سّطام : ما ظلمتك يا كذاب
الجده هيفاء بحده : خلاااص صدعتو راسي اسكتو
سّطام بضحكه : ابشري ، يمه ابوي وينه ماهو بلبيت
الجده هيفاء : راح مع اخوانك
سّطام : وين وانا ليش مو معاهم
الجده هيفاء : سّطاام خلاص لا تسأل اسئله واجد مدري وين راحو وانت مب لازم تروح معهم كل مكان
فارس بهدوء : بالشركه يشيكون عليها ، أريام يلا مشينا بنام وراي دوام
هزت راسها أريام بتمام ووقفت وهي تشيل نجد وتعطيها فارس
ملاك : انتبه للطريق فارس
فارس : ابشري
خرجو فارس و أريام وبعدهم بدقايق أوتار ، دخلت احدى الممرضات وهي مبتسمه
الممرضه نوايا : معليش قطعت عليكم بس جايه اخذ البيبي وابلغكم بأمر من مدير المستشفى الاستاذ سُليمان بأن وقت الزياره انتهى ورجاء من غير ازعاج تفضلو
الجده هيفاء ناظرتها بحده : وانتي مين عشان تكلمين بذا الاسلوب ما تعرفين انا مين !
جت وحده من الممرضات وهي تجري وسحبتها : معليش ماكان قصدها تقدرو تجلسو براحتكم
الممرضه نوايا : لا حبيبتي ذي اوامر من مدير المستشفى ولازم يلتزمون فيها
الممرضه إيمان بهمس : يحماره ذولا اهل الدكتور تميم واللي والده توها زوجه الدكتور تميم و ذي اللي قدامك معصبه زوجه المدير والبقيه احفاده
توسعت عيونها بورطه وابتسمت : معليش خذو راحتكم
تمددت جسور بتعب بدا يظهر عليها بعد ما انتهى البنج : خلو نِيـارا عندي ماودي تروح لسى ما شبعت منها
تميم بهدوء : بتشبعين منها بعدين خليها تروح الحضانه وبكرا انا بنفسي بجيبها لك
هزت راسها بتمام وغلبها النعاس ونامت والبقيه خرجو بطلب من تميم والممرضات كانو شاهدين على منظر تميم و جسور وكيف ماسك يدها بخفيف وجاس بالكنبه اللي عند راسها وخذو نِيـارا وخرجو بسرعه
نوايا : ليش ما نبهتيني من اول اكيد راح يخصم من راتبي وانا توني متوظفه وامي و ابوي يحتاجوني
إيمان بضيق : اسفه نسيت ما اقول لك
نوايا : خلاص عادي حصل خير وماقصدت اللومك
تنحنح سّطام بهدوء ونطق : دامها ماهي مقصوده انا بقول لبوي انه ماكان قصدك وأن شاءالله انه ماراح يخصم من راتبك
نوايا بهدوء : ماله داعي تتوسط لي يالغريب انا غلطت وطبيعي انه يخصم من راتبي مشكور
سطام : لا تناديني يالغريب اسمي سّطام وثاني شي انتي توك متوظفه وما كنتي تعرفين مين احنا فطبيعي
نوايا بعناد : مشكور ما تقصر خيرك سابق يالغريب بس انا مابي
سطام : تمام ماني مسوي شي انتي ماتبينه
نوايا : يكون افضل يالغريب
مشى سطام وهو متنرفز ليش مُصره تناديه بالغريب وهو قال لها اسمه
إيمان : نوايا ليش تعنادينه ابي افهم راضيه ينخصم راتبك؟
نوايا : إيمان اظن كلامي واضح مابيه بتوسط لي وانتهى
إيمان : عطيني سبب مقنع نوايا
نوايا بتغيير للموضوع : الدكتور فراس جاي جهزتي ملف المريض اللي طلبه منك؟
إيمان : ايوه خلاص وانتي؟
هزت راسها بأيه وجاء فراس ومعه ياسمين
فراس : الملفات جاهزه؟
نوايا : نعم دكتور تبيها اللحين ولا ارسل واحد من الممرضين يوديها غرفتك؟
فراس : لا ابيها اللحين مكتبي مقفل
نوايا : تمام ، إيمان جيبي الملفات تلاقينها بالدرج الثاني
إيمان : حاطته مع حقي؟
نوايا : إيوه بسرعه روحي
ياسمين حست بوخزه اسفل بطنها وشدت على يد لراس من اشتد الالم
فراس : شفيك ياسمين !
