#طرقات_نحو_الهلاك
بقلم #احمد
البارت_32
شهد.. بقينا نحجي للمغرب واسد جان مكيف انو ابقى وراح علي للبيت واني رحت للغرفة علمود شوية ارتاح تكسرت من الكعدة
تمددت شوية وبعدها طلعت من الغرفة وجان اسد هسا صاعد للطابق الثاني وشافني واجى تقرب علي بس هالمرة تختلف
جانت نظراتو تختلف عن كل مرة وما يحجي او يرفع عينو عني وتقرب مني لدرجة بيني وبينو سانتيم واني ماعرف ليش خفت منو
شهد.. بصوت مليان رجفة ..شنووو
اسد.. ابقي ثابتة
شهد.. الحجية صبيحة تريدني
اسد.. امي دا تقرا قران هسا جنت يمها
شهد.. ااا بس.......
حط اصبعو على شفتي وسكتني واكلني اكل بعيونو فجأة تغيرت نظراتو وكأنو حس على نفسو وتنحنح وعافني وراح للغرفة
اني من الخوف انهزمت تحت عند الحجية صبيحة كعدت بصفحة وهي تقرا قران شوية وسكرت القران وباوعتلي
صبيحة.. شبيه وجهج اصفر
شهد.. ها لا ماكو شي
صبيحة.. منيرة
منيرة.. هلا حجية
صبيحة.. ولا تصغرين صيحيلي اسد يجيب شي حلو لشهد وجهها صاير اصفر يمكن نزل السكري
شهد.. لا ما يحتاج
صبيحة.. معليج انتي
منيرة.. بعيوني
صبيحة.. تسلم عيونج
شهد.. ما جان اكو داعي
صبيحة.. شلون ماكو داعي وانتي وجهج صاير اصفر تريدين تتخربطين علمود بسمة تتخبل علينا
شهد.. تمام
وبكلبي اكول الحمدلله نقذني السكري وما انكشفت بس ليش اسد سوا هيج وشنو قصدو من هالشغلة هاي وليش اني خفت منو
صرت اتذكر شلون واكف كدامي واني لازكة بباب الغرفة واختلطت انفاسي بانفاسو ونظراتو الي خلتني ارتبك واضيع الاول والتالي
منيرة.. هسا بس يخاذلو دوش وينزل
صبيحة.. عاشت ايدج تعبتج وياي
منيرة.. تعبج راحة
شهد.. نص ساعة تقريبا ووصلتني ريحة العطر قبل ما ينزل ومن نزل جان عبارة عن قطعة جمال دا تتحرك على هالارض
جان لابس دشداشة مفصلة عظلات جسمو وكتوفو العريضة ومنطيتو هيبة تفوق اي هيبة شايفتها عند رجال قبلو
ولاف شماغ ابيض بدون نقشات على راسو ولابس ساعة سودة وسبحة سودة بايدو مع اللحية الشبابية الي مغطية حنجو
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
