လူတစ်ယောက်ကတော့ အိမ်မက်တောင် မက်မနေနဲ့ "
YOU ARE READING
ပြိုင်ဘက်ကင်းသိုင်း၀ိဉာဥ်(ဟောင်ရှောင်လုံ) Book 1
एड्वेंचरပြိုင်ဘက်ကင်းသိုင်းဝိညဉ် သူရဲကောင်းတွေဟာ အချိန်တော်တော်များများမှာအထီးကျန်ဆန်ကျတယ်မလား ။ အထီးကျန်ခြင်းတွေကို ကြံကြံခိုင်ရင်ဆိုင်နိုင်မှလဲ ပြိုင်ဘက်ကင်းအဖြစ် သိုင်းလောကရဲ့ထိပ်ဆုံးမှာရပ်တည်နိုင်မှာပါ။ ကမ္ဘာမြေရှောင်လင်ကျောင်းရဲ့ ကျောင်းတော်သားတယော...
