#طرقات_نحو_الهلاك
بقلم #احمد
البارت_54
شهد.. طلعت اركض شفت اسد شايلها ويركض بيها وهي فاقدة الوعي والدم صاير خط على طول طريق اسد الي مشى بيه
من شفت الدم هيج وكعت بالكاع من الخوف وباوعت للحجية جان وجهها اصفر من الهبطة وهي هم خايفة من منظر الدم
صبيحة.. بسم الله ياربي سترك ربي احميها هي والطفل يارب
شهد.. شصار بيها
صبيحة.. اعتقد ولادة مبكرة
شهد.. بس انتي كلتي الولادة بعد شهرين
صبيحة.. لان حملها مو مستقر ولدت هسا
شهد.. وليش هذا الدم هيج
صبيحة.. نظفيه يمة قبل ما ينشف ويلزك بالكاع بين ما يتصل علينا اسد بعد شوية يطمنا
شهد.. تمام
جان جسمي كلو يرجف تخيلو شخص نايم ويفز على صراخ ويشوف هالموقف كدامو من صدك ما يبقى بيه طاقة يتحرك بيها
رحت جبت سطلة ماي نظفت بيها الطريق الي صار بيه دم بس ما دخلت للغرفة ونسيت انو ممكن يكون بيها دم اكثر من الي نظفتو
جانو اهل اسد كل شوية يجي واحد منهم يسأل عن الصوت وتكوللهم الحجية صار عدها ولادة مبكرة بس خافو من الدم
حاولو هواي يتصلون على اسد بس ما جان يرد وحتى اهل نارين خابرتهم اية واجو ركض اخير شي اتصل اسد عالحجية وتجمعنا يمها
اسد.. جنت نايم وسمعت صوت نارين تصيحني فزيت كلتلها شبيج كالت بطني دا تتكطع مو كادرة اتحمل فدوة راح اموت
كمت عالسريع اخذت تيلفوني وسويجي علمود اخذها لطوارئ لشي فجأة صرخت صرخة هزت البيت كلو بيها ورفعت الغطى عنها لكيت الفراش احمر
عرفت صاير عدها نزيف فشلتها وطلعت بيها ركض للمستشفى جانت فاقدة الوعي ووجها مثل الليمونة بسبب فقدان الدم
سقت بكل سرعتي وتيلفوني احترك بالاتصالات بس ولا كأني دا اسمعو من وصلت وكفت السيارة بنص الشارع وشلتها وركضت بيها
الممرضين من شافوني جابو سدية واجو ركض باتجاهي حطيتها عالسدية وكلتلهم حامل بالشهر السابع وصار عدها نزيف
اخذوها ولحكتهم الدكتورة ودخلها لغرفة العمليات لان مو ولادة طبيعية ولازم يوقفون النزيف وبقيت اني خارج انتضر على نار وادعي
صبيحة.. ها يمة بشرني
اسد.. بصوت مبحوح .. جهزو عزا للمرحومة
شهد.. هو كال هيج وكبت العيطة بالبيت اية صارت تكفش بشعرها وتصرخ وامها تضرب نفسها راشديات وتبجي بصوت عالي
اني منا خايفة من الهبطة ومنا كال نارين توفت ومنا اشوف منظرهن وهن يبجن ماكدرت اتحمل الموقف ذني كلهن بوقت واحد وفقدت الوعي
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
