Uni
" ဝုန်း !!! "
လူတစ်ယောက်လုံးကို ကိုင်ပေါက်ပစ်လိုက်သဖြင့် အခြားသူများ အနည်းငယ်တွ့န်သွားကြ၏။ ဦးနောင်လွင်က ထိုလူငယ်များ၏အလယ်တွင်ရှိနေကာ သတိမလွတ်ဘဲ အကဲခတ်နေသည်။ လွန်းနေက နောက်တွင်ရပ်နေကာ မျက်ရိပ်ပြ၏။ ထိုအခါ ဦးနောင်လွင်ကို ဝိုင်းနေကြသော လူငယ်များကလည်း ရှေ့တိုးလာကြသည်။
" ဟိတ် ! "
" ဖြောင်း ! "
" အာ့ ! "
ရိပ်ခနဲဝင်လာသည့် ခြေထောက်ကို ခြေကျင်းဝတ်မှဖမ်းကိုင်ကာ ဆွဲလှည့်ပစ်လိုက်ပြီး ခါးကိုပတ်ကန်ပစ်လိုက်၏။ ထိုအခါ လူငယ်က ခတ်ကြိတ်ကြိတ်ညည်း၍ နောက်ဆုတ်သွားခဲ့သည်။
လမ်းမထက်တွင် လဲကျနေပြီး ညည်းညူနေသည့် လူငယ်များ ငါးယောက်ခန့်ရှိနေကာ ဝိုင်းထားဆဲလူငယ်ကလည်း လေးယောက်ခန့်ရှိသေး၏။
လျင်မြန်ဖျတ်လတ်လွန်းသည့် လှုပ်ရှားမှုများကြောင့် အရမ်းကာရောဝင်မလာဝံ့တော့ဘဲ ရှိကြသည်။ တစ်ယောက်နှင့်တစ်ယောက် အခြေအနေကြည့်ကာ ဟန်တပြင်ပြင်ဖြင့်ရှိကြသော်လည်း ဝင်လာရန်မူ နောက်တွန့်နေကြဆဲ။
ဦးနောင်လွင်က ထီမထင်သည့် မဲ့ပြုံးဖြင့် ဝေ့ကြည့်လိုက်သည်။
" လာလေ "
စိန်ခေါ်သည့်နှယ် ခေါ်လိုက်သော်လည်း လူငယ်လေးများက သူ့ကိုမယှဉ်နိုင်မှန်း သိကြသည့်နှယ်။
လွန်းနေသည့် အေးစက်သည့်အကြည့်တစ်ချက်ဖြင့် စောင့်ကြည့်နေရာမှ အပေါ်ဝတ်ဂျာကင်ကို ချွတ်လိုက်၏။ သူ့လူများကြား မော်ကြွားနေသည့်မျက်နှာကို ပညာပေးချင်သည့်နှယ် ရှေ့တိုးလာသည်။
" တွေ့ကြသေးတာပေါ့ "
လွန်းနေပါ ပါဝင်လာမည်ကိုသိကြသော် အခြားသူများသည် စိတ်အားတက်ကြွလာကြသည်။ ထို့နောက် ဦးနောင်လွင်ထံသို့ တပြိုက်နက်တည်း တိုးဝင်တိုက်ခိုက်ကြလေသည်။
တိုက်ပွဲထဲသို့ ဝင်လာသည့် လွန်းနေ၏ ခြေလှမ်းများ ရပ်တန့်သွားလေသည်။ သူပခုံးကို ဆုပ်ကိုင်တားဆီလာသူကြောင့် လှည့်ကြည့်လိုက်သောအခါ သခင်လေးသမာဓိရင်ခွင်ကို တွေ့ရ၏။
YOU ARE READING
REVENGE EYES ( U & Z)
Actionသမာဓိရင်ခွင် ပကတိပြင်ညီ ဝတိံဘုံဖျား ကြွေသား သမာဓိရင္ခြင္ ပကတိျပင္ညီ ဝတႎဘုံဖ်ား ေႂကြသား Start - 13.2.23 End -
