« المستشفى ، عند جهاد و رسيل »
دخلو المستشفى بـ ترف اللي تبكي بحضن رسيل وسرعان م انتبهو لهم الممرضين وخذو ترف منهم وهي يحطونها على السرير
الممرض ١ : نادو الدكتور فراس قولو له في حاله طارئ في قسم الطوارئ ضروري يجي
راح الممرض ٢ وهو يدور على فراس ويناديه
فراس بعجله : وش فيها
جهاد بخوف : طاحت عليها طاوله ثقيله وكبيره
فراس : اكتبو لي أسم الطفله الكامل عشان امسك حالتها
جهاد : أسمها ترف بنت جهاد بن عبدالرحمن الٓ ناجي
جمد بمحله من سمع أسمها الكامل ، أشر للممرض يجي يمسكها شوي وهو لف على جهاد
فراس بهدوء : سعد بن عبدالرحمن الٓ ناجي وش يصير لك؟
جهاد بإستغراب : اخوي الكبير ليش
فراس ببتسامه : أنا زوج بنته ياسمين
جهاد بصدمه : ياسمين بنت اخوي سعد
فراس : ايوه
ياسمين بصدمه : عمي جهااد
لفو لها من سمعو صوتها وهي كانت جايه تزور فراس وتشوف مكتبه
جهاد ببتسامه : أرحبي ي بكر سعد
ياسمين حضنته بفرحه : لا كذا يصير ظلم ل هادي و وضاح و ضاحي هم الكبار بعدين انا جيت
جهاد : بس بعيني بكر سعد
أبتسمت ياسمين : أيوه صح ذا زوجي فراس
جهاد : فراس وش يتبعك؟
فراس ببتسامه هاديه : سلطان بن سُليمان ال ظافر
جمدت رسيل بصدمه من سمعته يقول له أنه حفيد سُليمان ال ظافر يعني هو ولد اخوها جاتها غصه من تذكرت انه م يدري عنها من الاساس وهسمت بينها و بين نفسها : ولد اخوي قدامي وم يدري اني عمته سبحان الله
جهاد : ونعم ي ولد سلطان
أبتسمت فراس وهو يتوجه ل ترف وهو يضمد جروحها
« أحد الاسواق التجاريه ، عند نوف ومهره »
مهره بترجي : نووف تكفين خذيه والله ينفع لك بزواج أرياف
نوف هزت راسها بالنفي : مجنونه انتي تبين جدي يذبحني لو شافني لابسه كذا !
مهره : لا معليك م بيشوفك تكفين ألبسيه
نوف هزت راسها بالنفي وهي تترك الفستان و تدور غيره
مهره : بتاخذينه غصب عليك
نوف هزت راسها بتسليك : يليل مره مره موافقه خذيه واسكتي
مهره بفرحه : كفو ذي بنت العم الغالي
نوف تأففت : اخلصي علي بروح انسق سريع
مهره : دقيقه
« فِيلا سُليمان بن عقاب ، جناح طلال »
دخلت الجناح و عيونها محمره بسبب البكي استغربت من عدم وجود احد داخل الجناح بس ابدا م اهتمت ودخلت غرفتها و سرعان م انهارت بكي ، فزت بخوف من حست بإحد يحاوطها من خصرها جت بتصارخ بس لجمها من نطق : انا غياث لا تخافين
ابعدته عنها بقسوه وأشرت على الباب بقهر : براا !
غياث بهدوء : تطرديني
أرياف بقهر : ايوه ويلا برا مابي اشوف وجهك !
غياث وهو خارج نطق بهدوء : من حقك تطرديني ، خرج وتركها لحالها تبكي ومنهاره قهرها م توقعته يتركها في يوم سعادتها يستاهل اللي بيجيه منها
« لؤي »
راكب دبابه ويسوق بتهور ومو مهتم للسيارات الماره بجانبه زاد سرعته وهو يوقف امام كوفي نزل خوذته ودخل الكوفي وهو مب مهتم لنظراتهم عليه ، ركزن انظارها عليه وهي تحاول تتذكر هي وين شافته تحس أنها تعرفه بس تذكرت هذا اللي انقذها من العمال سّرحت تناظر فيه بدون م تحس فزت من دقتها صحبتها
أوجان : خير
لولا : ولاشي بس وش فيك سرحانه بالولد شوفي كيف نظراته عليك
أوجان : لولو موب وقتك صراحه وش سرحانه فيه بس وجه موب غريب علي
لولا بسخريه : أيوه مره صدقتك
أوجان بحده : لولا خير !
