طرقات نحو الهلاك

البارت (24)

#طرقات_نحو_الهلاك
بقلم #احمد
البارت_24

شهد.. تعشينا وخلصنا وراحت جابت التيلفونات لمار كلت لطارق عمو ليش تكول على تيلفوني هدية وما تكدر تفتحو مثل البنات

طارق.. لان التيلفون مو مني من اسد

شهد.. نزلت التيلفون من ايدي .. ما اريدو لعد

طارق.. ههههههههه ليش عود

شهد.. هيج

طارق.. وانتي جنتي متخيلة اشتريلج تيلفون بدون ما يعرف

شهد.. ليش لا

طارق.. بنيتي انتي متزوجة يعني غصب عني وعنج ان اسد لازم يعرف تخيلي عرف عن طريق الصدفة وكالي ليش ما كلتلي شجاوبو

شهد.. هو مدخلو بي

طارق.. شلون ما دخلو وهو زوجج بالشرع

شهد.. هوووووووف

طارق.. بنيتي لازم تغيرين تفكيرج ولا تاخذين كلشي بالعناد والمشاكل اعتبري التيلفون مني بشنو اني احسن من اسد

شهد.. هواي اشياء احسن منو

طارق.. يابة جزاج الله خير ومثل ما كلتلج اعتبري التيلفون مني واستعمليه بدال ما ترجعيه

شهد.. جان يعرف تصرفاتي وكلامي هذا كلو بسبب صغري وعدم التفكير بالكلام قبل ما اكولو فجان يعذرني عالي اكولو

والبنات وامهن وجدتهن كلهن كالن اخذيه انتي احق من غيرج بيه وتقبلت نصيحتهن واخذتو مرة ثانية بس احس نفسي مو مقتنعة بيه

بالبداية جان كلش صعب استخدامو بس شوية شوية بلشت اتعلم عليه واول وحدة تعلمت عليه هي لمار بسبب حماسها

جنت انتظر شغلة وحدة وهو طلاقي من اسد وما فكرت وين اعيش لو وين اروح بس المشكلة الي واجهت اسد هي عمامي

جان يخاف لا يطلكني ويسمعون عمامي وحتى لو كنت فصلية من يطلكني ما يحقلو يمنعهم من اخذي فلذلك ما جان يكدر يطلكني بسهولة

جان يتواصل ويا طارق دائما ويسألو عن اموري وطارق يطمنو ان اني بخير ومتونسة ويا البنات بس ما حجيت ويا منيرة وصبيحة

رغم مشتاقة الهن بس ما فد يوم طلبت احجي وياهن اني لو هن طلبني ونعرف اخبار بعض من خلال اسد وطارق فقط

مرن يومين وجان يوم خميس وقررنا ثاني يوم الجمعة نطلع سفرة اول شي سويناه دزينا قائمة طلبات ويا طارق علمود الغدا

كتبنا اول شي طلبات الدولمة وبعدهن الاشياء الثانية مثلا النواقص او الحلويات والمشروبات ولحم مثروم للكباب

من اجى بلشنا بالدولمة جهزناها اني والبنات وكل مرة يسووها بالسلك (سلج) بس هالمرة سووها بورق عنب علمود تكون حامضة اكثر