Spring Of Life

🍀01🌪️

" තේ කහට ටිකක් වත් බිලා පලයන් පුතේ... උබලා දවල්ට කනකන් හිස්බඩනේ ඉන්න වෙන්නේ..."

"බෑ.. අම්මා... පරක්කු වුනොත් මුදලාලි මාමාගෙන් අහා ගන්න වෙයි අදත්... පඩියත් කාපාවී... මම ගිහින් එන්නම්... අම්මා පරිස්සමෙන් ඉන්න ... පොඩ්ඩී එන්න ඉක්මනට චුටි නංගි එක්ක...."

" හරි ... අපි යනවා අම්මා.. අප්පච්චි නම් නිදිනේ..."

"මම හවස එද්දි ගෙදර අඩු පාඩු ටික ගෙන්නම් අම්මේ...අද පඩිය දෙනවා කිවා මුදලාලි මාමා..."

"මගේ පුතාට රත්නත්‍රයේ පිහිටයි.... පරිස්සමෙන් මගේ දරුවෝ...."

දැහැමි -: අම්මා....
වයස -:40

අදත් සුපුරුදු පරිදි උදේ පාන්දරම නැගිටලා හිස්බඩ ටවුමේ කඩේට දුවන්න ලැස්ති වුනේ ගෙදර ලොකු දරුවා වුන මගේ වගකිම ඉටු කරන්න...

අප්පච්චි ඉන්නවා ..ඒත් නමට විතරක් වෙනකොට මේතාක් ගෙදර බර ඇද්දේ අපේ අම්මා...ඒත් මිට මාසෙකට කලින් වුන අනතුරක් නිසා මගේ අම්මාගේ රස්සාව නැති වුනා... මට වයස අවුරුදු 19 ක් වෙන එකේ තවත් ඉගන ගන්න ආසාව පැත්තට දාපු මම රස්සාවක් හොයා ගත්තේ අම්මාට හයියක් වෙන්න ..මොකද අප්පා කියන කෙනා හම්බ කරන පිච්චිය එයාගේ මත් වතුරවලටම ඉවරයි ..

මහා ලොකු පඩියක් නෑ...රුපියල් 15000ක පඩියට තමා මම නැහෙන්නේ..හොද ජොබ් හොයනවට වඩා මට ඕන වුනේ මගේ ගෙදර අයට බඩගින්න දැනෙන්න නොදි ඉන්න විතරයි..

"අයියා ඔයාට පුලුවන් නම් මට කොත්තුවක් අරන් දෙන්නකෝ... කාපු කාලයක් මතක නෑ අනේ.. ඊයේ පියුමි කිව්වා එයාලා පේරෙදා රෑ කෑවා කියලා ...එත් ඉතින් අපිට කොහෙන් ද එහෙම කන්න...අනේ අලන් එනවාකෝ අයියා..."