ياسمين بألم : فراس شكلي بولد مو قادره اتحمل الالم
نوايا رفعت راسها تناظرهم ونطقت : زوجتك بتولد يا دكتور مويتها نزلت
فراس صرخ : جيبو النقاله بسرعه و نادو الدكتوره كارمن سريع
نوايا مسكت يد ياسمين تساعدها على الجلوس وتهديها
نوايا : تنفسي شهيق زفير يلا تنفسي
تشهق و تزفر و ياسمين تقلدها لحد ما دخلو غرفه الولاده و نوايا دخلت معها لانها مو راضيه تترك يدها
نوايا : دكتوره كارمن انا بكون هنا معك لانها مو راضيه تترك يدي
الدكتوره كارمن : لا عادي كويس عشان تسهل عمليه الولاده
عند فراس ~
جالس على اعصابه ناسي ما يبلغهم انها تولد
تميم ناظره بأستغراب : فراس لسى ما رجعت معاهم
فراس : لا ، زوجتي بتولد
تميم : طيب وين اهلها وعمتي ملاك ليه ماهم معك؟
فراس : لسى ما قلت لهم بقول لهم
تميم : انا بروح لجسور اذا احتجتني تلاقيني عندها او بمكتبي
هز راسه فراس بهدوء وراح تميم الجناح
« بيت غياث و أرياف »
دخلت المطبخ وابتسمت بخفه وهي تشوفه يطالع بجواله ومندمج وقدامه مكونات كثير توجهت له وهي مبتسمه
أرياف : غياث ، وش تسوي؟
غياث رفع راسه وابتسم لشكلها اللي آسر قلبه بجماله : شفتك تعبانه وقلت اسوي لك عشا بيديني
ابتسمت بهدوء وسحبت جواله وهي تحطه على الطاوله : اول سيب الجوال على جنب وركز انت ايش تبي تسوي بضبط
غياث : بيتزا
أرياف : مراا سهله
سحبت مريله ولبستها واخذت قلفز يد و شعر وحطته على راسها وهو سوا مثلها ، وطلعت الدقيق و مستلزمات العجين وهو طلع مستلزمات الصوص
أرياف ببتسامه : والله اني مبدعه غياث تعال شوف
جاء وسرعان ما تَعالت ضّحكاته على شكل القلب المعّروج وهي ضربته بخفه
غياث بضحكه : بالله عليك ذا شكل قلب؟
أرياف بزعل : على الاقل سلّك لي !
