#طرقات_نحو_الهلاك
بقلم #احمد
البارت_66
شهد.. كضينا ليلتنا سوالف بعدها رحنا لعالمنا الخاص وجنت كلش فرحانة بكلامو من مدحني انطاني ثقة قوية بنفسي
ثاني يوم كعدنا ولكينا كرستينا دازة لاسد رسالة بيها قائمة لاهم الاماكن السياحية والي لازم نزورها خلال تواجدنا باوكرانيا
وبنهاية الرسالة كاتبة انا ماراح اكون موجودة اولا علمود تاخذون راحتكم ثانيا عندي شغل وماكدر اضيع الوقت من ايدي
كلنا عرفنا انو السبب الاساسي علمود ناخذ راحتنا وكلش عجبني تفكيرها لان ما لزكت نفسها بيها عافتنا براحتنا
دزلها اسد رسالة شكر ومن تريكنا خابر اخوانو وكال تحظرو راح نطلع نفتر بمكان سياحي كالو تمام وخلال نص ساعة جهزنا
بلشنا بالقائمة من الاول للاخير كل يوم نروح لفد مكان واغلبهن اماكن اثرية وابنية قديمة بس مكان واحد ما رحنا عليه
جان اسمو كاتدرائية القديسة صوفيا ومن سألت اسد عن سبب عدم زيارتها كال الكاتدرائية يعني كنيسة واحنا مو مسيح علمود نروحلها
لهذا السبب من قرا اسمها فورا عافها بس باقي الاماكن كلهن زرناهن واستمتعنا بيهن وعشنا شهر من صدك حياة ما تتحصل باحلام
بس دائما الايام الحلوة تخلص بسرعة وشهر العسل جان كأنو يوم واحد بس كلش تونسنا بيه اني والبنات
التقينا بكرستينا اكثر من مرة بس لقائاتنا جانت سريعة وما نلتقي بس عند النهر الي متعودين عليه هي واسد
والحلوة بيها انها ما جانت تباوع لاسد بنظرات اعجاب بالعكس معتبرتو صديق لا اكثر وهذا الشي طمني من ناحيتها
اخر كم يوم اشترينا الهدايا لعائلة طارق واهل اسد لام عيب نرجع وايدينا فارغة بس اني ما اشتريت لنفسي شي من هناك
كل الي اشتريتو عطر وفستان واحد لان باقي الملابس جان اكثرهن قصير وبعيد كل البعد عن الستر فما حبيتهن
بالنسبة لاهل اسد وطارق جنا تقريبا يوميا نتصل عليهم بالليل نحجي وياهم ونتطمن عليهم وبعدها نسكر وننام من التعب
مرة من المرات جان اسد يحجي ويا ابوه وجابو طاري سعدون والكعدة وكالو ابوه ان فضت بدون فصل بعد ما تدخلو بيها هواي ناس
شهد.. بعد ما سكر اسد .. صدك اسد عندي سؤال
اسد.. شنو هو
شهد.. بيوم الحادث مال سعدون شفت ضربت اخو الولد بس ماعرف ليش
اسد.. اجو علينا يدورون مشاكل وطلعنا اني واخواني علمود نفهم شصاير بس اخوه جان بس يسب ويصيح واحنا مانعرف شكو
المهم ضرب طلق عالبيت على اساس علمود يخوفنا اني هنا فقدت اعصابي وكوة خلصوه من تحت ايدي
أنت تقرأ
طرقات نحو الهلاك
Romansaتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
