#طرقات_نحو_الهلاك
بقلم #احمد
البارت_35
شهد.. اريد احجيلج شغلة بس ترا اني ما الي ذنب
لمار.. شنو هي
شهد.. توعديني ما تزعلين مني
لمار.. باستغراب.. اي اوعدج بس احجي شكو قلقتيني
شهد.. اكو واحد دزلج سلام
لمار.. منو هذا
شهد.. علاء
لمار.. فكت حلكها ومصدومة
شهد.. بس كلتلج وربي ما دخلني اني
لمار.. اي لا اقصد ليش
شهد.. شنو ليش
لمار.. مو شي غلسي خلي ننزل
شهد.. امانة لا تزعلين مني
لمار.. لا مو زعلانة
شهد.. نزلنا ولمار جانت صافنة وماعرف هي ضايجة وزعلانة ولا دا تفكر بالي سمعتو وضعها غريب كلش هالمرة
جنت اريد احجي ويا علاء بس ماعرف شلون اوصلو طلعت من باب الصالة جان بحديقة اهلو واكف ويباوع على بيت اسد وشافني
اشرتلو واجى بسرعة ومبين عليه مرتبك وعركو تارس وجهو من التوتر والحر اول ما وصل كال لا تحجيلها غيرت رايي
شهد.. حجيتلها
علاء.. زاد عندو التوتر .. شكالت
شهد.. حجيتلو الي صار بالتفصيل
علاء.. تمام عن اذنج
شهد.. عافني وراح .. هاي شبيهم ذول الي احجي وياه يعوفني ويروح صوجي دا احجي وياكم خلي ارجع داخل احسن شي
رجعت داخل ولمار كل شوية تباوع علي بس نظراتها عادية ومبين انها مو ضايجة فهدأت شوية وما بقيت افكر بالموضوع
تغدينا وبقو للعصر ورا صلاة العصر كالو طارق يكول خلي نمشي واني جهزت نفسي وياهم ومن طلعو طلعت وياهم ودعت الحجية صبيحة ورحت
جانو واكفين الشيخ راغب واسد يم سيارة طارق من شافني طارق جاية ويا البنات ابتسملي وكأنو يكول همزين جيتي بدون ما اكللهم
اما اسد فنظرتو كأنو يكول شعندج مستعجلة بس بقى ساكت وعاف الكلام بكلبو بس ما جنت اكدر اباوعلو من موقف البارحة
صعدنا بالسيارة كلنا جان مشغل التبريد والسيارة برودتها تخبل ومن صعدنا كلنا سلم عليهم ومشت السيارة وانطلقنا باتجاه البيت
بقو يحجون الحجية وطارق عن الاستقبال والاهتمام وهاي الاشياء بس اني مو مركزة وياهم تفكيري عند لمار وعلاء
من وصلنا رحت للغرفة اخذت ملابس ودخلت للحمام اخذتلي دوش وطلعت لكيت لمار كاعدة بالغرفة ورحت كعدت يمها
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
