#طرقات_نحو_الهلاك
بقلم #احمد
البارت_37
اسد.. طلعت من يمهم اتمشى وصلت المضيف مالي واهس ادخل بس كلت بلكي اكضي وقت دخلت كلت السلام عليكم
قبل ما اكعد دكت علي امي صبيحة ورجعت طلعت جاوبتها جان مبين عليها دا تبجي كالت اسد تعال بسرعة للبيت
من سمعتها كالت هيج احس نشف الدم بجسمي وعرفت شهد صاير وياها شي ورحت ركض عالبيت ووصلت بسرعة
جانت امي بالصالة وبحضنها شهد الي واكعة وفاقدة الوعي ركضت اخذت ماي ورجعت عليها رفعت راسها بحضني
بللت ايدي ومسحت على وجهها وانتظرتها شوية لحد ما كعدت ومسكت بطنها وباوعتلي بعيونها الذبلانة وكالت بطني توجعني
اسد.. كون بي الوجع ولا بيج هسا شوية ويروح
شهد.. اريد انام نعسانة
اسد.. اي بعيني هسا اخذج لغرفتج
شلتها بحضني واخذتها للغرفة ومددتها بفراشها وغطيتها وجانت حاضنة بطنها من الوجع وبقت ساكتة وعفتها ونزلت تحت
جنت احس نار شاعلة بصدري من القهر عليها لكيت امي كاعدة عالقنفة وشوية هادية من شافتها كعدت واخذتها لغرفتها
صبيحة.. ها شلونها
اسد.. بطنها توجعها
صبيحة.. هدت حيلي من الخوف جسمي لحد الان يرجف
اسد.. هاي لازم تتعودين على فقدانها للوعي وخايف لا تفقد الوعي فد مرة وهي نازلة من الدرج وتصير مصيبة
صبيحة.. ذكرني باجر اوصي منيرة تسويلها اكل قبل ما تروح لبيتها علمود السحور
اسد.. إن شاء الله يمة
صبيحة.. وهم وصي علي وعلاء يبقون قريبين من تروح لشغلك خاف نحتاج منهم شي
اسد.. ماراح اروح هالفترة بعد اسبوع استلم اجارات البيوت وما احتاج الشغل
صبيحة.. لا روح للشغل هذا مصدر رزقك وما يصير تهملو واني واخوانك موجودين عند شهد وما نعوفها لحالها عالقليلة تكضي وقت هناك
اسد.. اوووووف يا يمة والله ماعرف شسوي محتار كلش
صبيحة.. لا تسوي شي عوفها يم ربك
اسد.. إن شاء الله
شهد.. بقيت بغرفتي وبدا يروح الوجع شوية شوية لحد ما راح كلش كمت بدلت ملابسي لان ماكدر انام بيهن
رجعت تمددت بفراشي اول ما غفيت حسيت بحركة يمي وجان اسد اخذني بحضنو وجان كابس على عيوني النوم فما اهتميت
نمت وما حسيت الا صوتو كال يلا كومي تسحري صار وقت السحور كلتلها تمام وراح هو كدامي وكمت بدلت ملابسي ونزلت
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
