ما للنجوم اوطان دام السما عيونك

البارت الرابع

جسور ببتسامه : اجل ليش تقول باخذك على طول
تميم ابتسم : اشوف وش رده فعلك
جسور : بزعل
تميم : اقص لساني اذا بيكون سبب زعل
جسور ببتسامه : تخاف علي من الزعل ؟
تميم : اخاف عليك من ابسط الاشياء مو بس من الزعل
جسور : تحبني
تميم : اهيّمك
جسور ابتسمت بخجل ونطقت : شرايك ندخل
تميم : ليش؟
جسور : ابي ادخل تدخل معي
تميم : معاك
وقفت جسور ووقف تميم معاها وشالو الاغراض و دخلو وذا كلو صار قدام انظار فارس اللي كان يطالعهم من الشباك بهدوء
« فِيلا سُليمان بن عقاب ، المطبخ  » 
دخلت ريوف وابتسمت بهدوء من شافت يزيد واقف ويشرف مويه
ريوف بخجل : كيفك يزيد
يزيد بدون نفس : كويس
ريوف حست انه قالها بدون نفس بس سوت نفسها م اهتمت : فاضي تطلع معايه الحديقه نشرب قهوه
يزيد بملل : لا م ودي بروح عند خويي
ريوف ندمت انها عزمته من اسلوبه معاها وحست بغصه
أوجان ببتسامه : اوه يزيدوه م حصل لنا هواش من جيت غريبه
يزيد بضحكه : انشغلت بس مردنا نتهاوش أوجي
أوجان ضحكت : انت ايش تبغى تقلد البنات يوم ينادوني
يزيد : اما عاد يناودنك أوجي
ريوف طلعت من المطبخ بقهر وتركتهم يسولفون ومو مهتمين ل خروجها بنسبه ل يزيد اما أوجان استغربت
« الليل ، جناح سلطان »
دخلت ملاك وشهقت من شافتها لسى تسوي وجها
ملاك : وي جسور مو وقته ليش مو خالصه للحين ترانا تأخرنا على عمتي و البنات
جسور : خلاص باقي شوي واخلص
ملاك : عجلي والبسي فستانك بسرعه
جسور : تمام
« الصاله »
الجده هيفاء : وينهم ملاك و بنتها ي ناس تأخرنا
أرياف : عمتي تقول شوي و جاين تنتظر جسور قاعده تسوي وجها
الجده هيفاء : دامها لسى تسوي وجها تراها مطوله
تميم حب يستغل الفرصه : خلاص انتو رووحو وانا اجيبها
الجده هيفاء : لا نروح كلنا مره وحده
قطع كلامهم نزول ملاك و جسور وابتسم تميم بأعجاب من جمال جسور بالفستان الاحمر
جسور : صرت جاهزه
طلعو الحريم وبقي تميم و جسور بحكم انهم كُلهم لابسين وبقي هي تلبس عباتها
تميم استغل خروج امه و جدته و زوجات اعمامه والبنات وراح لها
تميم بهدوء : لا تطلعين بدون عباتك عندهم
جسور : اقعد بعباتي معاهم يعني
تميم : اذا لزم الامر ايه
جسور : تميم مو منجدك
تميم : لا تخليني اجبرك تغيرين الفستان
جسور : ولا تفكر
تميم تجاهلها و همس بغيره : لايشوفك ولدهم اللي يبيك ي جسور ولا صدقيني بذبحه
جسور : تميم !
تميم : انا بوصلك بلغيهم يروحون
جسور : ليش ماما م تخليني
تميم : قولي لهم يروحون انا جايبك
جسور : بس مام ...
قطع كلامها من سحب جوالها وارسل ل امها تقول لهم يروحون هو بيجيبها
جسور بحده : تميم !
تميم : يلا سيارتي
جسور : ماني جايه
تميم : جسور قدامي سريع
جسور : خلاص تميم روح م بجي
م اهتم ل كلامها وسحبها وطلعو من الفِيلا
« قصر ال بكير »
وصلو الحريم قبل جسور واضطرو ينتظرونها لجل يدخلون كلهم مر وحده
حور : لازم ننتظرها
الجده هيفاء : ايوه لازم كلنا ندخل مره وحده
أوجان : ايوه عشان نبين اننا فخمين وكدا
ريف : شدخل ي أمي بس عشان نكون كاملين وم تضيع لحالها
أوتار : أوجان سدي حلقك تكفين شدخل
جميله : أوتار !
الجده هيفاء : ام ليلى تتصل امشو ندخل وتميم يعلمها
ملاك : بس البيت كبير واخاف تضيع
الجده هيفاء : معليك كبيره بنتك تعرف تسأل ويدلونها
نزلو الحريم القصر ورحبت فيهم ام ليلى /
وقف تميم وكلعاده قعد ينبها ما تفك عبايتها اذا بتطلع حوشهم بحكم ان العيال بكل مكان
جسور بتسليك : طيب تمام
تميم بحده : لا تسلكين !