غياث ابتسم : خلاص الا زعلك نسوي القلب سوا
ابتسمت برضا وفعلا سوو قلب وكأن شكله جميل وحطو الصوص اللي سواه غياث فوق و رشوه بالجبنه وحطوه بالفرن
« بيت مروان و أوتار »
ابتسم مروان وهو يشوفها بدون ميكب و بوجهها الطبيعي ولابسه بجامتها الجديده وفاكه شعرها ومو منتبهه لوجوده لفت وانصدمت من وجوده
أوتار ببتسامه : مِروان متى جيت؟
مروان : توي ساعدت أمي و سلوى وشلت اغراضهم خلاص بيستقرون ببيت جدي وبيت ابوي أن شاءالله ببيعه مالنا لزوم فيه
أوتار : لا تبيعه خله يمكن امك ماتبي تبيعه خله افضل
مِروان : أن شاء الله، يلا تعالي نتعشى جبت لك عشاء بتاكلين اصابعك وراه
أوتار براحه : كوييس لان والله مافيني اطبخ شي
« فِيلا سُليمان بن عقاب »
نزلت ريوف من جناحهم وهي تظن بأن الكل نايم وما بتلاقي احد من العيال تحت فماجابت طرحتها ونزلت كذا ودخلت للمطبخ وهي تدندن بخفيف وتدور على شسبها المفضل وعصيرها ومخليه النور طافي لجل محد يصحى ، حست بحركه وراها وخافت وما أن لفت الا وتعطيه بوكس قوي ببطنه من الخوف وهو تأوه من الالم
يزيد بألم : وجع وش ذا العنف
شهقت ريوف بصدمه وانحرجت : معليش يزيد حسبتك حرامي خوفتني
يزيد : وش تسوي هنا انتي وبعدين بالله عليك حرامي يخش المطبخ وش بيسوي فيه بيسرق الاكل مثلا
ريوف كتمت ضحكتها ونطقت بتبرير : وش يعرفني انا وبعدين احد يدخل المطبخ كذا مثل الحرامي طبيعي بيجي ببالي انك حرامي
يزيد بغّيره من انتبه انها مو لابسه حجابها : ليش طالعه بدون حجاب !
ريوف واخيرا استوعبت : وجع يزيد غض بصرك
يزيد ببتسامه : عادي في النهايه بيصير حلال اني اشوفك
ريوف بهدوء : يصير خير اذا وافقت
سمعو صوت بالصاله وابتعدو عن بعض وتخبى يزيد ورا الباب
سلطان : دامك صاحيه وماعندك شي اللبسي عبايتك و يلا فراس توه اتصل ياسمين قاعده تولد
ريوف بفرحه : يلا ثواني وجايه
« المستشفى، قسم الولاده عند فراس »
لف من سمع صوت جاي وانفجع وهو يشوف امه و جدته و ام ياسمين و ابوه و جده و ريوف و يزيد
فراس بصدمه : لا إله الا الله القبيله كلها جت
هناي بخوف : يمه فراس طلعت ولا باقي؟
فراس بهدوء : لا باقي سلطان شكله مطول
سلطان : يابوي ما تتوب انت انا قلت لك لا تسميه عليّ ليش مصرّ؟
فراس ببتسامه : احبك وش اسوي
سلطان : شف ان سميته سلطان لا انت ولدي ولا انا اعرفك تبي ولدك يتعقد من الاسم
فراس : خلاص يبه ولا يهمك ماراح اسمي انا بخلي ياسمين هي اللي تسمي بس بشرط توافق على الاسم اللي هي تبيه
سلطان : اذا مو علّي تم
الجد سُليمان ناظر ولده بستغراب : ماخبرتك كذا يا سلطان اول مره اشوف احد يرفض السمايه
سلطان : ماودي انه يسمي علّي اكيد زوجته تبي اسم ثاني
الجد سُليمان : اذا ولدت هي تختار وش تسميه واذا تبي سلطان ما ترفض
سلطان : ابشر
خرجت الممرضه وهي مبتسمه ولفو عليها كلهم
الممرضه ببتسامه : اهل ياسمين سعد؟
فراس : انا زوجها ولدت؟
الممرضه : الف مبروك دكتور فراس جوك ولد و بنت زي القمر امهم
سجد فراس سجود شكر لربه من الفرحه وسرعان ما انهلّت التباريك على فراس
يزيد بضحكه : بما أن جاك ولد و بنت يعني بتسمي علّي بما ان ابوي رفض
فراس : لو يخلصو الاسامي ماسميت يزيد تخسى
يزيد : اقول من زينك انت وولدك الخايس مابي السمايه
خرجت ياسمين ودخل يزيد اقرب غرفه لانها كاشفه وعيالهم وراها مع الممرضات بالعربيه الخاصه فيهم
جناح ياسمين ~
