#طرقات_نحو_الهلاك
بقلم #احمد
البارت_18
شهد.. من سمعتو احس رجليني ما تشيلني وكوة كمت طلعت من المطبخ ودفعني كدامو امشي وياي واني مو فاهمة شصاير
كلتلو بصوت يرجف والله ما سويت شي كال سدي حلكج وامشي يلاا وما اريد اسمع صوتج وسكتت بس الدموع تنزل من الخوف
اخذني وياه للمضيف جان بيه الشيخ وامير واسد بس مبين عليهم العصبية وجانو ولد عمهم هسا رايحين يعني علمود فرغو المضيف
راح امير شوية ورجع يجر بواحد وياه محطوط جيس اسود على راسو ودفعو بقوة وكعو بنص المضيف واجى رسوب مسكو
جنت واكفة مصدومة من المنظر واسد وابوه صايرين وراي ورفع الجيس رسول وانصدمت بعد اكثر بانو هذا الشخص محمد
جان مبين عليه مضروب وماعرف لان قاومهم او مسكوه بسهولة وضربوه بس ليش يضربوه وهم اخذوني فصلية
اسد.. هاي الي تريد تاخذها مو
محمد.. اي
اسد.. احجيلي هسا شلون خططتو للموضوع
محمد.. لا خططنا ولا شي هي ما تدري بشي اني لحالي خططت
اسد.. متأكد.. ووكف وراي وحط ايدو كدام كتوفي وسحبني عليه
محمد.. فتح عيونو على وسعهن .. لا لا لا انتظر انتظر والله العظيم احجيلك الحقيقة
اسد.. احجي يلااااااا
محمد.. اقسم بالله هي ما الها ذنب واصلا لو متفقة وياي ما بقيت اراقب البيت لحد ما انمسكت
اسد.. مدا اصدكك
محمد.. والله العظيم هاي الحقيقة هاي اني كدامك سوي الي تريدو بس عوفها هي ما الها ذنب
اسد.. شهد صحيح الي يكولو
شهد.. بقيت ساكتة لان مو مستوعبة الي دا يصير
اسد.. شهدد باعي هنا .. وحط ايدو اليمين ورا ضهرو
شهد.. ها
اسد.. صحيح كلامو
شهد.. باوعت على محمد وتذكرت كل الاذية الي حصلتها بسبب سماح وهو واهلو ما واحد بيهم فك حلكو ومنعها
تقدمت عليه بخطوات بطيئة ودموعي تجري مثل الشلال واني اتذكر الاحداث واحد واحد وكفت كدامو كلتلو ليش اجيت
محمد.. اجيت اخلصج منهم
شهد.. وترجعني لسماح تكمل انتقامها مني
محمد.. لا والله اني ندمان كلش لان ما ساعدتج من قبل
شهد.. بالعكس انت هواي ساعدتني لان بسبب اجيت هنا وخلصت منكم ومن سماح .. وصرت وراه وفتحت ايديه
محمد.. شهد بس اسمعيني
شهد.. روح منا محمد وما اريد اي واحد منكم
أنت تقرأ
طرقات نحو الهلاك
Romansaتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
