#طرقات_نحو_الهلاك
بقلم #احمد
البارت_60
((شكرا لكل شخص دعالي بالشفاء او سأل عني الحمدلله اني صرت زين بس حلكي بعدو متأذي من الصخونة وبعدها بجسمي ما طلعت )
شهد.. بقى اسد تغدى وبعد الغدا رجع للبيت وكال لطارق هاليومين يدزلو المهر علمود يجهزوني واي شي احتاجو ينطيه خبر
جنا محتارين انو شلون نجهز ل 3 عواريس بوقت واحد بس ماكو حل غير انو نروح للسوك اني والبنات وطارق وبسمة
الحجية رفضت تجي لان ماتكدر تمشي ويانا واذا تجي بس تاخذ مكان. بالسيارة عالفاضي فقررت تبقى بالبيت بين ما نكمل ونرجع
بعد يومين جاب المهر اسد وصلو بايد طارق وثاني يوم الصبح تريكنا ورحنا للسوك وكملنا شغل الحجية خاف تحتاج شي بغيابنا
طلعنا بوقت علمود نخلص بوقت ونرجع وطارق اتفق ويا امو ان ما تحاول تطبخ نجيب ويانا سفري من المطعم احسن
اول ما وصلنا السوك طبك السيارة طارق ونزلنا احنا الخمسة كلنا وبلشنا نفتر ونتسوك وجان اول شي كالعادة الملابس
دخلنا لمول خاص بالملابس فقط مليان اشكال وانواع من الملابس وصرنا نتمشى داخلو ونشتري وبسمة هي المسؤولة عن التجهيز
اشترينا لحد ما صارن كل وحدة حصتها كومة كاملة ومن حاسب عليهن طارق تخيلو كل وحدة حسابها وصل مليون من كد ما اخذنا
وطلعنا من المول وصلنا الملابس للسيارة ورجعنا اخذنا احذية وبعد الاحذية جنط واكسسوارات وبقى اخير شي المكياج
اخذنا مكياج من كل الاشكال والانواع ما خليتا شي ينقصنا نهائيا وبنفس الوقت من نشوف ملابس حلوة بغير مكان ناخذ منهن
وبقى اخير شي فساتين الحنة والعرس ورحنا على محل جبير خاص بس بالفساتين وعندو من كل الموديلات والالوان
اخذنا اول شي فساتين العرس لان ما يحتاج نختار لون مميز المهم يكون ابيض ومستور ونقشتو حلوة ومرتبة
ولكينا كل وحدة التصميم الي يعجبها وصرنا ندور على فساتين للحنة وبصراحة جان الاختيار كلش صعب بين جمال الفساتين الموجودات
اخير شي استقريت اني على فستان اسود جان منظرو من صدك رهيب جان اسود ومطرز بابيض ونقشتو كلش حلوة
ومنتهى اخذت فستان احمر يخبل ولمار اكثر وحدة عذبتنا لان ماتعرف شتختار كل شوية تغير رايها بالفساتين
اخير شي لمحنا فستان جوزي صاير بزاوية ومو مبين زين بس مو فستان ضيم حلو بشكل ما يتقبلو العقل
لدرجة لو شايفتو بالبداية الا اخذو بدال الاسود واخيرا وافقت عليه لمار لان مستحيل ينرفض هيج فستان حلو
وتذكرنا ان ما اخذنا عطور فرحنا على محل عطورات اخذنا عطور نسائية كل وحدة 3 عطورات مختلفة عن بعض
أنت تقرأ
طرقات نحو الهلاك
عاطفيةتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