الجد سُليمان ببتسامه : الحمدلله على السلامه ويتربون بعزكم
ياسمين : الله يسلمك يا جد
الجد سُليمان : وش تبين تسمينهم لك حريه الاختيار فراس ماهو فاتح فمه بشي
ياسمين : بخاطري بـ يارسين و مارسين بس اذا فراس ماوده انا راضيه
الجد سُليمان : سمعت يا فراس اللحين تقوم و تسجلهم واحد يارسين و الثاني مارسين دام بنت السعد بخاطرها بذي الاسماء
فراس ببتسامه : ما اقول لا تم
ملاك ببتسامه : مين الاكبر؟
ياسمين ببتسامه : يارسين
ملاك : اجل الف مبروك يام يارسين و ابو يارسين ويتربون بعزكم
ريوف : فاتهم البنات خلي النوم ينفعهم انا شفت يارسين و مارسين قبلهم
ياسمين ببتسامه : احلا وربي
« بعد مرور ثلاث أيام بلياليها »
فِيلا سُليمان بن عقاب، تمايم، نِيـارا& يارسين و مارسين ~
الجده هيفاء بتكشيره : اقعدي شفيك رايحه جايه اشغلتينا
ريف بتوتر : احس كنسلو معد ابي ملكة قولو له يرجع بيت اهله خلاص هوّنت
الجده هيفاء بغضب : الرجال جاي من بيته ومتعني وخاطبك ودفع مهرك كامل دفعه وحده ومخليك براحتك تقررين مثل ما تبين وبلاخير يرجع بيتهم بدون مايستفيد شي ! معصي والله انك تاخذينه
أوجان ضحكت وهمست لريوف : جدتك مشتطه شكله عجبها وتبيه
ريوف : توقعي منها اي شي طبيعي
ريم بهدوء ترقع لبنتها اللي اذا توترت تجيب ام العيد : عمتي الله يهديك شفيك قمتي على البنت متوتره طبيعي تقول كذا
أوتار : اللحين ذي المناسبه تمايم ولا ملكه ولا وش بضبط
جسور ببتسامه : كلها
سمعو صوت تميم ينادي وفزت جسور بتقوم له بس منعوها أوجان و ريوف لانهم يبون يرفعون ضغطه شوي
ريوف : اجلسي لا تروحين احنا بنروح له
جسور : وش تبون فيه مايبيكم يبني انا
أوجان : تكفين جسور والله بخاطري اشوفه معصب
جسور برفض : لا لا مستحيل مهبوله انا اخلي زوجي بين يديكم ترفعون ضغطه لي ومحد ياكلها الا انا
وقامت من عندهم وهي شايله نِيـارا لانها عارفه انه يبي نِيـارا
تميم ابتسم وهو يشوفها مقبله عليه وبحضنها بنتهم : هلا بالحامل والمحمولل ارحبي
باس راسها بخفه ونزل نفسه يبوس راس نِيـارا
جسور : هلا شبغيت
تميم بخفه : بغيتك، ريووف يا ريوف تعالي
ريوف : هلا تميم
تميم عطاها نِيـارا ومسك يد جسور وراح وهي مصدومه
جسور : تميم عيب اكيد الحريم جايين بروح
تميم : اجلسي ماهم بطايرين مردهم يشوفونك
جلست جسور وهي مستغربه وكانت الجلسه بالحديقه الخلفيه مكانهم اللي اول مره جلسو فيه مع بعض واعترف له ، وما ان قربو من الجلسه انتبهت لوجود بلالين ملونه والمكان مزين
تميم ببتسامه : كل عام وانتي بخير يابعدهم وكل عام واعوامك كلها معاي بقربي وبين جناحي
ابتسمت بفرحه لانه مانسي يوم ميلادها ورفعت نفسها له وباست خده برقه وذاب تميم ومسك نفسه عنها لان لو فك نفسه بيسمع خبر حملها وهي بالنفاس لسى
جسور : مرا حلوو المكان كيف جهزته كذا وبدون ما تقولي
تميم بغرور : انا تميم لو بغيت شي اسوي ومحدً يّردني
جسور ببتسامه : انشهد يا تميمي
تميم بخبث حاوط خصرها وشدها له : بما اني تميمك مالي مكافأة؟
ابتعدت عنه بخجل من فهمت مقصده : لا بروح عند نِيـارا
قربها منه وهو ذايب بريحتها ودفن راسه عند عنقها وهي ميته خجل منه وخايفه احد يدخل ويشوفهم بذي الوضعيه ، انفتح الباب ودخلو ريوف و اوجان وسرعان ما شهو بصدمه وخرجو بسرعه
جسور باحراج ودمعت : الله لا ياخذك يا تميم اللحين انا وش يفكني من لسانهم !!
