අද මැයි පස් වෙනිදා...
මේ මාස දෙක, තුනකට මේ ගමේ මිනිස්සුන්ගෙ ජීවිත කතා වල ගොඩක් තැන් වෙනස් වෙලා තිබුණා...
ඒ වගේම මේ පහු උනු මාසෙදිත් සමහර දේවල්, වෙන්න ඕනෙම වෙලා තිබ්බ දේවල්, වෙන්න ඕනේ විදියට සිද්ද උනා...ඒ තමයි විසඳ, ගිහාන් වගේම නෙරිලුත් හොය හොයා උන්නු ලයාව හම්බුනු එක...
විලෝලගෙ ගමට එහායින් තිබුණු වීරප්පුර ගමේ පැල් කොටේක හැංගිලා උන්නු ලයාව ඉස්කෝලෙ නොයා හොර කට්ටි පනින්න ලැහැස්ති උනු කොල්ලො දෙතුන් දෙනෙක් දැකලා තිබුණා...
ඔය වෙනකොටත් ඒ ගමේ වගේම ඊට එහා ගම් තුන, හතරකත් සෙව්වගෙ ආරංචිය පැතිරිලනෙ තිබුණෙ...
මේ අණ්ඩපාලයෝ හතර දෙනාම හොඳට වගේම නරකටත් ප්රසිද්ධයි...ඒ හන්දනෙ ඉස්සර විදානආරච්චි සර් මුන් එක්කලා ගෝරියටම යන්නෙ...
සිහස්න ආවයින් පස්සෙ තමා ඔය වැඩ ඩිංගක් නතර උනේ...ඒත් තාමත් අර උන්දලා එක්කලා තියෙන යාළුකම් එහෙම්මයි...එවුනුත් ඇවිදින් මළ ගෙදර වැඩ වලට වගේම, හත් දවසෙ ධානෙටත් සෑහෙන්න මහන්සි උනා...සෑහෙන්න උදව් කරා වගේම සෙව්මිත් වෙනුවෙන් සෑහෙන්න දුක් උනා...ඒ හන්දා එවුනුත් හැමනිතරම සෝදිසියෙන් ඉන්න වග බලාගත්තා...
ඒ අතරෙදි තමයි ලයාව කොටු උනේ...ආරංචිය ආවත් හරි වීරප්පුර ගැන්සියත් එතනට බහිද්දි, විසඳත් ළඟ උන්නු තුන්, හතරදෙනාව විතරක් පටවගෙන යන්න ලැහැස්ති උනේ තවත් තත්පරයක් වත් නහස්ති කරන්න බැරි හන්දා...සිහස්න වගේම විදානආරච්චි සර්රුත් ඉස්කෝලේ ගිහින් හන්දා මේ වෙලාවෙ විසඳට බාධා කරන්න කවුරුත් හිටියෙත් නැහැ...
විසඳලා යනකොටත් වීරප්පුර ගැන්සිය ලයාව ගස් බැඳලා අර අමුඩෙ අස්සට දිමි ගොට්ටක් බස්සන්න අමතක කරලත් නැහැ...කාර් එකෙන් බැස්ස හැටියෙම නලියමින් උන්නු ලයා ගාවට ළං උනු ගිහාන් අරූගෙ ඔළුව අල්ලලා බැදලා උන්නු ගහේම ගැහුවා...ඊගාවට විසඳත් පාරක් ගහන්න ලැහැස්ති වෙද්දි දෙන්නවම නතර කරපු නෙරිල් ඔක්කොටම කලියෙන් එදා සිද්ද උනේ මොකක්ද කියලා දැනගෙන ඉමුයි කිව්වා...
අහගත්තට පස්සෙම නෙළනවා කියලා හිතාන ගිහාන් වගේම විසඳත් අකමැත්තෙන් උනත් නෙරිල්ගෙ තීරණේට කැමති උනා..."ම්...මායි...අ...ආ...ආසිරියි..."
"කෝ ආසිරි..." මෙච්චර වෙලා කාටත් ආසිරි ගැන නිනව්වක් තිබුණෙම නැති තරම්...ලයා ගොත ගගහා කිව්ව පාර තමයි තවත් පව්කාරයෙක් ඉන්නවයි කියලා මතක් උනේ...
YOU ARE READING
I told sunset about YOU | COMPLETED
Romanceසමන්පිච්ච සුවඳට පෙම් බැඳි, හිරු කුමාරයෙකුගෙ අහිංසක ආදර කතාව... start - 11 : 06 : 2023 end - 30 : 01 : 2024