« فِيلا سُليمان بن عقاب »
دخلو البنات واتسقبلهم صراخ الجد سُليمان والجده
الجد سُليمان بعصبيه : مين سمح لكم تطلعون بدون اذني يا خسيسات !!!
بلعت ريقها أريام من شافت خوف حور و جسور من صراخ الجد : كلمنا وحده من العاملات تقول لك بس اكيد نسو
سلطان : شفت يبه نفس ما قلت لك قالو ل وحده من العاملات ونست تقولك
الجد سُليمان بحده : ومين هي اللى قلتو لها ونست تقول لي !
أريام ناظرت البنات وشافت انظارهم على العامله جوزاء ونطقت بخوف : بلغنا جوزاء
جوزاء : اي هم قالولي بس انا نسيت بعتزر
الجد سُليمان ناظرها بنص عين : وش مغزاك يوم انك نسيتي وانتي بس تشرفين على العاملات
جوزاء : عم بئولك نسيت ما اخبرك انشغلت على اشراف العاملات بعتزر صدئني مو بأيدي
الجد سُليمان : عيوني لا تشوفكم طالعين بدون اذني
تنفست أريام براحه وشكرت جوزاء بعيونها وطلعو البنات جناحات اهاليهم
« جناح سلطان »
دخل سلطان وتعدلت جسور ببتسامه
سلطان : ليش طولتو في المطعم وداري انكم ما قلتو ل جوزاء ولا شي بس احمدو ربكم وقفت بصفكم و كذبت معاكم
جسور نزلت راسها : اسفه
سلطان : لا تنزلين راسك ي جسور !
جسور : ليش كل ما شفت جدي يهاوشني ماتقول شي ساكت وكانه مايهمك
سلطان : جدك وتعرفينه ولو سويت اللي ما يتسوى مايهتم ل كلامنا
جسور : بس المفروض تحسسني انك قاعد تدافع عني مو تسكت
سلطان تهند : ما بيدي شي يا عيني
جسور سكتت واردف سلطان بهدوء : تجهزي يا عيني
جسور بأستغراب : ليه
سلطان : بطلعك انتي و اخوانك وامك طلعه عائليه
جسور : أريام و فارس معانا؟
سلطان : ايوه وتميم كمان
جسور : تميم؟
سلطان : نسيبنا يا ابوك
جسور وهي لسى ما استوعبت : صبر تميم و أريام اخوان ولا وش
سلطان بضحكه : لا ياعيني تميم خطيبك
جسور بصدمه : تميم خطبني متى صار هلكلام بابا وش السالفه متى خطبني وليش انا ما ادري
سلطان : ما تدرين !!
جسور : في شي لازم اعرفو؟
سلطان : تميم امس خطبك والكل يدري و عبالي تدرين
جسور : متى
سلطان : هو لسى ما صار شي رسمي بس هو يبيك
المهم انا بطلع وانتي تجهزي بسرعه
طلعت جسور من الجناح رايحه مكانها المتعاد والصدمه لازالت مرافقتها
تميم ابتسم بهدوء من شافها طلعت و الواضح له انها ما انتبهت له رمى دخانه وظل يراقبها من بعيد انذهل من شافها تبكي راح لها وهو مصدوم من سبب بكأها : من بكاك
جسور فزت ومسحت دموعها : محد
تميم بحده : جسور !
جسور : قلت لك محد ليش مصر تعرف لهدرجه يهمك
تميم : جدي قال لك شي
جسور : لا
تميم : اجل من بكاك
جسور وقفت : محد
راحت وتركته معصب من بكأها دخل وراها وقابل الجد سُليمان بطريقه
الجد سُليمان : ترا اللي صار امس ماني بساكت عنه. و بتخطب بنت عمك و بتتزوجها دامك عطيت كلمه
تميم استغفر بصوت مسموع و تركه يبي يشوف جسور
« جناح سلطان »
سلطان : ها جاهزين؟
ملاك : ايوا بس باقي جسور تسوي شعرها
سلطان : تمام
يزيد : يبه فهمت كل شي الا وجود تميم معنا
سلطان : تميم خطيب جسور يبيها واعلن انها للكل انها محجوزه له
يزيد : وجسور وش ردها
سلطان : ما ندري بس شورها من شوري حتى لو ماتبيه
ناظروه بصدمه وهم ماتوقعو يكون كلامه كذا
يزيد : ابوي انت سامع وش تقول !
سلطان : سامع وش اقول معليك
فارس بحده : ابوي لاتقهرني بـ اختي الوحيده انا ماني مخليك تجبرها لو ماتبي وبعدين ذي بنتك الوحيده المفروض تترك لها الحريه بـ اختيار شريك حياتها وماتغصبها على شي لو ماتبيه
سلطان : فارس !!