تميم ببتسامه مسك يدينها : عادي زوج و زوجته هم الغلطانين
فكت يدينها منه و راحت وهي خجلانه
« بعد مرور خمس أشهر، بيت تميم و جسور »
لبست نِيـارا فستانها وحطت لها ربطه جميله تزين شعرها وهي لبست فستانها اللي مثل لون فستان نِيـارا لكن التصميم غير وكان حقها توب و طويل ويسحب من وراها و نِيـارا منفوش ويسحب شوي وراها، دخل تميم وابتسم لجمال جسور و نِيـارا وتقدم لها وهو يقبل راسها وهو ذايب بجمالها وباس راس بنته بحنيه
تميم ببتسامه : ياحلو هالمنظر بس
وشال نِيـارا وحاوط خصر جسور وهو مبتسم وتصورو عند المرايا بجوال جسور
جسور : بروح اللبس عبايتي يكفي تاخرنا بزياده
تميم بضحكه : زواج اختي وجاي اخر الناس
جسور ببتسامه : صدق اول مره اشوف واحد يحضر زواج اخته بعد المعازيم اذكر اخواني اول الناس
تميم : يلا لا نضيع الوقت روحي اللبسي بسرعه
راحت جسور تلبس عبايتها وتميم شايل نِيـارا ويلاعبها وينتظرون جسور تجي
قاعه النساء ، زواج ريف و بسام ~
دخلت ياسمين وهي شايله مارسين و تاركه يارسين يروح مع ابوه عند الرجال استقبلوها ريوف و أوجان وهم مبتسمين
أوجان : سوسو وين يارسين ماجبيته معاك؟
ياسمين : مع الوه عند الرجال بعدين انتي شايفه معاي اربع ايادي عشان اشيل تؤام صغاري مايمشون حتى
ريوف بضحكه : قامت عليك وعلى سؤالك التافه اللي اتمنى انه ماينعاد ست أوجي
أوجان : خلاص اكلتوني وي، المهم الست جسور متى ناويه تشرف؟
ضحكت ريوف من دخلت جسور وهي شايله نِيـارا : شوفيها جت
توها نزلت عبايتها ولفت الا وهي تشوف البنات كلهم جاين نحوها وضحكت بخفه على اشكالهم
حور ببتسامه : وي وي يحلوو النونو يناسوو ابيي اكلهاا
جسور : حوري يعيوني انتي لكك وحشه
حور ضمتها : مو كثر شوقي بالقوه رائد لقي اجازه وجينا
جسور : كيف الدارسه متك وكيف الاوضاع هناك؟
حور وهي فاهمه قصدها : الامر تحت السيطره معليك مو شايف غيري
جسور : بتجلسو هنا ولا بترجعو الخارج؟
حور : لا أن شاء الله بنجلس هنا اخذنا اجازه ثلاث شهور و راجعين
أرياف : الحمدلله بولد وانتي هنا
حور : وش جنسه يا أرياف ما علمتيني؟
أرياف : ولد واسمه أمجد
