(Complete) ကမ္ဘာပျက်ကပ်တွင် ကလေးငါးယောက်နဲ့အတူ ဖြတ်သန်းခြင်း

Ch 143

Ch 143

ဝိန်ရှောင်ရှောင်က ဝိန်ဖိန်ကို လွှတ်လိုက်ပြီး ဖက်ထုပ်ထုပ်တာကို အာရုံစိုက်လာသည်။

ဖက်ထုပ် ထုပ်ရာတွင် အရသာမျိုးစုံဖြင့် ထုပ်ခဲ့သည်။ လူတိုင်းက အကြိုက်မတူပေ။

ကြက်သွန်မြိတ်နဲ့ ဝက်သား ဖက်ထုပ်၊ ပုဇွန်ဖက်ထုပ်၊ တရုတ်နံနံဖက်ထုပ်၊ ကြက်သွန်မြိတ်ဖက်ထုပ် စသဖြင့်.....

ဖက်ထုပ်အမျိုးမျိုးကို ပြုလုပ်ပြီးနောက် မှောင်စပြုလာသည်။

လိမ္မော်ရောင်အလင်းတန်းများက အခန်းတွင်းရှိလူတိုင်းကို အနည်းငယ် နွေးထွေးမှုပေးသည်။

ဝိန်ဖိန်က သူ့အဖေနဲ့ အပြင်ထွက်သွားပြီး မှောင်လာတဲ့အခါမှ ပြန်ရောက်လာခဲ့သည်။

ရာသီဥတုက အရမ်းအေးသည် ပေါ်ရီ့လျန်က သူ့ရဲ့ အဖိုးတန်သမီးလေး အေးခဲသွားမှာကို ကြောက်တာကြောင့် သူမကို ရင်ခွင်ထဲထည့်ထားပြီး သမီးဖြစ်သူကို အအေးမိတာ ဒါမှမဟုတ် တစ်ခုခုမဖြစ်အောင် ကုတ်အင်္ကျီနဲ့ ဖုံးထားသည်။

ပေါ်ရီ့လျန်က သူ့သမီးကို သူငယ်ချင်းအိမ်ဆီ လည်ရန် ခေါ်သွားတာကြောင့် ပြန်ရောက်တဲ့အခါ မှောင်နေပြီ။ တိုက်ဆိုင်စွာပင် ဖက်ထုပ်များကို ချက်ပြုတ်ပြီး စားရန် အဆင်သင့်ဖြစ်နေခဲ့သည်။

တစ်ဖက်တွင် ဝိန်ဖိန်က နာခံမှုအပြည့်ဖြင့် သူ့အဖေရဲ့ ရင်ခွင်ထဲတွင် ရှိနေပြီး သူ့မျက်လုံးများက အိပ်ချင်ပုံ‌ပေါ်နေပြီး ချစ်စရာကောင်းစွာ အိပ်ငိုက်နေသည်။

ကျန်တဲ့လေးယောက်က ဝိန်ရွှန့်ဟန်နဲ့ ဒုတိယထပ်မှာ ကစားနေပြီး လုံးဝ ဆင်းမလာပေ။

အမေပေါ်က ပေါ်ရီ့ပင်းကို ခေါ်ခိုင်းလိုက်သည်။ ကလေးတွေက သူတို့ဦးလေးနဲ့အတူ ကစားစရာတွေကို လိမ်လိမ်မာမာနဲ့ ကလေးဆန်စွာကစားနေကြသည်။

အရုပ်ကားများ၊ အဝေးထိန်းလေယာဉ်များ၊ Ultraman အရုပ်များ စသည်တို့ဖြင့် ပျော်ပျော်ရွှင်ရွှင် ကစားနေကြသည်။

မိသားစုတစ်စုလုံးက ထမင်းစားပွဲတွင် ထိုင်ကာ အရသာရှိသော ဖက်ထုပ်များကို စားကြသည်။