#طرقات_نحو_الهلاك
بقلم #احمد
البارت_56
شهد.. انهزمت لغرفتي وحركت التيلفون حرك على اسد وبكل اتصال يطلعلي مغلق اخير شي خابرت على طارق كلتلو فدوة تعال بسرعة
طارق.. ها بوية شبيج
شهد.. فدوة تعال واني احجيلك بس ضروري كلش تجي
طارق.. احجيلي هسا ماراح اكدر انام من القلق
شهد.. ماكدراحجي هسا خاف احد يسمعني
طارق.. تمام باجر الصبح اني وامي يمج
شهد.. تمام بس فدوة لا تأجلوها
طارق.. لا ما نأجلها بأذن الله
شهد.. تمام
سكرت منو ورجعت احاول اتصل على اسد بلكي يجاوبني وماكو تيلفونو مغلق وبقيت كاعدة مو كادرة انام كلامهم يرن باذني
رغم انو ماراح يودوني فصلية هسا بس من سمعت كلامهم ماكدرت انام كأنهم راح ياخذوني فصلية واني نايمة بنص الليل
شهد شنو ممكن تسوين فكري زين اول شي لازم تسوين نفسج ما سمعتيهم وعالقليلة لو بس كدامهم علمود ما تكشفين نفسج
وباجر من تجي الحجية لازم تنفردين وياها بمكان لحالكن علمود تحجيلها كلامهم بالتفصيل وهي تعرف شنو لازم تتصرف
بس يا ترا اذا حجت كدامهم شنو ممكن يصير معقولة يجبروني ابقى وما يكدرون طارق والحجية يساعدوني لانهم مو اهلي
زين شنو اكو حجة ممكن تخلي اهلي يدزوني مع طارق وامو ياربي ماكو اي حجة ماكول غير الله يستر من تاليتها
بقيت الليل كلو كاعدة وافكر واحس راسي راح ينفجر لحد ماصارت الساعة 8 ونزلت تحت علمود اتريك وياهم وما احسسهم كلتلهم صباح الخير
بابا.. صباح النور شبيج تعبانة
شهد.. ها لا مو غيرت مكان نومتي وما ارتاحيت
بابا.. اي عادي يومين ثلاثة بالزايد تتعودين
شهد.. اي صح .. بكلبي اكول انتو ما تحملتو يوم وقررتو مصيري
وائل.. السلام عليكم
الكل.. عليكم السلام
وائل.. ها بنت العم شلونج
شهد.. بقيت ساكتة مادري بيه يقصدني
بابا.. شهد ابن عمج يحجي وياج
شهد.. ها اي هلا
وائل.. شبيج مرتبكة .. واكلني اكل بعيونو
شهد.. ماكو شي
وائل.. جدي اني حجيت ويا ابوي علمود يخطب شهد منكم من يطلكها اسد
جدي.. بارتباك.. اي بيها الخير الله كريم
أنت تقرأ
طرقات نحو الهلاك
Roman d'amourتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
