ភាគទី : 23 » [ មីងចង់យ៉ាងមិចជាមួយខ្ញុំ? ]
Yoonmin Novel
____________
«លោកពូ ខ្ញុំមិនមែនចោរទេ» ជីមីនរើបម្រះនិងអោនខាំដៃរបស់យ៉ុនហ្គីមួយទំហឹងដល់ចេញឈាម មិនលែងមែនទេ នឹងខាំឲ្យដាច់ដៃតែម្ដង
«អូយ...ជាឆ្កែឬមិនមែន ធ្មេញមុតម្លេះ?» យ៉ុនហ្គីយកដៃទប់របួស ជីមីនខាំជាប់ស្នាមធ្មេញលើដៃគេ តិចគេចាប់ថើបវិញទៅក្មេងនេះ
«មកពីប្រាប់ថាមិនមែនចោរហើយនៅមិនជឿធ្វើអី ហ្ហឹស! សមមុខ» រាងតូចវាស់សក់មុខបន្តិចរួចក៏ប្រុងដើរចេញ តែអ្នកម្ខាងចាប់ដៃជាប់ ព្រោះមានសំណួរខ្លះចង់សួរ ណាមួយក៏គិតថាជីមីនមិនខុសពីនាយទេ
«ឈប់សិន ឯងទើបតែភ្ញាក់ឬក៏មួយយប់ហើយមិនទាន់បានគេង?» យ៉ុនហ្គីសួរនេះធ្វើឲ្យជីមីនឆ្លើយមិនចេញនោះទេ តែក៏ប្រឹងញញឹមក្រវីក្បាលនិយាយតបបែបហីៗថា
«ខ្ញុំគេងលក់សុបិន្តល្អណាស់ ដោយសារតែស្រេកទឹកទើបចេញមករកទឹកផឹក តើយ៉ាងមិច?» ជីមីនលើកចិញ្ចើមសួរបកទៅនាយវិញ ឬមួយនាយក៏មិនគេងដូចខ្លួនដែរ
«មានយ៉ាងមិច គ្រាន់តែសួរៗទៅ ហើយ...មិនត្រូវការអ្នកគេងកំដរទេ?» ទៀតហើយ ចុះឡើងៗចង់ទៅគេងជាមួយគេសោះ មើលទៅបើមិនបានគេងមើលខ្នងគេទេ បែបគេងមិនលក់ឡើយ ម៉ោង4ហើយ យ៉ាងហោចក៏គេងបានបន្តិចដែរ
«កុំប្រាប់ណាថាលោកពូមិនគេងមួយយប់ហើយ?» ជីមីនកាន់តែចងចិញ្ចើម យី...ក៏ដូចគ្នាម្លេះ បើនិយាយឲ្យខ្លី 2នាក់នេះបើមិនបានគេងអោបគ្នាទេ មើលទៅភ្នែករ៉ូងទល់ភ្លឺហើយ
«អឺមមម» យ៉ុនហ្គី
«ហ្ហើយ! មក...» រាងតូចដើរទៅមុនទើបយ៉ុនហ្គីលឺគេបើកដៃញញឹមមិនដឹងខ្លួន គេហៅហើយមិចមិនឆាប់ទៅ តិចអត់ 🙄
________
#សេអ៊ូល
ថេយ៉ុងកំពុងតែដើរផ្សារសុខៗក៏បានឃើញយូមីណា និងស្រីៗមួយក្រុមកំពុងដើរ Shopping 🛍️ របស់ Brand brand នាងបានលុយមកពីណា ក្រែងថាមានតែសំបកខ្លួនតើ
«កុំបារម្ភអីពួកឯង អនាគតប្ដីយើងជាសេដ្ឋី ចាយប៉ុន្មានក៏មិនអស់ដែរ ហ្ហឹស.ហ្ហឹស...» នាងអួតសម្ញែងមិត្តៗហៃសូដែលតោងទាមភាពមានបានរបស់នាង ដោយសារតែនាងមានលុយ
«ច្រណែនឯងណាស់ ជិតបានប្ដីសេដ្ឋីហើយ»
«អឺមម មែនហ្នឹង ច្រណែន...»
«ហ្ហើយ...ភាពស្រស់ស្អាតវាជាធ្នាក់ពិតមែនណាពួកឯង ហ្ហឹស! ពីមុនយើងមិនស្អាត គ្មានអ្នកណាមើលឃើញយើងផង ឥលូវកៀរនឹងជើង» នាងពេបមាត់មានអំនួតនឹងសម្រស់ដែលឆ្លងកាត់មុខកាំបិតរបស់នាង ថាបើមិនបានផ្លាស់ប្ដូរពេលនេះនាងនៅជាបុគ្គលិករត់តុនៅហាងអាហារនៅឡើយទេ
