Uni
ဆေးရုံသို့ရောက်ချိန်တွင် ပကတိကို အရေးပေါ်ခန်းထဲသို့ချက်ချင်းထည့်ကြရသည်။ ဖျားကလည်း ပကတိရှိရာသို့ အပြေးရောက်လာ၏။ အခြေအနေကို မေးမြန်းပြီးသော် ပကတိသည်
အိပ်ဆေးလွန်နေပြီး အရေးပေါ်ကုသနေရသည်ကို သိရှိသွားလေသည်။
ဖျားသည် သမာဓိကိုမြင်လျှင် ပြေးသွားကာ အင်္ကျီရင်ဘတ်စကို ဆုပ်ကိုင်ဆွဲယူလိုက်သည်။ အံကြိတ်ထားမိကာ သမာဓိ၏ကိုယ်ကြီးကို ဆွဲခါရင်း မေး၏။
" မင်း ဘာတွေလုပ်နေလို့ ပကတိက အခုလိုမျိုး အသက်အန္တရာယ်ဖြစ်နေရတာလဲ၊ မင်း သူ့ကိုတောင် မကာကွယ်နိုင်ဘဲ ဘာလို့လက်ထပ်ထားတာလဲ "
" ဒေါက်တာ !! "
" လွန်းနေ ! "
လွန်းနေက ဘုံဖျားကို ဆွဲဖယ်ရန် အနားရောက်လာ၏။ သမာဓိက လက်ကာပြလိုက်သည်။ လွန်းနေ သူ့သခင်လေးကိုကြည့်ကာ ရပ်နေတော့သည်။ ဘုံဖျားကလည်း လွန်းနေကိုတစ်ချက်လှည့်ကြည့်ကာ ရပ်နေသည်ကိုမြင်လျှင် သမာဓိကိုသာ ရန်လိုနေသည့်အကြည့်တို့ဖြင့် ပြန်ကြည့်၏။
" မင်းအခုလိုပဲ ပကတိကို ဒုက္ခရောက်စေမှာဆို ကွာရှင်းပေးလိုက်တော့ "
စကားဆုံးလျှင် ဖျားက သမာဓိ၏ကိုယ်ကြီးကို တွန်းထုတ်လိုက်သည်။ သမာဓိသည် ဆေးရုံနံရံသို့ ကျောကပ်ကျသွားကာ စကားမဆိုနိုင်။
သမာဓိသည် အပြစ်ရှိသူနှယ် ခေါင်းငုံ့၍ ဖျားကို တောင်းပန်သည်။
" တောင်းပန်ပါတယ်၊ ကျွန်တော် အစ်ကို့ကို ပိုပြီး ဂရုစိုက်ပေးပါ့မယ် "
" သူ ဘာမှမဖြစ်မှ အဲ့စကားကို မင်းပြောရမှာ "
ဖျားက သမာဓိကို တွန်းဖယ်ကာ အရေးပေါ်ခန်းထဲသို့ဝင်သွား၏။ ပကတိ၏အခြေအနေကို သိစေရန် တာဝန်ကျဆရာဝန်များနှင့် ဆွေးနွေးသည်။
နာရီဝက်ခန့်ကြာသော် ဖျားက သမာဓိရှေ့သို့ ထပ်ရောက်လာသည်။
" ပကတိ အခုလိုမျိုး ဆက်တိုက်အိပ်ပျော်နေတာ ဘယ်နှရက်ရှိပြီလဲ "
" မသိဘူး ဒေါက်တာ "
" ဘာ !!! မသိဘူး ??? "
ဖျားမျက်နှာတင်းသွား၏။ သမာဓိကို ထိုးကြိတ်တော့မတတ် ရှေ့တိုးလာ၏။ သမာဓိက ခေါင်းငုံ့ထားရင်း ဆက်ပြောသည်။
YOU ARE READING
REVENGE EYES ( U & Z)
Acciónသမာဓိရင်ခွင် ပကတိပြင်ညီ ဝတိံဘုံဖျား ကြွေသား သမာဓိရင္ခြင္ ပကတိျပင္ညီ ဝတႎဘုံဖ်ား ေႂကြသား Start - 13.2.23 End -
