#طرقات_نحو_الهلاك
بقلم #احمد
البارت_61
شهد.. مرة من المرات خابرني اسد كال باجر نجي عليكم عندنا موضوع نتفاهم ويا طارق علمودو قبل الزواج بس ما حجالي شنو هو
شكد حاولت وعبس ما حجى كلشي وجان باقي شهر لسنوية نارين وثاني يوم الساعة صارت 10 وصلت سيارتهم جانو هو وابوه وامهاتو ثنينهن
سلم على طارق وبسمة واجو هالمرة داخل سلمو عالحجية اسد وابوه وكعدو يمها كاللها الحجي شلونج حجية
الحجية.. حياكم الله نور البيت
راغب.. منور باهلو وناسو
الحجية.. ولو عندي عتب جبير عليك
راغب.. افه اني
الحجية.. اي انت لعد ما تكول هاي مثل امي اتصل عليها اسأل عنها لو مو معتبرني امك
راغب.. لا امي الله يشهد وطارق اخوي بس والله مشغول هواي ويدري طارق وتعرفين انتي مشاكل الغشيرة ما تخلص
الحجية.. اي اخباركم اموركم
راغب.. والله الحمدلله جينا اليوم علمود نتفق وياكم بخصوص العرس بما انو ما بقى هواي
الحجية.. ابو البنات وامهن موجودين اني ما الي راي من بعد رايهم
راغب.. لا الراي كلو رايج وانتي تأمرين واحنا كلنا ننفذ
الحجية.. الله يحفظك ويرحم الي رباك بس يا ابني اني شنو اريد من هالدنيا غير اشوفكم انتو واولادكم فرحانين ومستقرين
واني واثقة انو راح انطي البنات للي يصونهن ويحافظ عليهن وهذا اهم شي عندي ما اريد غير هالشي فاتفق ويا ابوهن لان هو المسؤول عليهن
راغب.. والطلب الثاني اعتقد تعرفوه بدون ما احجي بيه
طارق.. بخصوص شهد
راغب.. اي نعم
طارق.. شهد جنتكم قبل ما تكون بنتي واسد زوجها ومسؤول عليها وماطول ما يتصرف تصرف يأذيها او يزعلها فما الي دخل اني
راغب.. اكو شغلة صارت وياي اول ما جبتها وما حجيتها بس لاخوي حماد
طارق.. شنو هي
راغب.. قبل الكعدة بيوم صليت استخارة علمود ربي يهديني للشي الصح وبالكعدة طلبت فصلية وهم وافقو بسهولة
من جبتها وشفت وضعها بالبداية كلت اكيد اكو سبب وحكمة لله بهالشي الي صار وربي خلاني اخذها علمود انقذها
جنت بكل مشكلة تصير من المشاكل الي تصير وياها او ويا اسد احسهم راح يفترقون واكول ربي خلانا سبب بخلاصها علمود تروح لغيرنا
بس سبحان الله بقو ويا بعض ومتمسكين ببعض رغم الضروف وصلاة الاستخارة جانت سبب بانو ربي يجمع بينهم بالحلال
أنت تقرأ
طرقات نحو الهلاك
عاطفيةتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