حور : حبيت امجد بن غياث بن رباح اوف اسطوريي
ريوف : حوري مافيه شي بالطريق؟
جسور : ايوه صح نسيت انا ما بجلس لين نهايه الزواج معكم لا بس بحضر الزفه كامله وباخذ شوط خفيف وبهج و نِيـارا اليوم عند ماما
أوجان : ليه؟
ريوف : سوالف متزوجين يا أوجي مالنا فيها
أوجان ابتسمت من تذكرت كلام لؤي الخاتم اللي اهداها
ريوف : ولا شكل أوجي صارت من المتزوجين
تعالت ضحكات البنات على وجه أوجان اللي تغير
جسور : بنات مين تجي بروح ل ريف انا و نِيـارا بنسلم عليها
حور : يلا انا بجي كمان
ياسمين : صبر بفسخ عبايتي
طلعو البنات حور و جسور و ياسمين بما انهم هم اللي باقي ما شافوها
ريف ابتسمت من دخلو : اهلاا ينااسو فديت الكشوخات نِيـارا و مارسين
حور : لنا الله ركزت على نِيـارا ومارسين وحنا اللي جينا عشانها
ريف ببتسامه : احب الاطفال مالك حق تتكلمين يا حوري
جسور : اذا رحتي الفندق بتجيبين معليك
توردت ملامح ريف بخجل وضربت جسور بخفيف وهي منحرجه
ياسمين بضحكه : حراام عليك جسور احرجتيها
جسور : واقع ذا
بنفس القاعه لكن قسم الرجال ~
دخلو فراس و تميم مع بعض و تميم شايل ولد فراس يارسين ويداعبه ببتسامه، شافه سلطان وابتسم
سلطان ببتسامه : عقبال مانشوفك شايل ولدك
تميم : نِيـارا موجوده
الجد سُليمان : يلا استقبلو المعازيم مع غياث والعيال ولا روحو اجلسو جنب العريس بدالي
فراس : روح استريح يا جد ابوي و عمي طلال يستقبلون رح اجلس عند عمي رباح
تميم : انا اخو العروس الكبير لازم اكون مع ابوي
فراس : هات يارسين
تميم : لا انت بتكون واقف طول الوقت خله معي افضل
فراس : متاكد؟
تميم : اي رح بس
راح فراس يوقف مع العيال وتميم عند جده
« بعد مرور عده ساعات، وقت الزفه »
كانت الموسيقى هاديه كلاسيك وجميله جدا ومناسبه مع طلتها كانت زفتها جميله ومميزه تمشي بالفستان الطويل بدون مساعدات لانه ماسك من قدام ومن ورا يسحب و امجاد و وجدان خوات بسام قدامها بسلات ورد بيضاء يزينون طريقها وبسام قدامها مبتسم بأعجاب، وصلت له وضمها ببشته وهو يغطيها وسرعان ما تعالت ضحكاتها من اشتغلت موسيقى وشالها وهو يدورها ويضحك
ريف بضحكه : بسام لا تطيحني !
