#طرقات_نحو_الهلاك
بقلم #احمد
البارت_53
((ملاحضة: راح يرجع نظام النشر يوميا (عدا الخميس) إن شاء الله واذا صار يمي ضرف او شي تكدرون تدخلون للبيت بس تحطون المعرف الي بنهاية البارت بالبحث يطلعلكم البيج وتعرفون السبب ❤️❤️)
شهد.. جان جسمي كلو يرجف من الهبطة ورا نص ساعة خابرنا اسد ودك التيلفون يمنا طلع واكع منو من اخذها وهو ما يدري بيه
وورا شوية اسمع صوت وحدة خارج تكول اكص ايدي اذا مو هالحية سوتلها شي عوفنييييي علاء دا اكلك عوفننيييي
صبيحة.. بصوت عالي .. عوفها علاااااء خلي تجي
اية.. اريد اعرف شسوت هاي الحية لاختي
صبيحة.. ببرود اعصاب .. شتشربين جاي كهوة لو عصير بارد يبرد اعصابج
اية.. صدك تحجين اختي بالمستشفى وانتي تحجين بهالبرود
صبيحة.. اعتقد لو مهتمة لاختج ما اجيتي هسا بسبب خوفج عليها لو اني غلطانة
اية.. اجيت علمود اعرف هالحية شسوت
صبيحة.. ما سوت كلشي ما يمداها كعدت
اية.. لعد شنو تفسير انو اختي ما تخربطت الا بوجودها اكيد مسوية شي ودا تغطين عليها
صبيحة.. بعصبية مو طبيعية وضربت العكازة بالكاع .. اييييييية والي خلقج ان ما انجبيتي وسكرتي حلكج الا اكوم اهينج
امها.. بدون سلام .. شبيج عليها حجية ليش تحجين عليها
صبيحة.. علمي بنتج شلون تحجي قبل ما اعلمها اني
امها.. لا.........
اسد.. ساند نارين.. ولكم شبيكم دخيل ربكم ما تعرفون تعيشون بدون مشاكل
اية.. اسأل نفسك من جبت هالحية مدري شسوت لاختي
نارين.. بصدمة .. اية شنو هالحجي البنية ما لحكت تكعد واصلا ما سوت كلشي
امها.. وليش تدافعين عنها والله حلوة هاي تدافع عن ضرتها
نارين.. لان بريئة اني تخربطت لان حامل ومن اليوم الي يحجي ويا شهد اني اول وحدة اوكف بوجهو
شهد.. اختلط الشعور بين فرحهم بحملها وانزعاجهم بالملاسنة الي صارت بس اني وامها جنا مختلفات عنهم
اني متملكني شعور الخوف وامها جانت مصدومة بسبب دفاع نارين عني لهاي الدرجة وجان منظرها يوضح انو مستحيل متفقات
حتى لو قبل جان عندي شك بنارين هسا تأكدت مليون بالمية انو ما تكرهني المهم سندها اسد وكعدت يم الحجية صبيحة
عافو العركة وصارو يسألون عليها ويتطمنون على صحتها والي عرفتو منها انها حامل بداية الشهر الثاني بس حملها صعب
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
