#طرقات_نحو_الهلاك
بقلم #احمد
البارت_40
شهد.. شكد شفت وعاشرت ناس وتعرفت عليهم بحياتي بس ماكو ولا واحد بيهم انطاني هالاحساس جان هو الوحيد المنفرد بهالاحساس
بس رغم هذا جان من يضوج من شي ويعصب حتى لو اني ما دخلني اصير ارجف من الخوف لان عصبيتو كلش مخيفة
كعدنا على صوت طارق جان واكف كدام الاستقبال ويصيح على اسد من بعيد علمود نسمع صوتو ونكعد وكالو اسد اي كعدنا
اسد.. بصوت ناصي .. انهزمي على فراشج ركض
شهد.. بشقاوة .. ما انهزم خلي يشوفون الحقيقة
اسد.. ها هيج مو .. طارق تعال تعال
طارق.. جايك
شهد.. عزاااااااا
كمزت على فراشي وعدلت شالي عالسريع واسد يباوعلي ويضحك وقبل ما يجي طارق راح هو وماعرف شحجى ويا طارق
كمت شلت فراشي وكوة كدرت اوصلو داخل ما صدك مو باقي بي ذرة طاقة يمكن لو صايمة فد 10 ايام بعد جان متت
بسمة من شافتني هيج تعبانة كالت عوفي الفرش وروحي صلي بين ما نجهز الريوك كلتلها تمام ورحت توضيت وصليت الفجر
لاحظت بسمة من تحجي وياي تبتسم ابتسامة غريبة غير كل مرة تحسسني انو اني مسوية فد مكسورة وهي كاشفتني
بس اني كالعادة ما دققت هواي عليها ومن كملنا الغدا اخذت هي لاسد وطارق وحطينا ريوكنا عند الحجية بالصالة وكعدنا نتريك
بسمة.. يمة مثل ما توقعت العصافير ثنينهن بنفس العش
الحجية.. شعرفج انتي
بسمة.. من صعدت الصوندة للسطح علمود اعبي التانكي ماي شفتهن
الحجية.. خاف جنتي تراقبينهن
بسمة.. ههههههههه لا والله يمة رغم ببالي موضوع المراقبة بس ما سويتها
شهد.. شنو من عصافير
بسمة.. اكو عصافير مسويات عش وعبالنا بس واحد طلعن ثنين
شهد.. اها بعد الريوك اشوفهن
بسمة.. لا هسا راحن ياكلن ويجوز يتأخرن
شهد.. ما جنت اعرف ان قصدها علي اني واسد العصافير والعش هو الفراش واعرف بسمة ما عدها سوالف المراقبة بس بالصدفة شايفتنا
البنات نفس حالتي مو مفتهمات شي من الموضوع فكملنا ريوكنا عالسريع وصاحني اسد علمود نروح اني وياه
طلبو منو يبقى عالغدا بس كالعادة امتنع وجهزنا نفسنا عالسريع ومشينا ونسيت اطلب من بسمة اشوف العصافير
شهد.. شوف شلون نسيت
اسد.. باستغراب .. شنو نسيتي
شهد.. جنت اريد اشوف العصافير
أنت تقرأ
طرقات نحو الهلاك
Romantikتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
