#طرقات_نحو_الهلاك
بقلم #احمد
البارت_55
اسد.. من راحت هي اني هم رجعت للفندق وجنت بين شعورين الاول انو همزين حجيتلها والثاني ياريت ما حجيتلها علمود ابقى كاتم بكلبي
ثاني يوم رجعت يم النهر بس هالمرة تأخرت نص ساعة يلا اجت وجان وياها كتب طلعت جاية من الجامعة فورا للمكان الي اني بيه
كرستينا.. اسفة عالتأخر
اسد.. مو مشكلة
كرستينا.. بتسأل.. نكمل
اسد.. ماعرف بس يمكن من الافضل لو مو متكلم من البداية
كرستينا.. شوف كلنا نمر باوقات حزينة ونحس ان ماكو احد يشعر بالي دا نعيشو ونحاول نكتم الشعور بداخلنا بس هالشي غلط
اذا بقيت ساكت راح يصير عندك فراغ جبير بداخلك هالفراغ مستحيل توصلو سعادة فيكون اغلب اوقاتك حزن وكأبة
انا ما اجبرك عالكلام علمود ما افرض نفسي عليك بس اني حبيت انصحك واخفف عليك شوية من حزنك واساعدك بالي اكدر عليه
اسد.. شنو السبب الي خلاج تساعديني او شلون عرفتي احتاج مساعدة
كرستينا.. من شفتك اول مرة عرفت عندك سبب يخليك تكعد ساعتين ماتدري بالدنيا وبالاخص من حاجيتك وكلتلي ما منتبه للوقت
وبصراحة اكبر حبيت انو اجرب خبرتي بعلاج الناس بما اني بعدني مو متخرجة وانت طلعت بطريقي لذلك متحمسة اني اساعدك
اسد.. سكتت شوية دا افكر بكلامها والاحتمالات اذا حجيت ولا لا وصارت تحجي وياي بمواضيع مختلفة واني اجاوبها باختصار
رغم جان حديثها حلو بس عقلي مو صافي وحاس انو ما لازم اتعمق وياها بالكلام ويكون كلامنا محدود قدر المستطاع
والمشكلة انو اني من نوع ماكدر اخجل الشخص اليحجي وياي فمجبور ارد عليها من تسألني او تحجيلي شغلة معينة
المهم انتهى اللقاء وكل واحد راح بحال سبيلو وثاني يوم التقينا بس هالمرة ما حسيت بنفسي الا اني حاجيلها الي حجيتو اول مرة
بس جنت احس براحة اكبر من اول مرة ويوم بعد يوم نلتقي واحجيلها وتسألني عن اشياء معينة واجاوبها وصرت اني انتضرها علمود احجيلها
جانت تنطيني نصائح انو شلون انظم وقتي وبشنو اشغل وقت فراغي ونصحتني ابقي التيلفون مغلق هالفترة
جانت تكول من تفتحو هسا يتصلون عليك وترحع تحزن مرة ثانية وجابتلي كتب باللغة الانكليزية بيهن قصص وعبر اقراهن بفراغي
(حرامات ما جابت لاسد قصصي جان من اول يوم رجع للعراق 😁 )
شهد.. زاد حزني من سمعت بوفاة الطفلة وما جان اكو اي احد ممكن يخفف عني هالحزن غير منتهى ولمار فطلبت من طارق ياخذني يمهن
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
