ပြိုင်ဘက်ကင်းသိုင်းဝိညာဉ်
အပိုင်း ၆၂၆ .....
"... ဒါက အရောင်ငါးမျိုးစပ် နတ်တံခွန်ပဲ ...."
ရှောင်းမင်ကျီက ပတ်ဝန်းကျင်မှ အံ့သြမှုများကို ဂရုမစိုက်ဘဲ ရှောင်လုံကို ဖြည်းဖြည်းချင်းပြောလိုက်သည်
".... ဒါက နတ်ဘုရားတွေအများကြီး ပေါင်းစပ်ပြုလုပ်ထားတဲ့ နတ်ဘုရားအဆင့် ရှေးဟောင်းပစ္စည်းတစ်ခုပဲ ... ဒီတံခွန်ထဲမှာ အခုတစ်ရာထက်မနည်းတဲ့ စိတ်ဝိညာဉ်စုဆောင်းခြင်း အစီအရင်တွေကို ရေးထိုးထားတယ်...
စကြာဝဠာ အဆင့် ဝိညာဉ်ကျောက်တုံးကို တုံးပြီး တံခွန်ထဲက အစီအရင်တွေကို နှိုးဆွလိုက်မယ်ဆိုရင်
ပတ်ဝန်းကျင်မှာရှိတဲ့ စိတ်ဝိညာဉ်စွမ်းအားတွေက
အနည်းဆုံး အဆသုံးဆယ်ကျော် တိုးတက်လာနိုင်တယ် .... နတ်ဘုရားအဆင့် ဝိညာဉ်ကျောက်တုံးနဲ့ဆိုရင် စိတ်ဝိညာဉ်စွမ်းအားတွေက အဆငါးဆယ်အထိ တိုးတက်လာနိုင်တယ် ..."
ပတ်ဝန်းကျင်မှ လူများက လေအေးများကို ပင့်သက်ရှိုက်သွင်းလိုက်ကြသည်။ ဤရတနာသည် တခြားရတနာများထက် များစွာ ထူးကဲသော ရတနာတစ်ခု ဖြစ်သည်။ ဤရတနာ၏ အထောက်အပံနှင့်ဆိုလျှင် အတွင်းအားများ အလျင်အမြန် တိုးတက်လာနိုင်သည်။ တခြားသိုင်းလေ့ကျင့်သူတစ်ယောက်သည် နတ်ဘုရား အဆင့် ၅ သို့ရောက်ရန် အနှစ်ငါးရာ ကြာမယ်ဆိုလျှင်
ဤရတနာကို အသုံးပြုပြီး သိုင်းလေ့ကျင့်သူသည် အနှစ်တစ်ရာခန့်သာ ကြာမြင့်နိုင်သည်။
နတ်ဘုရား အဆင့် ဝိညာဉ်ဆေးလုံးများကို နေ့နေ့၏ အမြဲသောက်သုံး၍ သိုင်းလေ့ကျင့်လျှင်တောင် အကျိုးသက်ရောက်မှုက ဤကဲ့သို့ မကောင်းနိုင်ပေ ။ ရှောင်လုံ စိတ်ထဲမှာလည်း အတော်လေး လိုချင်သွားသည်။ သူ့အတွက် မလိုသော်လည်း ဟောင်မိသားစုအတွက် အထူးလိုအပ်သော ရတနာတစ်ခုဖြစ်သည်။ သူ့ဆီမှာ ရှိနေသော နတ်ဆေးလုံးများအပြင် ဤတံခွန်ကိုပါ အသုံးပြုလိုက်လျှင် ဟောင်မိသားစုဝင်များ၏
အတွင်းအား အဆင့်တက်နှုန်းက အဆပေါင်းများစွာ မြန်ဆန်လာနိုင်သည်။
"... အင်မော်တယ်အဆင့် ဝိညာဉ်ကျောက်တုံးကို သုံးမယ်ဆိုရင်ရော ....?"
YOU ARE READING
ပြိုင်ဘက်ကင်းသိုင်း၀ိဉာဥ်(ဟောင်ရှောင်လုံ) Book 1
Aventuraပြိုင်ဘက်ကင်းသိုင်းဝိညဉ် သူရဲကောင်းတွေဟာ အချိန်တော်တော်များများမှာအထီးကျန်ဆန်ကျတယ်မလား ။ အထီးကျန်ခြင်းတွေကို ကြံကြံခိုင်ရင်ဆိုင်နိုင်မှလဲ ပြိုင်ဘက်ကင်းအဖြစ် သိုင်းလောကရဲ့ထိပ်ဆုံးမှာရပ်တည်နိုင်မှာပါ။ ကမ္ဘာမြေရှောင်လင်ကျောင်းရဲ့ ကျောင်းတော်သားတယော...
