#طرقات_نحو_الهلاك
بقلم #احمد
البارت_12
منيرة.. شهد احجيلي الي صاير وياج واوعدج اساعدج واوكف وياج شكد ما اكدر
شهد.. شفت انو افضل شي احجيلها لان تعبت من صدك واريد اعرف وين اني ومنو ذول الناس .. راح احجيلج كلشي
منيرة.. واني كلي اذان صاغية
شهد.. احجيلي انتي بالبداية
منيرة.. عن شنو احجيلج
شهد.. اول شي منو الي جابنا
منيرة.. هذا اسد ابن الشيخ راغب
شهد.. ليش تكوليلو وليدي وليش يكول للمرة الي تحت يمة ومنو امو الحقيقية
منيرة.. امو الحقيقية مرة الشيخ الثانية انتصار والي تحت هي مرة الشيخ الاولى والي هي صبيحة وهو يعتبرها مثل امو
شهد.. تمام
منيرة.. العيلة راح تتعرفين عليهم كلهم واحد واحد بس عرفيني عليج انتي بالاول واحجيلي كلشي صار عنج وبالاخص احمد
شهد.. باستغراب .. ليش احمد ومنين تعرفيه
منيرة.. ماعرف احمد بس من جنتي بالمستشفى طول الوقت ترددين اسمو
شهد.. بحسرة .. ياريت يسمعني
منيرة.. طيب احجيلي
شهد.. بديت احجيلها واتذكر كل ثانية قضيتها بذاك البيت المشؤوم الي ما شفت بيه راحة بغياب احمد وويا كل كلمة تنزل الف دمعة
هي جانت تستمعلي وتبجي وياي وما قاطعتني خلتني احجي كلشي بكلبي الى ان احس نفسي اختنكت من كثرة البجي
هي انتبهت علي وكالتلي كافي كافي ارتاحي هسا وبعدين كمليلي وخلتني اتمدد بالفراش وبقيت ابجي الى ان استسلمت للنوم
اسد.. ها ام علي شصار وياج وليش تبجين
منيرة.. ماكو شي بس البنت ماكدرت تحجي اختنكت هواي وخليتها تنام
اسد.. تمام عود اذا عرفتي قصتها كليلي
منيرة.. إن شاء الله
صبيحة.. شنو المهم بماضيها
اسد.. كلشي مهم يمة
صبيحة.. لا مو كلشي مهم هي اجت لهنا وحالتها حالة بسببنا فشما نسوي وياها من طيب راح يكون مجرد رد دين عن الي سببناه الها
اسد.. الله كريم يمة
صبيحة.. المهم اني راح اسمع قصتها من منيرة قبلك واذا اكو شي مهم عود احجيلكم
اسد.. خوش يلا استرخص اني ما محتاجة شي يمة
صبيحة.. سلامتك يمة
اسد.. الله يسلمج
صبيحة.. يمة اسد رحت لخطيبتك
اسد.. هوووووف هسا رايح يمة
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
