#طرقات_نحو_الهلاك
بقلم # احمد
البارت_1
(حبايب البارت اليوم مجرد لمحة عن حياة البطلة قبل ما تبلش احداث القصة الاساسية علمود تكون عدكم نظرة شلون جانت عايشة الى ان بلشت القصة )
متابعين الواتباد كثرولي تعليقات علمود تصعد القصة وضيفوها لمكتباتكم واستمتعو باحداثها ❤️
السلام عليكم وياكم شهد البنت الوحيدة لبابا وماما فتحت عيني عالدنيا ببيت عمي كل الي اعرفو عن اهلي انهم ميتين
جنت هواي اسأل عن سبب موتهم بس محد يجاوبني جان موتهم شي مبهم وممنوع احد يجاوبني عليه مهما صار
عمري حاليا 10 سنوات اما بالنسبة للتفاصيل فماراح احجي بيهن هسا لان مع تقدم الايام صار هواي تغيير بيهن
خلي ابدي اعرفكم بشخصيات القصة والي هم بيت عمي الوحيد والي جان اسمو ضاهر عمرو 55 سنة وزوجتو نسرين عمرها 50 سنة
الابن الجبير اسمو بدر عمرو 30 متزوج من سماح عمرها 28 سنة وعندهم ابن واحد والي هو مروان عمرو حاليا 5 سنوات
بعدو يجي محمد الي عمرو 25 سنة بعدو ما متزوج لان متخرج من الجامعة ومتوظف جديد ودا يكون نفسو علمود يتزوج
بعدو سيدرة والي عمرها 22 سنة متزوجة من اخو سماح اسمو عيد عمرو 25 سنة
بعدها احمد عمرو 20 سنة عسكري من جان عمرو 18 سجل عالعسكرية ومن طلع اسمو عاف المدرسة والتحق بالجيش
بعدو نوال اخر العنكود مثل ما يكولون عمرها 19 سنة دا تدري مرحلة ثانية اداب انكليزي ومخطوبة لطالب وياها بالقسم
هسا خلي نبدي نتعمق بحياتي نبدي اول شي بعمي والي جان كأنو حايط بالبيت لا يحل ولا يربط مجرد انسان بالبيت
جان المتحكم الاول والاخير بالبيت هو زوجة عمي فد مرة صلفة وعينها گوية بشكل مو طبيعي والي براسها تسويه
جنت من اخطأ بشي بدون قصد مجرد تباوع علي ابجي من الخوف بسبب نظراتها المرعبة ولان اعرف محد يفكني منها
لهذا السبب جنت مثل الخاتم باصبعها ما ارفضلها طلب ولو تكولي احركي نفسج احركها بسبب الخوف مو لان احبها بالعكس اكرهها
اما بدر فجان مهتم بنفسو وزوجتو ومعليه بالبقية وابنو ولا مهتم لتربيتو رغم عمرو 5 سنوات بس لسانو وصخ بشكل مو طبيعي
من يحجي وياه الاكبر منو يصير يفشر فشار حتى يستحي الجبير يذكرو ومحد جان يحجي ويا بس احمد لهذا جان يسكت بوجودو
محمد معليه بالبيت يجي ياكل ويطلع ويرجع ينام بالليل وثاني يوم نفس الروتين يا بالدوام يا ويا جماعتو يكضي اغلب وقتو
نوال جانت مكضية وقتها بالدراسة 24 ساعة علمود ما ترسب وتعيد سنة ويتأخر زواجها وتتنافس هي وخطيبها بالدرجات
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
