"ရှောင်းကျန့်....ခင်ဗျားက အဲ့လိုကြီး ပါးစပ်ပိတ်မနေနဲ့လေ....တခုခူပြောဦးမှပေါ့...."
သူတိူ့နေရမဲ့အခန်းထဲရောက်သည်နှင့် ဝမ်ရိပေါ်ကဇာတ်လမ်းစလာသည်။ရှောင်းကျန့်သွားရာနောက် တကောက်ကောက်လိုက်ပြီး အသံလေးတဆာဆာနဲ့ ပြောနေသော ရိပေါ်ကြောင့် ခန်းစီးတွေဆွဲဖယ်ကာ ပြူတင်းတံခါးဖွင့်နေသော ရှောင်းကျန့်က
"ကိုယ်ကဘာပြောရမှာလဲ....မင်းလဲကြားတာပဲ သူတို့ထင်ချင်ရာတွေစွတ်ထင်ပြီး ပြောနေကြတာ က်ုယ့်စကားရောတိုးပေါက်လို့လား...."
"ဟာ အဲ့လိုတရားလွတ်ပြောလို့ ပြီးရောလား....ခင်ဗျားတို့ မိသားစုလ်ုက်ပေါင်းပြီး မယုတ်မာနဲ့...ဒါကလေးတွေကစားနေတာမဟုတ်ဘူး....ငါ့ဘဝတခုလုံးနဲ့ရင်းရမှာ....လက်မထပ်ဘူးနော် ခင်ဗျားကို ငါမယူနိုင်ဘူး...."
ကိုယ်မချစ်မနှစ်သက်တဲ့လူနဲ့တော့ လက်မထပ်နိုင်ပါ။ယူရအောင်လဲ ချစ်သူရည်းစားတွေမဟုတ်တာ သူလဲသိ ကိုယ်လဲသိ။ဒီကြားထဲ ဘာမှမသိဘဲ ဇွတ်စီစဉ်နေတဲ့လူတွေက တမျိုးနဲ့မို့ ကိုယ့်ဘဝကြီးကို ရိပေါ်စိတ်ပျက်မိသည်။
"ရိပေါ်....ကိုယ်တခုပြောမယ်....မင်းသေချာစဉ်းစားပြီးမှ ဆုံးဖြတ်ပေးပါ...."
ခုတင်စွန်းမှာ စိတ်ပျက်လက်ပျက်ထိုင်နေသော ရိပေါ်က ပြောဆိုတဲ့ အမူအရာနဲ့မျက်ခုံးပင့်ပြလာသည်။
"ကိုယ်တို့ အခုပါပါးတို့စီစဉ်တဲ့အတ်ုင်း လက်ထပ်လိုက်ရအောင်.....ပြီးမှ တခုခုကိုအကြောင်းပြပြီး မင်းကို ပြန်လိုက်ပို့မယ်လေ.....ကိုယ်မင်းကို အကူညီတောင်းပါ....ကိုယ်တောင်းဆိုတာပါကွာနော်...."
"ဘာ....ရူးနေလား ဟင်....အကူညီတောင်းတာ ဟုတ်လား....အံ့ဩဖို့ကောင်းလိုက်တာ ရှောင်းကျန့်ရယ်....ခင်ဗျားတော်တော်အပြောလွယ်တဲ့လူပါလား....."
ဒေါသအရှိန်နဲ့ ရိပေါ်မျက်နှာနုနုလေးက နီနေသလို ရှောင်းကျန့်ကို စိုက်ကြည့်နေသောမျက်ဝန်းလက်လက်တွေပါ စူးရှတောက်ပလို့နေသည်။
"မဟုတ်ဘူးလေ ကိုယ်ပြောချင်တာက...."
"မပြောနဲ့....ခင်ဗျားပေးတဲ့ကတိတွေကိုယုံစားပြီး ဒီအထိပါလာတဲ့ ငါကိုက မှားတာ....ဒီမှာ ဒီလိုကိစ္စမျိုးဆိုတာက အကူညီတောင်းလို့ရသလား....ကိုယ့်ဘဝတခုလူံးနဲ့ရင်းပြီး ကူညီရအောင်ထိတော့ ဝမ်ရိပေါ်တို့ကအဲ့လောက်သဘောမကောင်းဘူး ရှောင်းကျန့်....ဒီလိုအလုပ်မျိုးကို ဒီဘဝမပြောနဲ့ နောက်ဆယ်ဘဝအထိ မလုပ်ဘူး အိမ်မက်,မက်မနေနဲ့...."
