#طرقات_نحو_الهلاك
بقلم #احمد
البارت_21
شهد.. طلعو للاستقبال الزلمة واسد واني بقيت يم الحجية الي كالت للمرة شوفي بنياتج خلي يجهزن العشى خاف الرجال مشغول
المرة .. تمام يمة اعتبريه جاهز
الحجية.. وانتي بنيتي اخذي راحتج اعتبري البيت بيتج
شهد.. تمام
بالوقت الحالي استنتجت انها ام المرة ومبين علاقتها كلش قوية ويا اسد واهلو بس لان متقيدة ما حجيت كلشي بقيت ساكتة
الحجية.. لولوووو وينج
لمار.. اجيت بيبي .. بعد دقيقة .. ها بيبي
الحجية.. اخذي خيتج شوفيها المكان بين ما يكمل الغدا
شهد.. باوعت باستغراب اريد اعرف دا تقصدني لو لا
الحجية.. روحي وياها بنيتي
لمار.. تمام بيبي يلا شنو اسمج
شهد.. شهد
لمار.. عاشت الاسامي اني لمار بس يدلعوني لولو
شهد.. وانتي عايشة
لمار.. يلا تعالي وياي
شهد.. تمام
طلعت وياها جان البيت بطارف ارض زراعية واكو قرية قريبة عالبيت تقريبا مسافة كيلو واحد بين البيت والقرية
البيت صاير داخل حوش يحيط بالبيت من كل الاتجاهات من كدام حديقة بس جانت مو كاملة ناقصها تراب وصايرة مثل الحفرة
والبيت متجه باتجاهين عالغربي وعالجنوب بس الباب الرئيسي صاير عالغربي اول ما تدخل من الباب تصير بوجهك الاستقبال
الاستقبال صايرة من ضمن البيت بس متقدمة عالبيت بمسافة متر تقريبا وبابها صاير على جهة الشمال ويم بابها باب الصالة الغربي
شبابيك الاستقبال صايرات عالجنوب ومن تمشي ويا الشبابيك يصير بوجهك باب يدخل على ممر صغير وبنهايتو الصالة
على الممر يمر من ورا الاستقبال يعني عاليسار الاستقبال وعاليمين المطبخ وبعد المطبخ الحمام والدرج ويم الدرج غرفة
ومقابيل الغرفة صالة وبالصدر صايرات غرفتين يعني مجموع الغرف 3 وويا كل غرفة سويت (حمام وتواليت) واحجام الغرفة كلش حلوة
كراج السيارة صاير يمين الباب مال الحوش واكو باب صغير بضهر البيت هذا الباب يودي عالبير مال الارض وعلى حوش الغنم
الشي الغريب بالموضوع مبين حالتهم كلش زينة ومو مال يشتغلون حراس بارض لبسهم واثاثهم من احسن ما يكون
اخذتني لمار شوفتني تفاصيل البيت من خارج وحوش الغنم الي جان فارغ ونظرة سريعة عالارض وكالتلي تعالي وياي
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