بسام ببتسامه : خيليني اتهنى بذا اليوم
ريف : تخيل اطيح
بسام نزلها : طحتي؟
ريف : لا
سحب يدينها وهو مبتسم من اشتغلت اغنيه ولوّح بباقه الورد وسحبها وهو يجري وهو مصدومه من حركته بس جرت معه
وجدان بضحكه : وربي ما توقعت خالو بسام فلاوي كذا اول مره
حور ببتسامه : عن حب وقولي حور ما قالت
أوجان بمزح : حور ما قالت
نوايا وقفت بهدوء واخذت عبايتها وايمان وراها انتبهت لهم جسور وراحت لهم
جسور ببتسامه : كيف اجوائنا عجبتكم؟
نوايا ببتسامه هاديه : صراحه مو اخر حضور لكم اجوائكم ما تنمل منها باذن الله
إيمان : يلا احنا نستأذن
جسور : مع السلامه
ودعتهم وهي مبتسمه بحب لهم وراحت للبنات
نِيل : جوجو مين ذولا البنتين؟
جسور : صحباتي ممرضات بقسمي
كوثر : وش اسمائهم حبيت اللي لابسه وردي
جسور : اللي لابسه وردي نوايا و اللي لابسه اسود إيمان
كوثر : حلوات صراحه بس نوايا احسها ثقيله وماتمون بسرعه
جسور بتسليك : ايوه هي كذا ماتحب
وراحت عند تجمع البنات في المسرح اللي برقصون حول ريوف وانضمت لهم ترقص بجانب أرياف وتاركه بنتها عند ملاك
ساميه بتعزيز : عاشوو زوجات اخوان العروس
حور انضمت لهم بعد تردد وصارت ترقص مع ريوف اختها ونوف راحت لجسور ترقص معها و أفراح مع أرياف
ميثاء بهدوء : شفيهم نوف و جسور سحبو علينا وراحو مع ذولاك
نِيل : ميثاء حبيتي تراهم صحبات كلهم ومقربين من بعض واحنا مالهم كم شهر من تعرفو علينا وبعدين لا تنسين جو مغصوبين لجدي وجسور بكبرها كانت رافضه الجيه وانها تجلس لحالها عندنا عشان مين؟ بنات عمها وحفيدات اصحاب جدها و نوف بنت خالتها و حفيده وحده من اصحاب جدها فطبيعي اللي يسونه
كوثر : بس على الاقل ومن الذوق يناودنا مو حلوه جلستنا كذا
نِيل : حبي ناسيه قبل خمس شهور يوم انتقدتي اسم بنت جسور تحسبينها ما درت؟ لا يقلبي ساميه علمتها عشان كذا تنفر منا والسبب انتي
كوثر بصدمه : ساميه ما توفر
عند البنات
انتهت الاغنيه وجلسو مع بعض بطاولتهم وشافو الضيوف بدو يروحون والامهات يأشرون لهم وفعلا كلهم طلعو
جسور وهي تلبس عبايتها : ماما خلاص باخذ نِيـارا اعرفه تميم مالي خلقه
ملاك : متأكده؟
جسور هزت راسها بأيه و خرجت ورملاك راحت ل اهل ابوها ونادتهم معها لان مالقو احد يرجعهم ، خرجو للسيارات جميهم و قفلو القصر وكل عائله مع اللي بيرجعهم
تميم ابتسم من شافها جايه وشايله نِيـارا وراح لها وهو يشيل نِيـارا منها وهو مبتسم وظل يلاعبها تحت انظار بنات ال سعد
جسور : كنت بتركها عند ماما بس قلت لا اكيد تبيها وماما مو فاضيه
تميم : وينها عمتي بسلم عليها ما سلمت
جسور : ثواني بس
وراحت لمها السياره وهي تناديها
جسور ببتسامه : ماما تميم يبيك يبي يسبم عليك
يزيد بمزح : انتي موجوده ماله داعي امي
جسور انحرجت من فهمت قصده وضربته بكفته وتميم شافهم وجا لها
تميم : ورع ما قلت خل جسور بحالها
يزيد : ابشر على خشمي
البناتت كانو مصدومين من يزيد ماتوقعو انه فلاوي كذا ويمون مع زوج اخته لذي الدرجه
ملاك : يمه تميم كيفك اخبارك
تميم ابتسم وباس راسها : الحمدلله بخير يا عمه لانك جبتي هالجوهره الثمينه
استحت جسور من تعلقيات امها اللي تضحك عليها وعلى وجها اللي قلب
تميم ببتسامه مسك يد جسور وبيده الثانيه شايل نِيـارا : يلا يا عمه انا استأذن ورانا سفر
ملاك : الله يحفظكم انتبه للطريق تكفى تميم
لاتنسون النجمه ⭐
أنت تقرأ
ما للنجوم اوطان دام السما عيونك
Aktuelle Literaturروايتي الثانيه ❤❤ اذا تشابهت الشخصيات بـ شخصيات حقيقيه فهي صدف لا اكثر الشخصيات خياليه ! انستقرام : 7iel_4 لا اسُتبيح النِقل او الاقتباس !!