فراس : أبوي كلام فارس صحيح مايصير تغصبها وين عاشين بـ أي زمن
سلطان سكت ومارد عليهم لان كلامهم صحيح
سعود : صدقوني لو تقول مابيه انا اول من يوقف معاها ومحد بيردني
يزيد : وانا معك
ملاك طلعت من الغرفه وراها جسور وسكتو من شافوها مبتسمه لهم
سلطان همس : خلو الليله تعدي على خير واعد جسور بطلعه عائليه
فراس : تميم يتعذر يقول طلع له عمل وظروري يحله
جسور ابتسمت براحه ونطقت بهدوء : أريام وينها مو جايه؟
فارس هز راسه بالنفي : لا طالعه مع خواتها وامها
ملاك ناظرت سلطان و يزيد واستغربت من نظرات يزيد الناريه لـ ابوه والواضح لها انو فيه موضوع صاير : جاهزين ي أبو فارس
ضحك سلطان من كلمتها : مشينا ي أم فارس
« المستشفى »
نزل من سيراته والخوف مالي قلبه من بلغوه بـ أن اخوه الوحيد« راكان » بالمستشفى صار له حادث
وائل : اخوي راكان بن جابر ب أي قسم
موظف الاستقبال : وش صلتك به عشان اقدر افيدك
وائل : اخوه الكبير
موظف الاستقبال : عطني هويتك
عطاه وائل وسمح له بالدخول وهو يجري صدم ب حور وطاحت متألمه
حور بألم : آيي يديي
غياث وهو ميت ضحك : قومي قومي يالمكسوره
وائل بعجله : معليش ما انتبهت
غياث : معليه كمل طريقك يبو جابر
كمل طريقه وائل رايح ل اخوه الوحيد
حور بنرفزه : يووهه يديي توي طالعه من خياطه 5 غرزه
غياث ساعدها وهو ميت ضحك من طيحتها : خلاص الحين اعوضك بقهوه تحبينها
حور : خلاص تم يلا
« المطعم »
يزيد : بروح اطلب مين يجي معاي؟
جسور وقفت بحماس : انا
سعود : وانا كمان جاي
ملاك بحذر : انتبهو لها لاتروح مكان
جسور ابتسمت : ماما تراني كبيره اكبر من يزيد بس وش ذنبي اذا هو طويل ويحسبونه اكبر مني
يزيد ضحك : الطول عز
ملاك : ولو بعيوني صغيره
سلطان : وحيدتي انتبهو لها ي عيال
سعود : معي تطمن
جسور ابتسمت بخفوت على خوف وحنيه امها و ابوها عليها
« فِيلا سُليمان بن عقاب ، جناح طلال »
جلست بجانب ابوها ومستغربه سبب مناداته لها
أرياف : هلا بابا
طلال : كيفيك يا قلبي
أرياف : الحمدلله بخير
طلال نطق بدون مقدمات : تفكرين بالزواج؟
أرياف توترت وكأنها خمنت سبب مناداته : اذا جاء نصيب وقتها يصير خير
طلال وكأنه ارتاح من ردها : عمك رباح كلمني يبيك ل غياث
أرياف بصدمه : وش متى صار هلكلام بابا؟
طلال : من يوم مدري يومين بلغني بس مارديت اذا ماتبين قولي لا تسكتين
أرياف : تمام
« الصاله ، فِيلا سُليمان بن عقاب »
رباح : كلمت عمك طلال و خطبت لك أوتار
غياث بصدمه : هاا !!
رباح : اللي سمعته
غياث : أبوي لا تكفى مالي نيه اتزوج الحين
الجده هيفاء بنص عين ناظرته : اعنبو دارك بتصك الثلاثين وش مالك نيه تتزوج محد بيقبل فيك لو صكيت الثلاثين وانت باقي ما تزوجت
غياث : لا يا جده بس باقي ما أسست نفسي وماعندي بيت واكيد مابقدر اتحمل مسؤليه الزواج وبعدين الزواج مو لعبه
الجد هيفاء : مالكم شور دامهم خططو والزواج بيتم
غياث : غصب يعني
الجده هيفاء : ايوه
ريم بصدمه : لا تجبرونهم على بعض اذا مايبيون
الجده هيفاء : ابلعي لسانك يا ريم و الكلام ل الكبار وخلاص خططو والزواج بيتم
ريم بحده : انا مو غاصبه ولدي اذا مايبي
رباح : ريم !!
ريم طالعته بقهر وطلعت جناحهم وهي مقهور
الجده هيفاء : ذي نتيجه انك تتزوج بنت عبدالوهاب و تترك بنت اختي زينه البنات
رباح : يمه !!
