Unicode
Zawgyi
"အင်း..ဟင်း..ဦးတည် "
ခန္ဓာကိုယ်မှလှုပ်လီလှုပ်လဲ့နှင့်နိုးလာသည့်ကောင်းက နိုးနိုးချင်းရေရွတ်မိသည်က မြတ်တည်တ့ံကိုသာ။ တည်တ့ံထိုကောင်လေးကိုမြတ်နိုးလွန်း၍ နဖူးထက်ခပ်ဖွဖွအနမ်းခြွေမိတော့ မျက်တောင်လေးတွေကိုပုတ်ခတ်ကာ နိုးလာ၏။
"နိုးပြီလား ဗိုက်နာတာသက်သာပြီလား ဘယ်လိုနေသေးလဲ"
"ဦးတည် ကျွန်တော့်ကို တပ်ခေါက်တယ် "
"ဟင်!"
အစမရှိဘဲပြောလာသည့်စကားကြောင့် တည်တ့ံကြောင်အမိသည်မှာအမှန်။ နောက်မှအတွေးထဲဝင်လာသည်က ညေနကသူ့ကိုစိုးရိမ်၍တပ်ခေါက်လိုက်မိသည်ကို အခဲကြေပုံမရ။ တည်တ့ံ ကောင်းကောင်း၏မျက်နှာလေးကိုလက်နှစ်ဖက်ဖြင့် အုပ်ကိုင်ပြီး မျက်နှာချင်းဆိုင်စေလိုက်တော့ မြင်လိုက်ရသည့် မျက်ခွံလေးတွေက ခပ်မို့မို့။ ကောင်းတက်ခွကာအိပ်ထားသည်မို့ပေါင်က အနည်းငယ်ထုံကျင်နေသော်လည်း မဆင်းခိုင်းရက်။တော်ကြာဝမ်းနည်းသွားပြန်မှဖြင့်။
"ညေနက ကိုယ်ချာတိတ်ကိုအော်တာမဟုတ်ရပါဘူးကွာ ကိုယ့်ကိုယ်ကိုဒေါသထွက်သွားလို့ပါ"
"ဦးတည်လိမ်တယ်"
"ကိုယ်ကဘာလို့လိမ်ရမှာလည်း ဟမ် "
တစ်ကယ်ပါ ကားရပ်လိုက်သည်နှင့်မြင်လိုက်ရသည့် မြင်ကွင်းကသူ့ကို စိုးရိမ်စိတ်မြှင့်စေသည်။ ခွန်းစစ်ငယ်ကကောင်းခြေထောက်ကိုဖက်ကာ တောင်းပန်စကားဆိုနေသည်က အရေးမဟုတ်သော်လည်း ထိုမြင်ကွင်းကိုကြည့်ကာ ကောင်းကိုအပြစ်တင်ပြောဆိုနေသည့် လူအချို့ကြောင့် ကောင်းကိုစိုးရိမ်မိသည်မှာ အမှန်ပင်။ တောက်ခေါက်မိသည်ဆိုတာကလည်း ဒီလိုအခြေအနေဖြစ်သွားရလောက်အောင် သူကောင်းဆီကိုစောစောမရောက်လာခဲ့မိသည်ကို ဒေါသထွက်၍။
ခွန်းစစ်ငယ်ကိုချီလိုက်တယ်ဆိုတာကလည်း သူ့ခြေထောက်နာနေသည်ထင်၍ ဆေးခန်းပို့ပေးရန်သာ။သို့ပေမယ့် ချာတိတ်နာကျင်သည်ကိုမြင်လိုက်ရတော့ ချာတိတ်ထံအပြေးသွားမိသည်သာ။ ခွန်းစစ်ငယ်ဘယ်လိုကျန်ခဲ့မည်ဆိုတာကိုလည်း ဂရုမစိုက်အား။
YOU ARE READING
ခြေကျင်းဝတ်ထက် ခြွေတဲ့အနမ်းတစ်စုံ
Fantasyသူ၏ ခြေကျင်းဝတ်ထက်က မှဲ့နက်လေးကိုမှ ချစ်မိပါသည်။