لولا : شفيك عصبتي امزح ترا
أوجان وقفت بقهر : مزحك ثقيل على فكره
وقامت من عندهم وهي مقهوره وانقهرت زود من م شافت السواق وظلت واقفه مكانه تنتظره ، خرج و وقف بجانبها وهو يشرب قهوته
لؤي بهدوء : شفيك
أوجان : مافيني شي
لؤي وهو يناظرها : متاكده
أوجان هزت راسها بإيه وهي تناظر الطريق والدمعه بعيونها من تذكرت اللي صار في السوق
لؤي : تخطيتي اللي صار هذاك اليوم؟
أوجان بغصه : احاول
لؤي : وش أسمك؟
ناظرته بأستغراب ونطق بسرعه : اذا م تبين تقولين عادي براحتك
أوجان بهدوء : أوجان
لؤي : لؤي
أوجان هزت براسها بهدوء وركب مع السواق يوم جاء و ركب لؤي دبابه وتحرك بعد م شرب قهوته كلها
« بعد مِرور ثلاث أيام ، فِيلا سُليمان بن عقاب »
دخلت الفِيلا و تميم وراها أبتسمت من سمعت جدتها ترحب فيها توجهت لها وهي تحضنها وتقبل راسها
الجده هيفاء : ياجعلني م افقدك يمك
جسور ببتسامه : اشتقت لك ي جده وعشاني اشتقت لك قررت انام في جناحي اللي عندكم
الجده هيفاء : حياكم
انصدم تميم من كلامها وانقهر منها قررت بدون م تشاوره حتى قرر يقهرها مثل م قهرته ونطق ببتسامه : انا وراي دوام واحتاج بيتنا مره ثانيه يمه الحين م اقدر
عضت شفتها بقهر ونطقت تستفزه : تمام روح بيتك انا بجلس عند جدتي
الجده هيفاء ضحكت : لا يمه روحي مع زوجك بيتكم م احتاجك مره ثانيه تعالي ونامي عندي
هزت راسها بتمام وهي مقهوره منه : وين اخواني من زمان عنهم؟
الجده هيفاء : فراس بدوامه ويزيد تلاقينه فوق بغرفته وسعود مختفي وفارس مع زوجته مطلعها فرحان بحملها الله يسعدهم
جسور : أمين
تميم : أمين و عقبال جسور
توترت جسور من الطار و شتت نظرها عنه وهي تمسك جوالها
« بعد مِرور أسبوع ، يوم الزواج »
قاعه النساء /
شدت على فستانها بتوتر من بلغوها بجيه غياث مع جدها و اعمامها و ابوها
جسور وهي تعدل لها شكلها : هدي شفيك ترجفين
أرياف : م أبيه كنسلو الزواج خلاص
جسور بحده : تستهبلين صح طبيعي ترا بسبب التوتر لا أكثر
أرياف : لا م أستهبل جد م ابيه ولا ابي الزواج خلاص
جسور : اقول اسكتي بس الزواج ذا بيتم مو من اول مشكله تتركينه
أرياف بغصه : بس هو تركني بيوم فرحتي ولا عبرني حتى ولو برساله
جسور : واذا سوا كذا يعني تتركينه بيوم زواجكم
أرياف : أيوه يستاهل و زود بعد
جسور : انتقمي منه بطريقه ثانيه بس الا السمعه ي أرياف وش بيقولون عنه الناس ولا تنسين العائله كلها بتتدمر والسبب أنتي
أرياف بدموع : علميني وش اسوي طيب للحين مقهوره منه
جسور : خلي الزواج ذا يتم على خير وانتقمي منه بطريقتك بس شيلي الهروب من بالك لان في النهايه محد بيخسر غيرك ومحد بيتدمر غيرك
سكتت أرياف بحيره وخرجت جسور من عندها وهي شبه خايفه من قرار أرياف اللي بتتخذه ، فزت على دخول اعمامها و جدها وأبوها وأستغربت عدم وجوده لكنها اوهمت نفسها انها مو مهتمه
الجد سُليمان بفرحه : ي كبر فرحتي فيك يالغاليه الف مبروك والله يتمم لكم على خير
توسعت أبتسامها بفرحه وتقدمت تقبل راسه بحب : الله يبارك فيك ي جد
رباح تقدم وهو مبتسم : ألف مبروك ولا اوصيك ان سوا لك شي علطول تعالي عندي وقولي ي عم غياث سوا كذا ومالك الا اللي يرضيك أن شاءلله
ابتسمت أرياف بخجل وهي تقبل راسه وهي تضحك : الله يبارك فيك ، ابشر
سلطان ببتسامه : ألف مبروك والله يتمم لكم على خير
أرياف : امين وعقبال عيالك
سلطان : امين
أبتسمت من تقدم أبوها وهو يلبسها العقد بعيون مدمعه : ألف مبروك يعيوني والله يتمم لكم على خير ويسعدكم
دمعت عيونها من ألتمست الغصبه بنبره صوته : الله يبارك فيك
طلال : أن سوا لك شي دقي علي بس وقولي غياث سوا كذا وتلاقيني قدامك
ضحكت أرياف بغصه : أن شاءلله
الجد سُليمان ببتسامه : يلا الزفه بتبدا امشو
طلعو الجد سُليمان و رباح و سلطان و بقى أرياف وطلال ، ساعدها وهو يعدل لها فستانها و مشى معاها لحد البوابه اللي وراها المعازيم علطول شدت على يدينه وأبتسم يطمنها ، انفتحت البوابه من سمعت صوت ابتداء الزفه اللي كانت من اختيار غياث ومشت وهي ماسكه يدين أبوها و منهشده من وقوف غياث أمامه وينتظرهم ببتسامه /
افتحي للنور باب واقبلي
المدى كله يتحرى طلعتك
في حضورك كل عتمة تنجلي
والضيا يسبق رزانة خطوتك
أنت تقرأ
ما للنجوم اوطان دام السما عيونك
General Fictionروايتي الثانيه ❤❤ اذا تشابهت الشخصيات بـ شخصيات حقيقيه فهي صدف لا اكثر الشخصيات خياليه ! انستقرام : 7iel_4 لا اسُتبيح النِقل او الاقتباس !!