جسور بجحد :  م سكلت
تميم : انزلي انزلي بس
نزلت جسور وتوترت بحكم انها اول مره تجي قصر ال بكير وم تدري وين المدخل ومافيه احد تسأله
جسور : اوف ليش سحبو علي كيف بعرف الطريق دحين
فزت من سمعت صوت مازن وراها : من هنا قسم الحريم
جسور : اوه شكرا
مازن بهدوء : عفوا
دخلت جسور وابتسمت من شافت أوجان و حور عند المريا يتصورون
جسور : جيت
أوجان فزت بخوف : بسم الله متى دخلتي انتي
جسور : توي
حور : ليش جيتي مع تميم وش صار
جسور : الميكب حقي خرب واضطريت ارجع اسويه وعشان م تتأخرون قلت بجي مع تميم
حور : اللي صدمني كيف تميم م ناداني او نادى ريوف او ريف
جسور بغرور : عادي خطيبته
حور : حبايبي لسى م انخطبتو حتى
جسور : عادي بكره بيجي يخطبني
حور : أي صح نسيت
أوجان : يلا بنات امشو نروح عندهم
جسور : فيه حريم كثار؟
أوجان : احنا وحريم ال بكير كلهم و صحبات بناتهم
جسور : يعني كثار
أوجان : تقريبا
حور : أي صح جسور تقولك جده اجلسي عند ماما عشان اذا سألو تقول خطيبه ولدي
جسور : اوكي
دخلو جسور و البنات وقامو يرحبون فيها
ام ليلى : تفضلي ي بنتي حياك
جسور ببتسامه : الله يحيك ي خاله
ام مراد : ما شاءالله منهي بنته انتي
ملاك ببتسامه : بنتي وخطيبه ولد ريم
ريم ببتسامه : خطيبه تميم ولدي
ام مراد : و يا بخت تميم فيها تهبل بسم الله عليها
جسور ابتسمت بخجل من مديح ام مراد
الجده هيفاء ببتسامه : وانتي ي ام مراد م عندك الا ساميه و منى
ام مراد : لا عندي وعد و عهود ومراد البكر بس
جميله : يعني عندك مراد و ساميه و منى و وعد و عهود بس
ام مراد ببتسامه : ايوه
ليلى : وانا م عندي الا مازن و مزون و المزن
جميله : ما شاءلله الله يحفضهم
ليلى : امين، الا انتي م عندك الا أرياف و أريام
جميله : لا عندي كمان أوتار و أوجان
ليلى : الله يحفضهم، بنات بس صح
جميله : ايوه
ليلى : وانتي ي ملاك منهم عيالك
ملاك :  فارس و فراس و سعود و يزيد وبنتي الوحيده جسور
ليلى : ماشاءالله الله يحفضهم يارب
ملاك : آمين
ليلى : وانتي ي ريم
ريم : انا عندي تميم و غياث و ريف و ريوف وحور
ليلى : ماشاءالله الله يحفضهم يارب
ريم : امين
الجده هيفاء : الا ي ام ليلى انتي م عندك الا ليلى و ام مراد بس
ام ليلى : ايوه والباقي حريم عيالي وبناتهم
الجده هيفاء : ماشاءالله تبارك الله
ومر الوقت وخذتهم السوالف وصار وقت يرجعون حريم ال ظافر
الجده هيفاء : هيا احنا نستأذن ي ام ليلى
ام ليلى ببتسامه : الله معكم
طلعو الحريم وكلعاده جسور تأخرت و مافيه مكان
طلعت من قسم الحريم متوجه ل سياره تميم بحكم انها م لقت مكان و واخوانها راحو من زمان وابوها مع اعمامها وعيالهم و جدها بسياره وحده
مازن قطع طريق جسور : كيفيك جسور
جسور فزت بصدمه : الحمدلله بس ابعد لايشوفك تميم ان كان تبي سلامتك
مازن بهياط : ليه وش بيسوي ماني خايف منه
تميم بحده مسكه مع رقبته وفز مازن ومسكت ضحكتها جسور من فزته : تميم خلاص سيبه ويلا
تميم بتهديد : عيوني لا تشوفك حول حرمي سامع !
مازن بتسليك : اي يصير خير
تميم بحده تركه بقوه : انقلع عن وجهي لا اكفر فيك !!
