මිඳුණු ඇසිඩ් 𝙁𝙍𝙊𝙕𝙀𝙉 𝘼𝘾𝙄𝘿 (BL)

17 වෙනි කොටස - ඇස්බරි පාර්ක්

සිහි එලවාගත නොහැකි වූ කීත් මෝටර් සයිකලය මාර්ගය මධ්‍යයේ නවත්වාගෙන තප්පර කිහිපයක් සිටියේය. කීත්ගේ ශ්‍රවණ උපකරණය හරහා සිය සගයන්ගේ හඩවල් ඔහුට ඇසුණේ නින්දෙන් දෝංකාරය දෙන ආකාරයෙනි. බියෙන්; විමතියෙන්. ඒ සියල්ල අභිබවා කීත්ට ඇසුණේ ඇලෙක්ස්ගේ සුපුරුදු ජව සම්පන්න හඩයි.

"කොලින්! මට වැඩි විස්තර කියපන්... කොච්චර ස්පීඩ් එකක් ඕනාද?"

"TLF Maxi 711 වර්ගයේ ස්පීඩ් බොම්බ් එකක් මචං. වේගය අවම 60 ට තියාගන්න ඕනා!"

කොලින් සිය විස්තරය ඇලෙක්ස් වෙත දුන්නේය.

"යකෝ 60? එහෙනම් ට්‍රක් එකේ එකා හැටට හැටේ ගියේ ඒකයි!"

ලූකස් පැවසීය.

"ට්‍රක් එක ඇතුලේ එක්ස්ප්ලෝසිව්ස් තියාගෙන ඒ අස්සේ ස්පීඩ් බොම්බ් එකකුත් හයිකරලා! මොන &#@$ යකෝ මේ!! "

ස්ටෙෆාන් කෑගැසුවේ බිය මුසු කේන්තියෙන් ය.

"කෝ මේ බොම්බ්ස් ඩිස්පෝසල් යුනිට් එක? නොදකින් මුං අවශ්‍ය වෙලාවට එන්නේ නෑනේ! "

ඕස්ටින් සිය කෝපය සහ කලකිරීම පිට කරන්නට විය.

"උන් හොදට ප්ලෑන ගහලා තියෙනවා. උන්ගේ ටාගට් එකට යන්න බැරිවෙලා මගදි ෆෝර්සස් වලින් ඇල්ලුවොත් ට්‍රක් එකේ ස්පීඩ් එක අඩු උන හැටියේ ෆෝර්සස් එක්කම මැරෙන්න උන් ස්පීඩ් බොම්බ් එක හයි කරලා තියෙන්නේ !"

ප්‍රථම වතාවට කීත්ට ඇසුණේ සිය නායක නේතන්ගේ කෝපයෙන් වියරු හඩයි.

සිහිඑලවාගත් කීත් මෝටර් සයිකලය වේගයෙන් පැදගෙන ගියේ ඇලෙක්ස් සිටින ට්‍රක් රථය වෙතටයි. ට්‍රක් රථය හා සමගාමී වූ කීත් බැලුවේ රියදුරු අසුනේ සිටින ඇලෙක්ස් වෙතයි. ඔහු කිසිදු වෙනසක් නොමැතිව ට්‍රක් රථය ධාවනය කරයි.

මේ අතර දිගින් දිගටම අනිල් සහ ආරක්ශක අංශ අතරේ සිදුවන සංවාද කීත්ට ශ්‍රවණ උපකරණය හරහා ඇසුණේ ය. ආරක්ශක අංශවල දුර්වල සන්නිවේදනය සහ කටයුතු කිරීම ගැන අනිල් සිටියේ කෝපයෙන් වියරු වැටීය. ඔහු දිගින් දිගටම ආරක්ශක අංශ ප්‍රධානීන් වෙත සිය උපරිමයෙන් බැන වැදුනේය.