#طرقات_نحو_الهلاك
بقلم #احمد
البارت_44
اسد.. تخيلو شخص بمكان وبهذا الموقف ومايعرف يطلع عايش لو ميت اكيد يتوتر بس الحمدلله ماعندي خوف لان متأكد من الي دا اسويه
من وصلنا المكان شغلنا الضو الداخلي وطفينا الخارجي وصار يسوق على كيفو علاء واشتغل ضو باتجاهنا ووكف السيارة علاء
اسد.. ابقى هنا لا تنزل
علاء.. خلي انزل وياك احسن
اسد.. لا ابقى هنا ومن يصعدن البنات وياك اطلع منا ولا تلتفت وراك اني راح ادبر نفسي
علاء.. تمام تمام
اسد.. نزلت من السيارة واتجهت على الضو واشتغل ضو ثاني جان واحد متوجه علي مباشرة والثاني متوجه على علاء
ولان الضو قوي والدنيا ليل ما جنت اكدر اميز شنو ورا الضو بس مشيت لحد ما صرت قريب عليهم ووكفت بمكاني
جنت دا افكر بفد حل يطلعني منا بعد ما اطلع البنات بس بسبب الضو مدا اشوف المكان زين وتفاجأت من انزتن كلبجات باتجاهي
رجال.. كلبج نفسك
اسد.. البنات اول شي
رجال.. ما اعتقد عندك خيار ثاني
اسد.. اكلبج ايد وحدة ومن يروحن البنات للسيارة اكلبج الثانية
رجال.. تمام بس دير بالك تحاول تلعب ويانا
اسد.. كلبج ايد واسمعو كال عوفوهن يروحن بس تفاجأت انهن طلعن من غير مكان بحيث كوة اشوف اشكالهن لان بعيدات عني
رجال.. يلا كدامك 5 ثواني علمود تكلبج الثانية
اسد.. تمام .. وكلبجت ايدي الثانية وجنت اسمع صوت بجي البنات يم السيارة وويا كل ثانية اسمعها احس روحي تطلع
ركبن بالسيارة ورجع بيها علاء وطلع من المكان وبعد كم دقيقة اسمع الي كدامي سأل واحد كال الوضع امان وماعرف شجاوبو
اجى واحد حط جيس اسود على راسي وسحبوني ركبوني بسيارة وماعرف وين اخذوني بس احس بحركة السيارة
طول الطريق جانو ساكتين بس مرة وحدة حجى واحد منهم كال جايبينو واعتقد دا يحجي بسماعة باذنو لان ماكو صوت تيلفون او لاسلكي
بعد نص ساعة وكفت السيارة ونزلوني وسحبو الجيس من راسي جان المكان عبارة عن مبنى قديم ومهجور
جانو الزلم تقريبا 20 واحد ووياهم مرة وحدة واكفة كدامي وعينها صلفة بشكل مو طبيعي وتباوعلي بحقد واستصغار
المرة.. اركع
اسد.. شنو اذن الفجر واني ما ادري
المرة.. تستهزء بي انت
اسد.. مو انتي تكولين اركع واني ما اعرف بس ركوع الصلاة
المرة.. قلبك عامر بالايمان (تقلد الي ويا عادل امام)
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