جسور : تميم يلا
تميم : امشي السياره
ركبت جسور السياره وهي ماسكه نفسها بالقوه لا تنفجر الضحك على اللي صار قبل شوي و تسليك مازن وغيره تميم
« اليوم الثاني، فِيلا سُليمان بن. عقاب، خطوبه وملكه تميم و جسور »
الفِيلا من اصغرهم ل اكبرهم منشغلين بتجهيزات ملكه و خطوبه تميم و جسور والجده هيفاء و ملاك استلمو اشراف العاملات وريم و جميله يرسلون الموقع ل الميكب ارتست و المواقع حقت فساتين البنات
« الحلاق ، عند العيال »
مشغلين اغاني و مزعجين تميم بصراخهم
يزيد : اوه ي عريس وش نسبه حماسك ل ملكتك
تميم : ميه بل ميه
يزيد : اكيد دام العروس اختي
غياث : يزيد يورع : انا خلصت رح حلق
يزيد : واخيرا واحد خلص
« جناح سلطان ،  غرفه جسور »
أرياف : بنات كعبي وصل؟
حور : لا باقي م وصل شي حتى الفساتين
أرياف : الميكب ارتست على م اظن على وصول
أوجان : ايوه تو ماما بلغتني تقول انهم على وصول تجهزو
طلعت جسور من الحمام وهي تنشف شعرها بالمنشفه : تحسون البس روبي ولا اخليه
أوتار : تستهبلي اكيد البسيه ولا ليش شاريتو
جسور : مدري ياخي
أوتار : البسيه بسرعه الميكب ارتست و الهير ستايل على وصول ترا
جسور : اوكيه خلاص بلبسه
أرياف : ماما ارسلت تقول ثنتين ينزلو يسلمون عليهم و يجيبونهم الجناح
ريوف : امشي نروح انا وانتي
أرياف : تم يلا
نزلو أرياف و ريوف سلمو على الميكب ارتست و الهير ستايل و مساعداتها و دخلوهم الجناح
الارتست1: وين العروسه انا بمسكه
أريام : العروس تبدل الحين تطلع
طلعت وهي التوتر طاغي جسور : هلا تو م نور المكان
الارتست 1: بنورك يعيوني
جسور : ابدى بالميكب ولا الهير ستايل؟
ريف : الهير ستايل اول افضل
جسور :  اوكيه
جلست وبدت سوي شعرها تسريحه خفيفه مثل ما طلبت
« الليل ، فِيلا سُليمان بن عقاب ، ملكه جسور & تميم »
جالسه بجناحها ولتوتر طاغي وكأنه العرس وليس الملكه ولكن الواقع عكس ، ما تقدر تحدد شعورها بالضبط هل هو توتر او فرح او حزن، ولكن الاكيد توتر مع فرح، دخلت ملاك والابتسامه شاقه ثغرها من الفرحه ل وحيدتها و دلوعتها
ملاك ببتسامه : مو مصدقه بنتي و وحيدتي و دلوعتي بتتزوج احسك الصغيره اللي تبكي تبي حضني و تبي حليب مو مصدقه انك كبرتي
جسور ببتسامه دموع : ماما لا تخليني اصيح ترا لسى الملكه وبعيش معاكم شهر وبعدها الزواج
ملاك : وذا اللي مصيحني شهر و تروحين بيت زوجك
قاطعهم دخول  الجده هيفاء : جسور ي يمه يلا انزلي سلمي وروحي وقعي
جسور بتوتر : المعازيم كثار؟
ملاك : لا ي أمي مو كثار مرا يلا انزلي سلمي عليهم
طلعو جسور و ملاك و الجده هيفاء والمعازيم من شافو جسور نازله ارتفعت الزغاريط و التباريك لها
سلمت على المعازيم و جلست شوي و نادها فارس تجي توقع
فارس ببتسامه من شافها مقبله عليه : ارحبي يالغلا ارحبي يعروستنا
جسور ابتسمت بخجل و وقعت
« عند الرجال »
وقع تميم و شال فارس الكتاب و وداه ل جسور وقامو العيال يباركون ل تميم
فراس بتهديد : يويلك مني لو تجي جسور و في عينها دمعه وحده صدقني ي تميم اني لا اقلع عيونك من مكانها
تميم ابتسم بسخريه : تهددني وانت عارف اني مستحيل انزل دمعه وحده من جسور لا تتكلم كلام فاضي وانت عارف غلاه جسور بقلبي ي فراس
فراس ابتسم على خفيف : عارف لكن الحظر والاحتياط واجب
سلطان اقترب والابتسامه بوجهه : صون وحيدتي وخاف عليها من ابسط الامور تراها غاليه بقلب ابوها ي تميم طلبتك وحيدتي لاتنزل دمعه وحده منها قهر وضيق منها
تميم : بنتك ي عم في القلب قبل العين ويشهد الله اني اخاف عليها من ابسط الامور وحبها بقلبي كبير
