#طرقات_نحو_الهلاك
بقلم #احمد
البارت_9
شهد.. اني اندل الطريق والمدرسة مو هواي بعيدة بس احمد جان يوصلني الصبح لان مرات يكونن اكو جلاب بالشوارع فيخاف علي منهن
اما من اطلع فيكونن الناس كلها موجودة والجلاب تخاف فتبتعد عن الشوارع ونادرا ما اشوف جلاب ويكونن هادئات ومن احد يضربهن يخافن وينهزمن
كتلني التعب من الجنطة لان الكتب كلهن محطوطات والدفاتر هم كلهن محطوطات ومن وصلت لكيت سماح تنتظرني بالبيت
سماح.. اخيرا شرفتي
شهد.. اي هسا اجيت
سماح.. ديلا تعالي بسرعة ساعديني
شهد.. بس ابدل وانزل جنطتي
سماح.. ديلا بسرعة الج دقيقتين
شهد.. تمام
عفتها ورحت على غرفة نوال ركض بدلت ورجعت اساعدها جانت مكملة الاكل بس باقي تحطو بصحون وننقلو عالصالة
بهالاثناء اجو محمد ونوال وراحو بدلو ملابسهم وبدينا ننقل الاكل اني وسماح وجنت دا انقل الاكل وحسيت بدوخة بسبب السكر
رحت ركض عالغرفة علمود اكل فد شي من الحلويات بس ما لكيت العلاكة رجعت على سماح كلتلها علاكة الحلويات ماكو شفتيها
سماح.. اي اخذها مروان خلي محمد يجيبلج
شهد.. مو دخت هسا
سماح.. بلا جذب واخذي باقي الاكل
شهد.. تمام
عرفتها راح تجاوب جواب يزعجني فرجعت انقل وهي تصب بالمطبخ والدوخة تزيد شوية شوية ومن غبائي ما حجيت لنوال لو محمد
جبت صحن مرك ودا امشي وصلت الصالة واخر شي سمعتو صوت نوال من صاحتني وماعرف شنو صار بعدها
ماعرف شكد مر وقت وكعدت بس جانت ايدي توجعني وجع مو طبيعي لدرجة صرت ابجي من الوجع وانتبهولي فورا
نوال.. اشششش اسكتي ماصار شي
شهد.. ايدي توجعني
نوال.. اعرف يا روحي اعرف لان وكع صحن المرك الحار فوكها
محمد.. شهد مو كلتلج اكلي من الحلويات
شهد.. خلصن
محمد.. وليش ما حجيتي
شهد.. مو اليوم اخذهن مروان
محمد.. ولك مروان صدك هذا الحجي
سماح.. شبيك محمد هن حلويات قابل شماخذ
محمد.. ليش احنا قصرنا وياه من قبل علمود يروح ياخذ شي مو الو تعال ولك مروان هنا
سماح.. سحبت مروان .. عوفو اني اشتريلها بدالهن
محمد.. ما نريد منج شي بس امسكي ابنج ابو عين فارغة لا افكس عيونو
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
