#طرقات_نحو_الهلاك
بقلم #احمد
البارت_47
اخوان تفاعلو بتقييم وكم تعليق وارجعو اقرو محتاج دعمكم عالقصة ❤️❤️
لمار.. ماعرف.........
انفتح الباب فجأة ولمار من الخوف شهكت ووكعت التيلفون على الفراش واسمع صوت علاء يصيحها يريد يعرف شصار
منتهى.. دخلت وقفلت الباب .. منو هذا
لمار.. برعب ه هذ هذذذاااا
منتهى.. الله يسود وجهج لج انتي ما تستحين ماعندج خجل شلون تحجين ويا الولد هسا شيكول عنج ماعرفو اهلها يربوها
لمار.. بس بس والله......
منتهى... اششششش انجبي ولا كلمة لو سامعيج ابوي وامي جان انهجم بيتج انتي وياها
شهد.. اخذت التيلفون قفلتو بوجه علاء الي جان يسولف يريد احد يرد عليه وكالت هاج تيلفونج ورجاء ابقي بعيدة عن لمار
كلامها كلش صدمني وما جنت متوقعة هيج تكول واني ولمار ثنينا وجيهنا صفر لمار من الخوف كعدت تبجي عالسرير
اني ماعرف شسوي من جهة علاء دا يتصل ومن جهة خايفة منتهى تحجي لاهلها ومن جهة خايفة على لمار وماعرف شلون احلها
طبعا منتهى محد يكدر يلومها حتى لو كاتلتنا ثنينا سوا اول شي هي الجبيرة بيناتنا وثاني شي اني ولمار غلطنا غلط جبير
عفت لمار ورحت للحديقة كعدت بيها وافكر بالي صار واحس كلبي يوجعني من الخوف وكل شوية اتخيل لمار دا تصرخ لان ابوها يعاقبها
صارت بي حالة نفسي دا اسمع صوت لمار وافز ومن اركز اطلع غلطانها واسمعو مرة ثانية وصرت اتذكر ليلة الاختطاف
نفسي شبه انكطع وصرت كوة اسحب النفس وكمت اريد ارجع للبيت وماعرف شصار بعدها وكعدت لكيت نفسي بالمستوصف (مركز طبي)
طارق.. الحمدلله على سلامتج
شهد.. شصار
طارق.. لكيتج فاقدة الوعي وسكرج كلش نازل وجيتج هنا
شهد.. تمام
تذكرت الي صار ورجعلي الخوف باوعت لطارق شفت نظراتو طبيعية واسلوبو طبيبعي فعرفت ان منتهى بعد ما كالتلو
ياربي شهالورطة الي وكعت نفسي بيها من تحسنت رجعنا للبيت ودخلت للبيت تطمنن علي بسمة والحجية ورحت للغرفة
جنت خايفة اواجه منتهى فرشت فراشي وتمددت بيه واتفجرت بالبجي فرغت كل الخوف الي بي بالبجي وبقيت ابجي لحد ما نمت
كعدت العصر راسي يوجعني دايخ وجسمي بيه خمول وتعرفون انتو نومة العصر شتسوي بالواحد وبقيت متمددة بالفراش
وصرت افكر اكوم لا هسا تشوفني منتهى بس لمار وين معقولة تصالحت ويا منتهى لا مستحيل تصالحها منتهى وهي معصبة هيج
أنت تقرأ
طرقات نحو الهلاك
Roman d'amourتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
