အမွှေစိန်တို့ရဲ့ ခေါင်းဆောင်ကြီးရှဲ့ယွင်နဲ့အတူ ဝိုင်းတော်သားများဖြစ်ကြသော ရိပေါ်နဲ့ကျိရန်တို့က မီးဖိုခန်းထဲမှာ တကုပ်ကုပ်။စားဖိုမှူးဟိုက်ဆန်းကို အပြင်ထုတ်ထားကာသူကိုယ်တိုင်လက်စွမ်းပြမည်ဟုဆိုသော ရှဲ့ယွင်က YouTubeမှ cookieလုပ်နည်းကို လေ့လာထားသတဲ့။
"ဖြစ်ပါ့မလား ပါပါးရယ်....ဟိုက်ဆန်းကို ကူခိုင်းရအောင်လေ...."
ကိုယ့်အဖေရဲ့လက်ရာကို ကြိုသိနေသဖြင့် ကျိရန်က စိတ်ပူသလိုလေးပြောလိုက်တော့ နဂါးမျက်စောင်းတချက်က ဝင့်ခနဲရောက်လာကာ
"ဘာခက်တာမှတ်လို့....ငါ YouTubeကနေ သေချာလေ့လာထားပြီးသားပါ...ဒီလောက်တော့ ငါလုပ်တက်ပါတယ်....."ဟု ရှဲ့ယွင်က မကြေမနပ်ပြောလာသည်။ကျိရန်က ဒါကိုအတွန့်တပ်လို့
"အဲ့ဒါဆိုလဲ ဖုန်းယူထားဦးလေ.....တဆင့်ချင်း သေသေချာချာလေးကြည့်ပြီး လုပ်လို့ရတာပေါ့....."
"မလိုပါဘူး.....ဒီမှာ ရှဲ့ယွင်တို့က မလုပ်ချင်ရင်သာ နေမယ်....တခါကြည့်ရုံနဲ့အကုန်အလွတ်ရတယ်....ဘယ်ဖုန်းမှ ယူစရာမလိုဘူး....."
ကိုယ့်ကိုယ်ကိုယ် ကိုယ်ရည်သွေးလို့ ဂုဏ်ယူဝင့်ကြွားစွာပြောနေသည့် ပါပါးကို ကျိရန်လက်မြှောက်ရသည်။ဘေးမှာရှိနေသော ရိပေါ်ကတော့ ရှဲ့ယွင်တို့သားအဖပြောနေသမျှကို ကြားဟန်မတူ။ခပ်ငိုင်ငိုင်လေးဖြစ်နေရသည်ကိုလဲ ဟိုသားအဖက သတိမထားမိကြပါ။
*တဖက် ကျင်းအုပ်စုက ဉာဏ်များတယ်....သတိထား သားကြီး.....*ဟု မနက်က ရှောင်းကျန့်နဲ့ဒယ်ဒီတို့ပြောနေတာကို နားစွန်နားဖျားကြားထားတာမို့ ရိပေါ်စိတ်ထဲမတင်မကျကြီးဖြစ်နေသလို ဘာကိုပူပန်မှန်းမသိ စိတ်ပူနေမိသည်။
"ဟိုက်ဆန်း....ငါ့အိမ်တော့ မပြိုလောက်ဘူးမလား...."
မျက်နှာတော်မသာမယာနဲ့ မီးဖိူခန်းဘက်ကို ကြည့်ရင်း အမေးပြုလာသူ ရှောင်းသခင်ကြီးကြောင့် ဟိုက်ဆန်းတက်ကြွစွာ ဖြေမိသည်က
"မပြိုဘူးလို့တော့ ထင်ပါတယ် သခင်ကြီး....."ဟူ၍ပင်။ဟိုက်ဆန်း၏ အားတက်ဖွယ်စကားကြောင့် မော့ရန်မှာ သက်ပြင်းတချချ ရင်တမမဖြစ်နေရပေမဲ့ ကျန်လူများက ပြုံးစိစိ။
