#طرقات_نحو_الهلاك
بقلم #احمد
البارت_57
شهد.. جان اكو بوجه الاستقبال تلفزيون بلازما مركبو طارق على الحايط الي يم الباب يعني صار بصفحتنا من جنا كاعدين
فجأة وبدون سابق انذار انرفع وائل وطار بجهة التلفزيون بحيث اركع بالنلفزيون الا انكسر ووياه كبت العيطة من جدي وعمي وبابا
اسد.. جانت كرستينا كأنها ملاك الله ارسلها الي علمود تكون وسيلة مساعدة الي لان كلش حلو تعاملها وياي خلال هالفترة
صحيح ماكو اي مشاعري الي تجاهها بس جنت احترم اهتمامها واحب احجيلها وافضفض الها وهي تبقى تستمعلي
جانت احيانا تأجل شغلها او مواعيدها علمود تلتقي بي بالوقت المناسب وما تخليني استعجل او تروح قبل ما تخلص كلامي نهائيا
اتذكر مرة من المرات تريد تطلع هي وصاحبتها بس صادف طلعتهن ويا وقت لقائنا وجابت صاحبتها وياها
وما عافتني الا حجينا شوية وبعدها راحن وجانت هواي تركز على شهد بكلامها وتحاول تذكرني بانو شهد موجودة ولازم ارجعلها
للامانة اني مو ناسي شهد ولا هاين علي اعوفها وبالاخص من تعرف منو اهلها بس ضرفي صعب جنت بحالة صدمة قوية
وجنت متأكد اسلام وطارق وابوي يكونون موجودين ويساعدوها ورغم تعودت على فراقها بعد زواجي بس كلش اشتاقيتلها هالمرة
وماعرف اذا كان شعوري لا ارادي او انو كرستينا حركت بمشاعري بكثرة كلامها عن شهد وصرت بس اريد ارجع للعراق
باخر يوم الي هناك جنت شبه حزين انو راح افترق عن اكثر انسانة وكفت وياي بمحنتي وكدرت تطلعني من حزني
كرستينا.. هلو
اسد.. اهلا وسهلا
كرستينا.. تأخرت عليك
اسد.. لا
كرستينا.. حاسة انك ضايج
اسد.. بصراحة اي
كرستينا.. شنو السبب
اسد.. باجر ارجع للعراق
كرستينا.. بحزن .. صدك
اسد.. اي للاسف
كرستينا.. سكتت بس مبين عليها حزينة
اسد.. طلعت ورقة وصارت تكتب بيها اخير شي انطتنياها كال هذا اسمي الكامل وعنواني ورقمي واسم الفيسبوك والانستا والواتساب
اذا اجيت لاوكرانيا مرة ثانية او حبيت تتواصل وياي فتكدر تتواصل على اي وسيلة من ذني وراح اكون بقمة السعادة بتواصلك
فرحت كلش بردة فعلها وودعتها وسط دموعها وثاني يوم طلعت من الفندق وتفاجأت بوجودها كدام الفندق تنتظرني
أنت تقرأ
طرقات نحو الهلاك
Romansaتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
