يا اخوان علقو هواي خلي تصعد القصة ❤️
#طرقات_نحو_الهلاك
بقلم #احمد
البارت_4
شهد.. كملنا الغدا وحطيناه وسماح ما طلعت من الغرفة لا هي ولا ابنها وبدر دائما يتأخر فما انتظرناه تغدينا فورا
وبعد الغدا اجى بدر دخل لغرفتو شوية وطلع معصب وعيونو براسو اني جنت بالمطبخ ما حسيت الا صوتو رج البيت رج
بدر.. يمة لي هيج مزوركة الجاهل
نسرين.. يستاهل الكتلة ولو ما خايفة ربي بيه جان سويت بيه بعد اكثر لو انت راضي على كلامو
بدر.. يمة تدرين بيه جاهل وما يقصدها كل اسمو جاهل
نسرين.. بدررر نصي صوتك كدامي لا تخليني اهينك وانت زلمة اطول مني
بدر.. اي هاي الناقصة بعد اخوي الصغير ما يحترمني وانتي تريدين تهينيني بعد جيبي نوال خلي تضربني
نسرين.. بدر اطلع من يمي واذا زعلان على ابنك روح ربيه بعدين تعال دافع عنو
شهد.. بقو يتناقشون هي تلومو على تربية مروان وهو يكول ما يستاهل تسوين بيه كل هالشي واني واكفة بالمطبخ واستمعلهم
عفتهم يتعاركون بينهم وما همني شي المهم مروان اكل الكتلة الي جان يستاهلها من زمان وعمتي بردت كلبي هههههههههه
بعدها اجت سماح حطت الها ولبدر ومروان اكل وجان وجهها مكلوب وما يكصو السيف وما حجت وياي نهائيا واني هم ما حجيت وياها
بعد تقريبا شوية ورجعت الاكل حتى ما وصلتو للسنك عافتو بالكاع وراحت واني اخذت المواعين وغسلتهن وقبل ما اخلص اجت نوال
نوال.. شهد شرايج نسوي كيك اليوم تجي سيدرة
شهد.. ليش مو اجت قبل كم يوم
نوال.. لا اجو بس اهل سماح هي اليوم تجي
شهد.. بكيفج لعد
نوال.. يلا خلي نسوي علمود نكملها قبل ما تجي
شهد.. تمام
نوال.. تريدين تتعلمين
شهد.. اي
نوال.. تمام جيبيلي المواد بين ما اذوب الدهن
شهد.. تمام
بدينا اني وياها نجهز وجنت كلش احب الحلويات وبالاخص الكيك الي تسويه نوال يطلع كلش طيب لهذا جنت كلش متحمسة
نوال.. خوما حجت وياج سماح
شهد.. لا ما حجت
نوال.. اكيد
شهد.. اي والله ما حجت
نوال.. عفية مرة شكد تحب المشاكل
شهد.. الله يسترني منها
نوال.. اذا حجت وياج كليلي علمود اكول لاحمد من يتصل
شهد.. تمام
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