غياث : جده شفيك على أمي !
الجده هيفاء : اعنبو دارك ترفع صوتك على جدتك يالخيسيس !!
غياث : ما رفعت صوتي عليك
الجده هيفاء : ابلع لسانك ولا ترادد جدتك يالخيسيس !
طلع غياث و ترك جدته تتقهوى لحالها
« المطعم »
وافقين وينتظرون اللى قدامهم يخلصون طلبهم وسرعان ما فز يزيد من نقزه واحد
يزيد بترحيب من شافه : يامن ارحب !
يامن ضحك : فراسوه وينه وانت ليش ما بلغتنا انك جيت ي ورع
يزيد حك راسه بنسيان : نسيت منكم اعذرني
يامن : معليه تصير يبو سلطان
يزيد : الا وش جابك انت هنا
يامن : ابد جاي اتغدى وامشي
يزيد : بلعافيه
جت جسور وهي ملت من الوقفه : يزيد انا راجعه مليت
التفت يامن وانبهر من جمال جسور وظل يناظر فيها بأعجاب وسرعان ما استوعب انها مهي محرم له وصد
يزيد : لا خليك عشان تقولين طلباتهم معي
جسور : اوك
يامن بهدوء : اسمع انا بروح وانت الواضح معك الاهل
يزيد هز راسه ومشى يامن وهو مازال منبهر بجمل جسور اللى انفتن : وش سوتي فيني ي ام العيون السود هذا وانا توي شايفك اجل بعدين كيف !
فراس : هذا يامن؟
يزيد : ايوه هو
فراس : جاي لحاله ولا معه احد من اهله
يزيد : مدري قال جاي يتغدا ويمشي
فراس : اكيد احد جاي معه
جسور : ابغى اجلس بأي مكان مليت
فراس : تعالي نجلس لين يجي يطلب ونروح
جسور : اوكيه
« المستشفى »
دخل مكتبه وهو مرتاح لنه خلص العمليه المهمه بنجاح
عمار : الحمدلله العمليه ونجحت
تميم : اي والله تعبت تعب لا إله الا الله تعب مره
عمار : يلا عادي اهم شي نجحت و انقذته على اخر لحضه بس وربي كان توتر
تميم : انا ما وترني الا مدير المستشفى ونضراته مو واثق اني بنجي ولده
عمار : مانت فاهم شعوره يا تميم هو اب وخايف على ولده الوحيد
تميم : فاهمه والله بس ماله داعي الانفعال اللي صار قبل ما الحق عليه
عمار : من الخوف يا تميم صدقني بيجيك الشعور نفسه لا جاك الولد والخوف بيعمي عيونك خصوصا لو انه الولد الثاني بعد موت الاول
تميم بأستغراب : وش السالفه
عمار : الحين اقولك وش السالفه، المدير كان عنده ولد اللي هو بِكره وذا الولد ميت بسبب خطأ طبي صار ومن بعدها صار يخاف على الولد هذا وأي خطأ ممكن تسويه بحق ولده ممكن ينهينك لانه متعلق بولده الوحيد ويخاف عليه من ابسط الحاجات حتى
تميم : الله يرحمه م كنت عارف ابد
عمار : يلا انا طالع عندي مواعيد كثر شعر راسي
تميم : الله معك
« الليل ، سطوح فِيلا سُليمان بن عقاب »
جلست وحطت صينيه الهوت شوكلت على الفرشه
أوتار : اشتقت لـ ذي الجسلتا صراحه و لـ الهوت شوكلت حق جسور وصوتها طبعا
جسور ابتسمت : الهوت شوكلت وسويتو بس صوتي صراحه مالي نفس الحين
حور : جوجو عشاني بليز وربي اشتقنا لـ صوتك
أريام : اذا مو عشان البنات عشاني اكبر حفيده وزوجه اخوك طبعا
أوجان : اي جسور بليز غني
ريوف : حنا بغني معاك معليك
ريف : خلاص بنات يمكن م تبي
جسور ابتسمت : خلاص تم بس وش تبون اغني
أوتار : نبي فيروز
جسور : تم بس بغني من النهايه
اه يا سهر الليالي اه يا حلو على بالي
غني اه غني اه غني على الطرقات
ياي ياي ياي يا سهر الليالي
ياي ياي ياي يا حلو على بالي
غني اه غني اه غني على الطرقات
أنت تقرأ
ما للنجوم اوطان دام السما عيونك
General Fictionروايتي الثانيه ❤❤ اذا تشابهت الشخصيات بـ شخصيات حقيقيه فهي صدف لا اكثر الشخصيات خياليه ! انستقرام : 7iel_4 لا اسُتبيح النِقل او الاقتباس !!
