X.X.X. clubသို့ ဒုတိယတကြိမ်ထပ်မံရောက်ရှိလာရပြန်သည်။အကြောင်းကား ဖေဖေထံမှ ပြန်လက်ခံသည်ဟု အကြောင်းပြန်သဖြင့် ရိပေါ်ကိုဂုဏ်ပြုချင်ပါသည်ဆိုသော အကိုရန်လေးကြောင့်သာ။
ဒီတခါမှာတော့ ပါပါးယွင်က ဒယ်ဒီမော့ရန်ရဲ့ မလိုက်ရဆိုသော တချက်လွတ်အမိန့်ကြောင့် ရိပေါ်၊ကျိရန်တို့နဲ့အတူ ပါပါးယွင်ကိုယ်စားကလေးထိန်းအဖြစ်ပါလာသော ရှောင်းကျန့်နဲ့ဟောက်ရွှမ်း။သူတို့နှစ်တွဲထဲမို့ မသိရင် double dateနေကြသလိုလို။
"ယောက်ဖလေး....များများသောက်နော်....ယောက်ဖလေးကို ဂုဏ်ပြုတာ...."
Beer jarကိုမျက်စပစ်ပြလို့ပြောနေသော ကျိရန်ရဲ့စကားကို အလိမ္မာတုံးလေးရိပေါ်က ခေါင်းတညိတ်ညိတ်ဖြင့် နားထောင်နေသည်မို့
"အများကြီးသောက်နိုင်တာလဲ မဟုတ်ဘဲနဲ့....ဟိုတခါလိုဖြစ်နေရင် ဘယ်လိုလုပ်မလဲ babyရယ်....တခွက်၊နှစ်ခွက်ဆိုတော်ရောပေါ့....."
ရှောင်းကျန့်က သဘောရိုးနဲ့ မူးပြီးရန်ဖြစ်တဲ့ကိစ္စကိုပြောပေမဲ့ အတွေးတွေ နက်နဲသွားသည့်ရိပေါ်ကတော့ ကိုင်ထားတဲ့ခွက်ပဲပြန်ချလိုက်ရမလိုလို၊ပါးစပ်ထဲက beerတွေပဲ ပြန်ထွေးထုတ်ရမလိုလို။
"ကိုကြီးနော်....ပါပါးဘာမှာလိုက်လဲ မေ့သွားပြီလား....ယောက်ဖလေးကို အဲ့လောက်ထိမပိတ်ပင်ပါနဲ့ဗျာ....လွတ်လွတ်လပ်လပ်နေပါစေလား....."
သူကိုယ်တိုင်လိုက်မလာတာတောင် *ငါ့သားငယ်လေးကို ပျော်ပါစေ...ကလေးကိုစိတ်ညစ်အောင်မလုပ်ရ..*ဟု အမိန့်တော်ပါးလိုက်သော ပါပါးယွင်ရဲ့အမှာတော်ကို ကျိရန်ကဆင့်ပြန်နေသည်။
"ပိတ်ပင်တာမဟုတ်ပါဘူး ညီညီရာ....မင်းယောက်ဖလေးက မင်းလို ကြွက်တွင်းမဟုတ်လို့ပြောနေရတာ...."
"ဦးလေးကြီးကလဲ ဝမ်ဝမ်တို့ကဒီလောက်တော့ အပျော့ပါ....နော့် အကိုရန်လေး...."
"အေးဆို....ပါပါးကလဲ မှာလိုက်သားပဲ...ထပ်ထည့် ယောက်ဖလေး....သူပြောတာ ဂရုမစိုက်နဲ့...."
သူ့အရပ်နဲ့သူဇာတ်လိုက်ဖက်ညီစွာ အဆင်ပြေနေသော မနိုင်စိန်နှစ်ယောက်ကြောင့် ရှောင်းကျန့်သက်ပြင်းချလို့ ခေါင်းယမ်းမိတော့ ဟောက်ရွှမ်းက တသောသောထရယ်သည်။ဒီပုံအတိုင်းဆို ဟောက်ရွှမ်းနဲ့သူ့မှာ ညလုံးပေါက် ငုတ်တုတ်ထိုင်စောင့်မည်နဲ့တူသည်။
