මිඳුණු ඇසිඩ් 𝙁𝙍𝙊𝙕𝙀𝙉 𝘼𝘾𝙄𝘿 (BL)

22 වෙනි කොටස - ඉන්ඩිගෝ ටෙරස්

වහාම බෝස්ටන් හි Massachusetts රෝහල වෙත ඇලෙක්ස්ව ඇතුලත් කලේ අධික උණ හේතුවෙන් සිහිසුන් තත්වයට පත්වීම නිසාය.

" 104 ට උණ ! මෙච්චර වැඩිවෙනකල් ඔයාලා මොනවද කලේ..?! "

හදිසි ප්‍රතිකාර ඒකකයේ වූ වෛද්‍යවරයා කීත් සහ මේජර්වරයාට බැන වැදුණි.

ඇලෙක්ස් වෙත වහාම ප්‍රතිකාර ආරම්භ කරන ලදී. හදිසි ප්‍රතිකාර ඒකකයෙන් පිටත කීත් සහ මේජර්වරයා වාඩිවී සිටියහ.

"මේජර්.. ඔයා යන්න.. මං ඉන්නම්"

කීත් පැවසුයේ සිත් තැවුලෙන් ය. ඇස්බරි පාර්ක් හි සිදුවීම ඔහුට මතක් විනි. එදින ඇලෙක්ස් දිවි බේරාගත්තේ දෙවියන් වහන්සේට ස්තූති වන්නටය. අද ඔහු උණ වැඩි වී සිහිසුන් තත්වයේ සිටියි.

කිව්වානේ රෙස්ට් කරන්න කියලා...
පණ්ඩිතකම තමා...
දැන් හරිනේ.....
ඔය කරගත්තේ.....

"නෑ ඒජන්ට් ...මම ඉන්නම්... අපි ඔයාලගෙන් සර්විස් එක ඉල්ලනවා නම් ඔයාලව බලාගන්නත් අපි බැදිලා ඉන්නවා"

යැයි මේජර්වරයා පිලිතුරු දුන්නේ කීත්ගේ උරහිස තට්ටු කරමින් ය.
කීත් කිසිවක් නොකියා ඔහුට ස්තූති සිනහවක් පුද කලේය.

"ඒජන්ට් බිෂොප් ගැන අපි K12 යුනිට් එකට ඉන්ෆෝම් කලා. එයාලා සර්ව කන්ටෑක් කර ගනියි!" 

මේජර්වරයාගේ වචන අවසන් වීමට මත්තෙන් කීත්ගේ දුරකතනයට කතා කලේ අනිල් ය.

උණ සමග රාජකාරි කිරීම ගැන අනිල් පළමුව ඇලෙක්ස් හට බැනවැදුනේය..!
උණ පිටින් ඇලෙක්ස්ව රාජකාරි සදහා පිටත් කල කෝල්මන් හට අනිල් දෙවනුව බැන වැදුනේය...!

නේතන් මේ වනවිට කීත් සහ ඇලෙක්ස් වෙනුවෙන් බෝස්ටන් කරා පිටත් වී ඇති බවත්, ඇලෙක්ස්ව හොදින් රැකබලාගන්නා ලෙසත් අනිල් විසින් කීත්ට උපදෙස් දුන්නේය. ඒකකයේ අනිත් සගයන්ද කීත්ට දුරකතනය හරහා අමතා ඇලෙක්ස්ගේ සෞඛ්‍යය ගැන විමසා සිටියේය.

මූලික ප්‍රතිකාර කල ඇලෙක්ස් හට උණ බැස යාමට පැය දෙකක් පමණ ගතවිය. පැය දෙකකට පසු ඇලෙක්ස්ව දැකීමට වෛද්‍යවරයා කීත් හට අවස්ථාව ලබා දුන්නේය.