#طرقات_نحو_الهلاك
بقلم #احمد
البارت_64
شهد.. شغل اغاني اسد واندمجنا بيهن وجان اكثر مرة افرح بيها بالروحة لبيت طارق لان بسمة والبنات ويانا بنفس السيارة
بعدها بلشت تبين ملامح بيت طارق ومن بعيد كدرت المحو واكف بالطارمة وعينو عالطريق وينتظرنا لحد ما نوصل
كلت لبسمة عليه وباوعت كالت سودة علي مو كادر ينتظر هسا اكيد من الصبح على هالوكفة هاي بس علمود يتلكانا
جان الباب لاول مرة مفتوح على كبرو والحجية حاطة كرسي بالطارمة وكاعدة وهو واكف بطارف الطارمة ويباوعلنا من نزلنا
فتح ايديه وركضن عليه البنات واخذهن بحضنو واشرلي اني هم ورحت عليه واخذنا احنا الثلاثة بحضنو ويا بعض
قبل ما يحضنا لمحت دمعتو نزلت من شوقو النا وقتها من صدك احس كلبي انمرد عليه زلمة جبير وانكسر كلش بفراقنا
وبسبب موقفو هذا كلنا بجينا وياه بس اسد الي جان ساكت بعدها مسح دموعو وصار يبوس ببناتو من راسهن وخدودهن
اني باسني بس على راسي وكأنو صارلو عمر كامل مو شايف البنات وصار يتطمن عليهن ويسألهن عن احوالهن وصحتهن
بعدها سلمنا على الحجية وباركت النا وكلش فرحت بينا وبعد السلام والترحيب دخلنا كلنا للبيت وجنت كلش مشتاقتلو
رحنا نسوي جاي اني والبنات ومن كملتو اخذتو للصالة وبلشن بالغدا بسمة ومنتهى لان ما بقى وقت هواي للغدا
صبيتلهم جاي ورجعت يمهن وسوت بسمة تمن وزلاطة وتغدينا وخلصنا وبعد ما غسلنا المواعين ونظفنا البيت كعدنا نحجي بمواضيع مختلفة
بس لاحظت كلهم جانو ضايجين من موضوع ندى وكلهم يلومون بيها والحجية كالت لو موجودة اني الا اهينها كدامهم
اسد.. ما تسوى تنزلين لمستواها
الحجية.. احسن علمود تتأدب هي وغيرها والزلمة يفك حلكو
اسد.. ختولي محد انطاها وجه اصلا
الحجية.. على كولتك خلي تولي
اسد.. اي والله
الحجية.. شهودة
شهد.. ها .. هلا
الحجية.. شبيج يمة صافنة
شهد.. ها لا ماكو شي
الحجية.. باوعت لاسد .. بلى اكو شي بس اسد ما يريدج تحجيه
اسد.. بدت تحلل بكيفها
الحجية.. احجي الصراحة مو كلامي صحيح
شهد.. هو صحيح ومو صحيح
الحجية.. شنو هي حزورة
شهد.. لا بس اسد ما يريدني احجي خصوصياتنا وما اريد اكسر كلمتو
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
