#طرقات_نحو_الهلاك
بقلم #احمد
البارت_2مرت الايام ومن استلمت نتيجة نصف السنة طلعت ناجحة الاولى بوية بوقتها احمد من صدك فرح فرحة ما تنوصف
كل شوية يطلع الكرت ويباوع عليه ويضحك ويكول ولج والله عفية عليج رفعتي راسي وما ضيعتي تعبي واني فرحانة لفرحة
بس بوقتها ما جان عندو فلوس وما اشترالي هدية وباخر السنة هم اولى وجابلي هدية بيت واثاث ومواعين بلاستك
رغم جابلياهن هن واللعابة بس بسبب سماح ما جان عندي وقت العب بيهن تكرب علي من الصبح لحد ما تصير الدنيا ليل
خلال العطلة الصيفية تغير الوضع وصار الشي الي غير حياتي 180 درجة وكان هو السبب باول معاناتي
من صار عمري 10 سنوات جنت بالمطبخ دا اغسل اساعد سماح بالغدا واجى احمد يغني ويهوس ومتخبل من الفرح وصاحنا اني وسماح وجمع اهلو بالصالة
نسرين.. شرايد وليش هيج فرحان
احمد.. سويت شغلة بدون ما تدرون ونجحت
نسرين.. وشنو هالشغلة
احمد.. سجلت بالجيش وطلع اسمي
نسرين.. شنوووووو
احمد.. اي والله يمة هذا الي صار
نسرين.. دشيل هالفكرة من راسك
احمد.. يمة جيت انطيكم خبر مو اخذ رايكم
نسرين.. احمد عوف الفكرة تشوف الوضع شلون مخبوص والعسكري ما يدري منين ينكتل
احمد.. يمة ترا اذا خلص عمري اموت لو اني بحضنج خلص طلع اسمي وهاي هي احسن ما ابقى ادرس وبالاخير اشتغل عمالة
ملاك.. جنت فرحانة لان هو فرحان وبقى يتناقش ويا اهلو وما ترك الهم مجال يقنعوه يترك نهائيا وبصراحة وياه حق بكلشي
بعدها صاحتني سماح ورجعت وياها للمطبخ شوية واجى كال تعالي شهد ورحت وياه طلعنا للحديقة وبدا يحجي وياي
احمد.. راح اروح دورة وممكن اتأخر
شهد.. شكد
احمد.. ماعرف بس احتمال 4 شهور
شهد.. يعني تتأخر
احمد.. اي اتأخر
شهد.. يااااا ليش تتأخر
احمد.. هو هيج لازم بس اروح مرة وحدة ومن يخلصن الاربعة اشهر ارجع وهاي هي
شهد.. لا تروح
احمد.. ليش يا روحي
شهد.. لا تعوفني سماح تضربني
احمد.. شحدها تضربج الا اهحم بيتها
شهد.. بعبرة .. تمام
احمد.. لا تبجين يا روحي اوعدج كل ما يصير بيدي مجال احجي وياج
أنت تقرأ
طرقات نحو الهلاك
Romansaتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........