(Complete) ကမ္ဘာပျက်ကပ်တွင် ကလေးငါးယောက်နဲ့အတူ ဖြတ်သန်းခြင်း

Ch 3&4 (edit version)

Ch 3

ဝိန်ရှောင်ရှောင်က ပြုံးလိုက်ပြီး သူမမျက်လုံးထဲတွင် ကြည်နူးမှုတွေ ပြည့်နှက်နေသည်။ သူမရဲ့ ဖုန်းကို ကောက်ကိုင်လိုက်ပြီး ဘဏ်အကောင့် လက်ကျန်ကို စစ်ကြည့်လိုက်တော့ ယွမ် သန်း 80 ရှိနေသည်။ သူမ မိ‌ဘတွေ ထားခဲ့တာ အပြင် သန်း 80 က နက္ခတ္တဗေဒဆိုင်ရာ ပမာဏ မဟုတ်သော်လည်း များပြားနေဆဲ ဖြစ်သည်။

ထို့ကြောင့် ဝိန်ရှောင်ရှောင်က သူမဖုန်းဖြင့် ဈေးဝယ်ထွက်လိုက်သည်။ အဝတ်အစား၊ ဖိနပ်၊ စောင်၊ ခြေအိတ်နဲ့ တခြားအရာများ...... သူမက ရာသီတိုင်းအတွက် ဝယ်ခဲ့သည်။ မျိုးစေ့တွေလည်း များများ ဝယ်လိုက်သည်။ အဆာပြေမုန့်တွေကိုလည်း အများအပြား ဝယ်လိုက်သည်။ ဝိန်ရှောင်ရှောင်က အရူးအမူး ဈေးဝယ်ထွက်ခဲ့သည်။

ယွမ်တစ်သိန်းနီးပါး ကုန်ကျခဲ့ပြီး ဒီထက် ပိုသုံးနိုင်သေးတယ်ဟု သူမ ခံစားမိသည်။ အချိန်ကို သတိပြုမိပြီး အိပ်ရန် ဆုံးဖြတ်လိုက်သည်။

နောက်နေ့ မနက်စောစောတွင် ဝိန်ရှောင်ရှောင် နိုးလာပြီး သူတို့အတွက် မနက်စာ ပြင်ဆင်သည်။ မုန်းပေါင်း၊ ယာဂုနဲ့ ကြက်ဥကြော်တို့ ဖြစ်သည်။

အိပ်ခန်းထဲ သွားပြီး သူမ အချစ်ကလေး ငါးယောက်ကို နိုးလိုက်သည်။ သူတို့ကို ချစ်ခင်ကြင်နာစွာဖြင့် ကြည့်ပြီး "ချစ်လေးတို့ ထဖို့ အချိန်ရောက်ပြီ။" လို့ ပြောလိုက်သည်။

ဝိန်ဖိန်က သူမ မျက်လုံးကို ပွတ်သပ်ပြီး "မင်္ဂလာ နံနက်ခင်းပါ မေမေ" လို့ တိုးတိုးလေး ပြောသည်။

"မင်္ဂလာ နံနက်ခင်းပါ ချစ်လေးတို့" ဟု ဝိန်ရှောင်ရှောင်က နွေးထွေးစွာ ပြန်ဖြေသည်။

ထို့နောက် ဝိန်မို၊ ဝိန်ဟိန်၊ ဝိန်ရန်နဲ့ ဝိန်ရှောင်တို့ နိုးလာသည်။

ချစ်စရာ ကောင်းတဲ့ ဖက်ထုပ်လေး ငါးခုကို ကြည့်ပြီး ဝိန်ရှောင်ရှောင်က နူးညံ့သိမ်မွေ့ သွားသည်။ သူတို့က ရိုးရိုးရှင်းရှင်းဖြင့် မပြောပြတတ်အောင် ချစ်စရာ ကောင်းနေသည်။

သူတို့က အမွှာတွေ ဖြစ်သော်လည်း အလွန်ဆင်တူခြင်း မရှိပေ။ ဝိန်ရှောင်၊ ဝိန်မို၊ ဝိန်ဟိန်နဲ့ ဝိန်ရန်တို့က ထူးထူးခြားခြား တူညီတဲ့ အသွင်အပြင်ရှိပြီး သူမ မမြင်ဖူးတဲ့ ကလေး‌တွေအဖေရဲ့ မျက်နှာနဲ့ ဆင်တူသည်။