#طرقات_نحو_الهلاك
بقلم #احمد
البارت_25
شهد.. شربت جاي وسمعت صوت طلقة وراي من القرية وحسيت ايدي تشنجت وحرارة صارت بضهري مديت ايدي لضهري حسيت برطوبة
سحبت ايدي جانت كلها دم صارن البنات يصرخن واني ماكدرت اتوازن ووكعت مني الستكانة ووكعت اني وراها
صبيحة.. شرايك تعتذر من اخوك وتنهون هاي الخلافات الي بينكم الواحد منكم ما الو غير اخوه يا ابني
اسد.. يمة صدك تحجين انتي تهجم على مرتي وضربها ببيتي وكدام عيوني بعد ما هانها ببيتهم وبدال ما هو يعتذر تريديني اني اعتذر
يعني بالله عليج شكلو اكلو اسف لان ضربتك بعد ما هنت مرتي وضربتها كدامي وبقى اثر ضربتك يومين بوجهها
صبيحة.. اني ما اريدكم تبقون متعاركين اعتبروها ساعة شيطان وانطو بعض فرصة ثانية
اسد.. اني بالنسبة الي ما علي حق علمود اعتذر واصلا ما بردت كلبي بيه لان ابوي وكف بوجهي
صبيحة.. ههههههه ما بردت كلبك بيه وهيج سويت بوجهو لعد لو مبرد كلبك شجان سويت بيه
اسد.. هههههههههه بس الله يعلم
صبيحة.. جاوب جاوب عالاتصال وبعدها سويلنا جاي مشتهية جاي قبل النوم
اسد.. تمام .. الو هلا طارق
طارق.. شلونك اسد
اسد.. الحمدلله يحفظك الله شبيه صوتك
طارق.. تعال عالمستشفى (.........)
اسد.. بخوف .. شنو صاير
طارق.. ماكدرت احميها .. ماكدرت اصون الامانة
اسد.. فهمني شصاير
طارق.. شهد تعرضت لاطلاق نار اليوم
اسد.. امي صبيحة كاعدة تباوعلي تريد تفهم شنو الي صاير اني اريد بس احجي وياه علمود افهم شصاير ماكدرت لساني انربط
وكع التيلفون مني وبدون ما احجي كلمة وحدة خطفت السويج بجزء من الثانية وطلعت اركض شغلت السيارة قبل ما احد يفهم شصاير وانطلقت
طول الطريق ادعي ربي مو متأذية واللوم نفسي لان من اجت لهنا ما كدرت احميها لا من نفسي ولا من غيري
اهلي تخبلو وراي ما يدرون شصاير الا اتصلو على طارق وهو حجالهم واني لان وكع تيلفوني ما يكدرون يتصلون علي
جانت المستشفى بين منطقتنا ومنطقة طارق تقريبا بالسيارة 45_55 دقيقة المسافة واني بنص ساعة وصلتها رغم الدنيا ليل
اول ما وصلت عفت السيارة مشتغلة بالشارع ونزلت ركض رحت داخل سألت بالاستعلامات وانطوني رقم غرفتها ورحت عليها
اول ما وصلت الممر جان بوجهي طارق كاعد على كرسي وحاط راسو على ايديه وملابسو كلها دم كوة تحركت باتجاهو ومن وصلت شافني
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