تقدم فارس بهدوء وهمس : م كنت غافل عن حركاتك معاها قبل م تعقد عليك ي تميم وجلستكم قبل امس م فاتتني
ابتسم بجمود تميم : م عاد يمديك تقول شي خلاص صارت حِرم تميم بن رباح
سعود : م يحتاج اقول شي يكفون ابوي و فراس و فارس
تميم ابتسم بخفه
سلطان : روح المجلس الثاني وانا بجيبها، ابتسم ب انتصار وياما انتظر ذي اللحضه وصارت
« عند جسور »
جالسه بين المعازيم والتوتر طاغي و الخجل مبين على ملامحها
ملاك : ابوك عند الباب يناديك
زاد توترها من خمنت انه يبيها تدخل عند تميم
ملاك : بنت لا تخلين ابوك يوقف كثير و روحي بسرعه
وقفت جسور واتجهت خارجه من المجلس والتوتر طاغي وغلاب، ابتسمت بخفه من تراحيب سلطان ومدحه لها اللي تظنه مبالغ فيه
سلطان ببتسامه : ارحبي ي قلبي وي عيون سلطان ووحيدته
جسور بخجل : البقى يبوي
سلطان : ي بخت تميم دامك حرمه
جسور سكتت وهي م تدري وش ترد، وزاد توترها من سلطان : يلا ينتظرك بالمجلس
مست معه متوجهه للمجلس والتوتر زاد ورجفتها صارت واضحه
دخلت جسور وهي منزله راسها بتوتر وابتسم تميم من شافها دخلت
تميم ببتسامه : ارحبي ي عين هلي ارحبي، ابتسم من شاف فتسانها ونطق بأعجاب : والله ان الاخضر م يزهى الا عليك ي حِرم تميم
جسور ماردت بسبب خجلها، ونطق تميم وهي فاهم انها متوتره : ارفعي راسك ي حِرم تميم
رفعت راسها وسرعانه توردت خدينها من نطق تميم ب انبهار : أي والله ماللنجوم اوطان دام السما عيونك ، صدق يوم قالو فارقه ما تشبهين اللاك ي صعب المنال
جسور بخجل : تميمم !
تميم بهيام : لبيه ي عروق قلبي وسمي
جسور خجلت من ردوده ونست وش كانت بتقول : اسمع انا برجع
تميم مسكها : بدري باقي م شبعت منك
جسور : وقت ثاني
مسك يدينها تميم وسحب الدبله و الخاتم من على الطاوله ولبسها إياها ، وعاطاها دبلته ولبسته
دخل يزيد و ابتسامه النذاله بوجهه : يلا ي الاخ انتبهى الوقت
تميم : وانا مو كاره الا ذا الوقت ، اقول دز بس
يزيد بخبث : الحين انادي فارس و ابوي ويطلعونك بالقوه
تميم : خلاص طالع رح بس
يزيد ب استقعاد : لا لا م تمشي علي ذي الحركات الحين تطلع قدامي
مسك نفسه تميم لا يقوم ويكفر فيه وتمت ب استغفار وطلع
يزيد : وانتي يلا قسم الحريم
جسور طلعت وهي مبتسمه على فعله يزيد لو. م دخل كان م فكها الليل كله، دخلت قسم الحريم ومسكوها بالنات تحقيق
جسور : اقول شرايكم تطسون عني
أرياف : وش قال اول م شافك وش كانت رده فعله
سكتت جسور ببتسامه وكلامه مازال بعقلها
حور غمزت للبنات : اوهووو
جسور استوعبت انهم فهمو غلط ونطقت بسرعه : ما صار اللي ببالكم اهجدو
أرياف غمزت بضحكه : ايه ايه صدقنا
جسور توردت ملامحها بخجل : خير م صار شي ، المهم انا بطلع انا
أوجان : بطلع انام يعني بطلع اكلم حبيب القلب
جسور : خير قلت بنام ترا
أوجان : حبيبي العبيها على غيرنا انتي م تنامي في ذا الوقت
جسور : اقول دزو بروح انام
ريوف غمزت للبنات : خلاص خلوها تروح تنام
تجاهلتهم وطلعت فوق جناحهم
« جناح سلطان ، غرفه جسور »
بدلت فستانها ولبست بجامه مريحه ودق وهي تفك الاساور حقتها، ابتسمت من شافته يدق عليها ردت وفتحت سبيكر وابتسمت من جاها صوت عبدالمجيد/
يا إبن الأوادم ترى (ترى) مليـت ألمح لك
‎أنا (أنا) أعزك وأحبك (وأحبك) وأعشـق ترابك
يا إبن الأوادم ترى مليـت ألمح لك .
توردت ملامحها من اعترافه لها لكن على صوت فنانها المفضل
جسور بخجل : كيف عرفت !
تميم : لأني احبك ، اسمعي عندي اهداء ثاني من عبدالمجيد
جسور ابتسمت بخفه : سمعني