#طرقات_نحو_الهلاك
بقلم #احمد
البارت_15
شهد.. ليش
اسد.. يمة فهميها الموضوع
صبيحة.. تمام انت لا تشيل هم
اسد.. طلعت من يمهن ورجعت للمضيف جان ابوي دا يحجي ويا عمها
راغب.. ليش ما انطيتنا خبر من البداية
ضاهر.. شيخ راغب انتو طلبتو فصلية واني انطيتكم فاذا كانت بنتي او بنت اخوي هذا شي يخصني اني
راغب.. واني ما كلتلك راح ارجعها سألتك لان انصدمنا من كالت انتو عمامها
ضاهر.. اي صح وانطيتها الكم لان بناتي وحدة متزوجة والثانية جانت مخطوبة
راغب.. خير إن شاء الله
امير.. السلام عليكم
الكل.. عليكم السلام
امير.. تفضل شيخنا (شيخ دين) حياك الله
الشيخ.. السلام عليكم
الكل.. عليكم السلام
الشيخ.. منو اهل البنت ومنو العريس
راغب.. ضاهر عم البنت لانها يتيمة وابني اسد هو العريس
الشيخ.. بس لازم نسأل البنت
اسد.. تمام تفضل وياي
اخذتو على بيتي وامي ومنيرة جابن شهد يم الباب انطتنا الموافقة ورجعنا والحلو بيها فورا جاوبت بدون اي تأخير
الشيخ.. بدا بالعقد وهاي الاشياء ومن كمل راح ووراه راح عم شهد واخذني عمي ابو نارين على صفحة وكال خطيبتك كاتلها البجي
كلتلو تمام شوية واروح احجي وياها كال تمام اني رايح كدامك ورجعت دخلت للمضيف ومن جهة كاسرة خاطري ومن جهة اكول اتفقت وياها
بس يلا خلي اروح اراضيها خطية مهما كان بنت عمي ومنا لفترة تصير زوجتي وترخصت من ابوي ورحت لبيت عمي
اجت ويا ابوها بالاستقبال بس جانن عيونها حمر حجيت وياها وراضيتها وفهمتها ان العقد مجرد حبر على ورق
واكثر طمنها انو فرق العمر بيني اني وشهد 15 سنة يعني مستحيل افكر اني اتمم زواجي منها ومن اقتنعت رجعت للبيت
ما اكذب عليكم احس حمل وانزاح من ظهري لان جنت اعتبر وجود شهد وياي بنفس البيت وبدون عقد غلط ولازم ينحل
وهسا بفضل الله انحل وخلصت منو دخلت للبيت لكيت امي صبيحة ومنيرة كاعدات بالصالة وكعدت يمهن وحجت وياي امي
صبيحة.. اسد راح تتمم زواجك من شهد
اسد.. لا يمة اتفقنا يكون عقد فقط
صبيحة.. وشنو المانع لا عيب ولا حرام
اسد.. يمة اني انطيت كلمة لنارين وكلمتي غالية علي
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
